پرشكوه

پرشکوه، یِتَه روستا بخش کومله شهرستان لنگرود ، اوستان گیلان ایران میَن نَی.

روستائی جیگَه

پرشکوه شهرستان لنگرودی توابع هیسَه ، ای روستا کوئی دیمه نَی .

جمیئِت

ای روستا دهستان مریدان میئن نَی و سرشماری مرکز آمار ایران در سال ۱۳۸۵ میئِن، اونی جمیئِت ۱۰۷۰ نفر (۳۲۳خانوار) بو.

پرشکوه مائنی «پره کو» یا «کوئی دَم» بوئته بوُبوِی . ای روستائی قَشَنگِن ماقولی زیاد ایسَه . ای روستا کیشاوَرزی حَاصیلوئن ، چَئی (دَس بَزِه چَئی و کَارخوُنِه یی چَئی)، برَنج ، نوغوُن و مُحَلی نون و مورَکبات هیسَه .

پَرَشکوئی مورَکبات خَیلی خَاطیرخواء اوستان گیلانی میئِن دَئنَه و خَیلِم معروف ایسَه هینی وَسِه سالی میئِن دَه ها هیزار نفر هَمِّتَه ایرانی جیگایونَجی پَرَشکوه هَنن .

روستای پرشکوه ، پرشکوه کوهی دَم نَی . ای کوئی بولَندی 450 میتر هیسَّه .

مُوردیم‌شناسی

پرشکوه قومی بافت گیلگ ایسَّه و گیلیکی گَب زِنن . یِتَه از معروفترینُون گَه پرشکوهی میئِن زیندیگی گود حاج تراب صیحانی بو . حاج تراب صیحانی یِتَه عالیم فقیه (آیت اله میشکینی همدورَه) و موعَلیم بو گَه سال 1375 میئِن فُوت بَگود و به دییارِ باقی بُوشوی .

پرشکوه 4 تَه شهید دَنَه گَه ایشُونی نوم : حسن فتحی ، احمد خدادادی ، فیاض قانع و محمود مهدی نژاد ایسَّه . اینم باید گوتون گَه ای روستائی دوکتورُون حدود 100 نفر رسنَه .

ای روستائی قَشَنگِن و اونی پَردِقال باغون جوزوَ بی مونسونتَرین قَشَنگِنِه طبیعت ایسَّه.

پرشکوهی اَماکینون

مدرسَن

پرشکوه 3 تَه مدرسه دَنَه گَه ایشوُنی نُومُون : مَدَرسه ایبتدایی شهید محمود مهدی نژاد ، مدرسه راهنمایی (متوسطه دوره اول) شهید فیاض قانع ریکَااَن و مدرسه راهنمایی (متوسطه دوره اول) مرحوم حرمت رسول زاده (رسول اف) لاکوئن .

آرامستانون

• وادی بهشت فاطمه گَه سامُن سَری میئِن نَی .

• بوقعه ملا مریم گَه کوچه حاج توراب صیحانی میئِن نَی ،اینَم خَن گوتون گَه حاج توراب صیحانی مزارم هی بوقعه میئِن نَی .

مچّیدُون

• مچّید جامع گَه کوچه شهید حسن فتحی میئِن نَی .

• مچّید صاحب الزمان (عج) گَه کوچه حاج تراب صیحانی میئِن نَی .

اَماکینون دیگَه

پرشکوه چائی کارخونه گَه پرشکوه اصلی خیابون میئِن نَی .

محمدی جو برنجکوبی کارخونه پرشکوه مچّید جامع وَر نَی .

لنگورودی ایستگاه پمپاژ آب شماره یک گَه سامون سری میئن و وادی بهشت فاطمه وَر نَی .

پرشکوهی خانه بهداشت گَه مدرسه راهنمایی لاکوئونه ی سابیقی وَر نَی .

پوست بانک گَه کوچه شهید حسن فتحی میئِن نَی .

پیوند به بیرون

مریدان دهستان روستاهان

مريدان، پرشكوه، حاجی سرا، كياگهان، ليسه رود، سلوش، لشه، سياه كردگوابر، دادقانسرا، ليارج دمه، صفرسرا.

لنگرود شهرستان کومله بخش دهستانان

دریاسر دهستان، مریدان دهستان.