ارنستؤ چه‌گوارا (ايسپانيایي مئن: Ernesto Che Guevara) آرژانتين ٚ مئن ٚ بچئه بؤبه ٚ پجشک، چريک، ديپلؤمات، مارکسيست ؤ کۊبا ٚ انقلاب ٚ أصلي کسؤن ٚ جي بؤ. اۊن یته جوؤن ٚ دؤنش‌یؤمۊج (پجشکي رشته مئن) بؤ ؤ نسايي آمريکا مئن سفر گۊد ؤ خلک ٚ نداري، وشنأیي ؤ ناخۊشي دئن ٚ دؤني کالنجار ٚ رۊحيه اۊن ٚ مئن قۊوت بگيت. اۊن أوول گؤآتمالا ٚ ايجتماعي اصلاحات-ه گه خاکؤبؤ آربنز ٚ ریاست جؤمۊري ٚ دس بنا بؤبؤ-ئه گلأکت، ولي خئلي دنکت گه سیا (سي‌آی‌اِی) ٚ سازمؤن ٚ کۊدتاٰ همرأ گه یۊنایتد فرۊت ٚ حمایت ٚ ره، ترتيب بدأ بؤبؤ، دؤني آربنز مجبۊر-ه بؤ کنار بؤشۊن ؤ اي تفاق گوارا ٚ سياسي ايدئؤلؤژي-ئه تثبيت بؤگۊد. ايمه مکزیکؤسيتي مئن راؤل ؤ فيدل کاسترؤ ٚ همرأ ملاقات بؤگۊد ؤ اۊشؤن ٚ ۲۶ ژۊئيه ٚ قيام-ه ورأکت ؤ بؤشؤ کۊبا؛ اي قيام ٚ هدف فۊلخنسيؤ باتيستا (کۊبا ٚ ديکتاتؤر گه آمريکاٰ ایجؤنایي ایالات ٚ تحت ٚ حمایت بؤ) سرنگۊن گۊدن بؤ. گوارا انقلابيۊن ٚ مئن پۊر محبۊب بؤبؤ ؤ دۊوؤمي فرمانده ٚ درجه-ئه هأگيت. اۊن دۊ سال چريکي کالنجارؤن (علیه ٚ باتيستا) گه کۊبا ٚ اينقلاب-ه باعث بؤبؤ ٚ مئن پۊر مؤهم ؤ مؤثر بؤ. چه‌گوارا ألؤنه دۊنیاٰ مئن یته حماسي نماد عامه ٚ دابؤن ٚ مئن شنأخته‌بؤبؤ هيسه.

ارنستؤ رافائل گوارا
ايته تاتايي {{{أصلي نام}}} ٚ جه

اؤسطۊره‌اي چريک

فعاليت ٚ زمينه پيجشک، چريک، نويسا
بزارۊج ۱۹۲۸ ٚ ژۊئن ٚ ۱۴
بزاجيگا رؤساريؤ، سانتا فه، آرژانتين
بمردن ۱۹۶۷ ٚ اؤکتبر ٚ ۹ (۳۹ سال)
لا ايگرا، بۊليوي
دفن ٚ جيگا سانتا کلارا، کۊبا
باخي نامان چه‌، چه گوارا، اِل چه
پئر ؤ مار ارنستو گوارا لینچ

سلیا دئه لاسرنا

همسران هيلدا گاديا آکؤستا (۱۹۵۹-۱۹۵۵)
آلیدا مارچ (۱۹۶۷-۱۹۵۹)
زاکان ۵
ایمضا CheGuevaraSignature.svg

انقلاب ٚ پسي، گوارا جديد ٚ دؤلت ٚ مئن ددار کليدي نخشؤن ٚ مسئۊل وکت گه من‌جۊمله تجديد ٚ نظرات-ه بررسي، أفرادي گه انقلابي دادگه‌ئن ٚ مئن به جنایت ٚ جنگي محکۊم بؤبؤن-ه تيروارؤن، کۊبا ٚ سوادآمۊجي نهضت ٚ رابري، فعاليت به عۊنوان ٚ مللي بانک ٚ رئيس، کۊبا ٚ مؤسلح ٚ قۊوا ٚ یؤمۊجشي کارکيا ؤ کۊبا ٚ سۊسياليسم ٚ نماینده بين‌المللي سفرؤن ٚ مئن-ه گۊته شأنه. ايته‌چي مؤقعيتؤن اۊن-ه قادر گۊد تا مۊهم ٚ مسائل ٚ مئن فی‌المثل کۊبا ٚ شبه‌نظامي‌ئن-ه تعليم گه خۊکؤن ٚ خليج-ه حمله گۊدن ٚ مئن مؤفق بؤن ؤ شؤروي هسته‌اي بالستيک مۊشکؤن ٚ اينتقال کۊبا-ئه گه منجر به کۊبا ٚ مۊشکي بحران ۱۹۶۲ ٚ مئن وکت، محوري نقش دأشته بۊن. هيتأني اۊن یته خؤجير ٚ نويشتنکس ؤ خاطره‌نويسا بؤ ؤ اۊن ٚ نؤمي آثار ٚ جي چريکي جنگ ٚ رانما ؤ ماتؤرسيکلت ٚ خاطرات-ه شأنه نؤم بؤردن. اۊن ٚ مطالعات ؤ تجربيات مارکسيسم-لنينيسم ٚ سر اۊن-ه اي باور-ه برسأنئه گه سۊوؤمي جهان ٚ پسأکتن ؤ وابستگي، أمپراليسم، نؤايستعمار ؤ اينحصاري سرمایه‌دأري ٚ دؤني هيسه ؤ چاره، پرؤلتري اينترناسيۊناليسم ؤ جهاني اينقلاب هيسه. چه‌گوارا ۱۹۶۵ ٚ مئن اينقلاب ٚ صدۊر ٚ دؤني کۊبا-ئه رهأ بدأ؛ أوول کؤنگؤ ٚ مئن سيمباٰ قيام-ه گلأکت ؤ نامؤفقي پسي، خۊ هأکش‌وکش-ه بۊليوي مئن سرأگيت ولي اۊ کيشور ٚ أرتش سي‌آی‌اِی ٚ سازمؤن ٚ بال زأن ٚ جي گوارا-ئه بگيت ؤ به سۊرعت اعدام بؤگۊد.

نظرات، گوارا ؤ اۊن ٚ ميراث ٚ سر متفاوته؛ اۊن یته جرگه ٚ ره مؤحترم ؤ یته دئه جرگه ٚ ره منفۊر هيسه ؤ اي تناقص-ه شأنه پۊر تيندار ٚ زيندگي‌نؤمه‌ئن، خاطرات، وانيويسؤن، مۊستندؤن، مزقؤنؤن ؤ فيلمؤن ٚ مئن دئن. گوارا ٚ شهادت؛ یته تۊغامندانه دؤخؤن، کالنجار گۊدن اختلاف ٚ طبقاتي ٚ همرأ ؤ اۊن ٚ تلاش نؤانسان-ه خلق ٚ ره گه ماددي مشوقه‌ئن ٚ جا أخلاقي أهداف ٚ دؤني حرکت کۊنه اۊن-ه، چپ ٚ قيامؤن ٚ نماد ؤ اؤلگۊ چاؤده. ولي راستگراٰن اۊن-ه اقتدارگرایي ؤ خؤشۊنت سياسي رقيبؤن ٚ همرأ مۊتهم کۊنن. اي اختلافات ٚ وؤجۊد ٚ همرأ تایم ٚ مجله اۊن-ه بيستؤمي قرن ٚ تأثيرنأنکس‌ترینؤن ٚ ۱۰۰ نفره ٚ ليست ٚ مئن دنأ دأره. هيتأني مريلند ٚ هۊنر ٚ دؤنشگه ٚ مؤسسه ٚ قؤلي، اۊن ٚ تاتايي-ه گه آلبرتؤ کؤردا بگيته دره ؤ اؤسطۊره‌اي چريک نؤم دأره، جهؤن ٚ معرۊف‌ترين تاتایی هيسه.

نسایي آمريکا ٚ وضعيت گواراٰ پيشيویرایش

لاتين ٚ آمريکا (تقريبن هۊ نسايي آمريکا محدۊده-ئه گۊنن گه کلسيايي آمريکا ٚ ايسپانيایي زوؤنؤن ٚ منطقه-ئه ني شامل بۊنه) بيستؤمي قرن ٚ أوولي نيمه ٚ مئن، اينقلابي ؤ ايصلاح‌طلب ٚ قيامؤن ؤ کالنجارؤن-ه شاهد بؤ. مکزيک ٚ ۱۹۱۰ ٚ اينقلاب، تۊنه اي قيامؤن ٚ أوولي بؤبۊن ؤ اي قيامؤن، آمريکا ٚ مردۊمي ائتلاف، پرۊ ٚ مئن ؤ دمؤکرات ٚ حرکت ونزؤئلا مئن ٚ مۊسؤنچي ٚ قیامؤن ٚ همرأ دۊمباله بگيت. اي قيامؤن ٚ أهداف سياپۊس آدمئن، فقرا، بي‌سوادؤن ؤ استثمار بؤبؤکسؤن ٚ وضعيت-ه بئیتراؤدن بؤن. ولي هندئه، حاکم ٚ طبقه قوي بؤ ؤ تۊنس خۊ وضعيت ٚ جي دأشتدأري بؤنه، آمريکا ٚ ایجؤنایي ايالتؤن، تغيير ٚ همرأ مۊخالف بؤ ؤ هيتأني قاره ٚ خلک ٚ مئن اطاعت ؤ تابعيت ٚ حس دؤبؤ؛ هين ٚ دؤني، تغيير چاؤدن ٚ روند کۊندأکۊندي پيش شؤ.[۱]

آرژانتين ٚ مئن، نظامي قۊوا ۱۹۴۳ ٚ مئن کۊدتا بؤدن ؤ نتيجتاً، قۊدرت خۊآن پرؤن-ئه برسئه. اۊن ٚ رياست جؤمۊري أوولي دۊ سال ٚ مئن، رفاه سطح ؤ حؤقۊق-ه جؤر شؤن ٚ همرأ بؤ ولي جهؤني وقایع، آرژانتين ٚ مئن بحران ٚ باعث بؤبؤ؛ دۊوؤمي جهاني جنگ ٚ پسي، آمريکا مارشال ٚ طرح-ه کؤمؤنيسم ٚ عليه اۊرۊپاٰ مئن بنا بگيت. من‌جۊمله مارشال ٚ طرح ٚ وابينؤن، اۊرۊپا مؤرد ٚ نياز ٚ غله-ئه تهيه بؤ گه باعث بۊنأبؤ آرژانتيني گه اۊن ٚ ايقتصاد مبتني بر کيشاورزي بؤ، خۊ أصلي بازارؤن-ه چيکأده. شأردؤبؤرؤن ٚ جمعيت ٚ جؤر شؤن-أني کيشاورزي صادرات ٚ سر أثر بنأ چؤن محصۊل ٚ مصرف کيشور ٚ مئن جؤر بؤشؤ بؤ. أصلي کالاٰن ٚ دنئه‌بؤن ۱۹۴۹ تا ۱۹۵۲ ٚ مئن باعث ٚ قيمتؤن ٚ جؤر شؤن بؤبؤ و دسأخر پرؤن ۱۹۵۵ ٚ مئن یته نيظامي کۊدتا دؤني قۊدرت ٚ جي بکت ؤ تبعيد بؤبؤ.[۲]

کۊباٰ مئن فۊلخنسيؤ باتيستا یته کۊدتاٰ همرأ ۱۹۵۲ ٚ مئن قۊدرت-ه چيکأگيت ؤ نيظامي ديکتاتؤر-ئه بنا بگيت. هۊ زمت، کيشور ٚ جمعيت ٚ يک سۊوؤم فقير محسۊب بؤن ؤ مردۊم ٚ متوسط ٚ طبقه‌ ناراضي ؤ ناراضي‌تر بؤدؤبؤن؛ رژيم ٚ حاکم مردۊم ٚ ور سرکۊتۊنا ؤ فاسد محسۊب بؤ ؤ خلک-ه خۊ همرأ بيگؤنه چاؤده بؤ. اۊ عهد، کۊبا ۶,۳ ميلیۊن جمعيت دأشت. اي کشور ٚ تؤليد ٚ ناخالص ٚ سرانه لاتين ٚ آمريکاٰ مئن سۊوؤمي مقام-ه دأشت، أمما جير ؤ فقرا ٚ طبقه ؤ حاکم ؤ ثروتمندؤن ٚ طبقه ٚ مئنأ پۊر اختلاف دؤبؤ. کۊبا ٚ خۊرتاو، پيلا زيمي‌دارؤن ٚ چيک دؤبؤ گه کيشاورزي محصۊلات ٚ صادرات ٚ مئن دؤبؤن. زيويش ٚ سطح ٚ اختلاف هاوانا ؤ دئبأخي منطقه‌ئن ٚ مئنأ ؤ هيتأني شأري ؤ رۊستایي منطقه‌ئن ٚ مئنأ قشنگ مشخص بؤ.[۳]

زيندگي ٚ أوایلویرایش

أصل ؤ نسبویرایش

ارنستؤ گوارا، ارنستؤ گوارا لينچ ؤ سليا دئه لاسرنا ٚ پئنشته وچه ٚ مئن ٚ أوولي ٚ وچه بؤ، اۊن ۱۹۲۸ ٚ ژۊئن ٚ ۱۴ ٚ مئن آرژانتين ٚ رؤساريؤ ٚ مئن یته جؤر ٚ طبقه خؤنواده ٚ مئن بچئه بؤبؤ.[۴] گوارا‌ ٚ پئر صنأتگر ؤ معمار بؤ. اۊن معماري رشته مئن تحصيل بؤده بؤ ولي هرگيز مؤفق نؤبؤ خۊ مدرک-ه هأیره. گوارا ٚ پئر ايسپانيایي نسب ؤ اۊن ٚ مار أني ايرلندي نسب دأشت[۵] ؤ اۊن ٚ نسل، لۊئيس ماريا پرالتا (ثروتمند ٚ زيمي‌دار ؤ سن خؤزه کاليفرنيا ٚ شأردار، نؤنزهؤمي قرن ٚ أوایل ٚ مئن)' رسئه. خؤآن آنتؤنيؤ گوارا، چه‌گوارا ٚ پئر ٚ پيلاپئر، آرژانتين-ه طيلاٰ دؤني رهأ بدأ تا بؤشۊن کاليفؤرنيا، اۊیه یته مکزيکي زنکه همرأ ايزدواج بؤگۊد. اۊشؤن ٚ وچه، رؤبرتؤ گورا کاسترؤ، کاليفؤرنياٰ مئن بچئه بؤبؤ ؤ آرژانتين-ه وگردس. رؤبرتؤ گوارا، آنا ايزابل لينچ ٚ همرأ گه آرژانتين ٚ شي بؤ ولي ايرلندي نسب دأشت، ازدواج بؤگۊد ؤ گوارا ٚ پئر ايشؤن ٚ وچه بؤ.[۶] گوارا ٚ پئر، گوارا ٚ جؤنب ؤ جۊش ٚ دؤني، بؤگۊت گه: «چيزي گه خأن بؤدؤنين، اينه گه مي پسر ٚ رگؤن ٚ مئن، ايرلندي شۊرشئن ٚ خۊن دره.[۷]

سليا دئه لاسرنا ئي ليوزا، ارنستؤ گوارا ٚ مار، یته ثروتمند ٚ خاندؤن گه ايسپانيایي نسب دأشتن ٚ مئن پيلاوابؤبؤ بؤ. اۊن جۊوؤني ٚ مئن خۊ پئر ٚ مار-ه أز دس بدأ ؤ ۲۱ سالگي ٚ مئن (هۊ سالي گه ارنستؤ بچئه بؤبؤ) یته پيلا ارثيه اۊن-ه برسئه. سليا دئه لاسرنا یته دؤخترانه کاتؤليک ٚ مدرسه ٚ مئن فارغ‌التحصيل بؤبؤ بؤ.[۸] گوارا ٚ نؤم شيناسنؤمه ٚ مئن «ارنستؤ گوارا» بؤ، ولي گلف «دؤ لا سرنا» ؤ «ينچ» ٚ پسوندؤن ٚ همرأني بنويشته بؤبؤ نأ.[۹]

 
گوارا (چپ ترين) ؤ اۊني خانواده ۱۹۴۴ ٚ مئن

گوارا ٚ بچئه بؤن ٚ جي خئلي نۊگذشته بؤ گه اۊن ٚ خانواده گوارا ٚ پئر ٚ کار ٚ دؤني سان ازديرؤ-ئه نقل ٚ مقر بؤدن. هۊ شأر ٚ مئن بؤ گه ارنستؤ ٚ والدين بفأمسن اۊن آسم دأره. اۊن ٚ درمؤن گۊده مننسن ٚ پسي، مجبۊر-أ بؤن آو ؤ هواٰ دؤني آلتا گراسيا-آ (کۊردؤباٰ اۊستؤن ٚ مئن، آرژانتين ٚ وسط واقع بؤبه) هندئه نقل ٚ مکؤن بؤنن. گوارا ؤ اۊن ٚ دۊته خاخۊر ؤ برأرؤن هۊ شأر ؤ ايمه هۊ اۊستؤن ٚ مرکز ٚ مئن پيلاوابؤن؛ اۊ منطقه ٚ خۊشک ٚ هوا گوارا ٚ وضعيت ٚ بهبۊد ٚ مئن مؤثر واقع بؤبؤ ولي آسم اۊن-ه تا اۊن ٚ زيويش ٚ آخر رهأ ندأ. گوارا ٚ گۊد چپ‌خۊ عقاید دأشتن ؤ همدؤنی، اۊن سنين ٚ کم ٚ جي مۊختلف ٚ سياسي مکتبؤن ٚ همرأ آشنا بؤبؤ[۱۰] ؤ «احساس ٚ نزيکي گۊدن فقيرؤن ٚ همرأ (اۊجۊر گه اۊ زمات اۊن ٚ اطرافئن گۊتن)» اۊن ٚ مئن شکل بگیت.[۱۱] اۊن ٚ پئر جؤمۊري طلبؤن ٚ سرسخت ٚ طرفدارؤن ٚ جي، ايسپانيا ٚ داخلي جنگ ٚ مئن بؤ ؤ أغلب خۊ خؤنه ٚ مئن جنگ ٚ مجرۊح بؤبؤ سالداتؤن ٚ جي پذيرایي گۊد.[۱۲]

با اينگه آسم ٚ شديد ٚ حملات گورا-آ أذیت گۊد، ورجشي رشته‌ئن ٚ مئن من‌جۊمله سيناو، فۊتبال، گؤلف ؤ تيرتوأدأن ٚ مئن مؤفقيت-ه برسئه ؤ هیتأنی دۊچرخه‌سواري ٚ مئن خئلي استقامت دأشت.[۱۳] اۊن ۱۵ نفره ٚ راگبي‌ئه خئلي خۊش دأشت[۱۴] ؤ فلای‌هاف ٚ پۊست ٚ مئن، بۊئنؤس آیرس ٚ دؤنشگه ٚ باشگاٰ ره کاکي گۊد.[۱۵] اۊن ٚ خشن ؤ تهاجۊمي ٚ سبک ٚ دؤني راگبي ٚ مئن، اۊن ٚ نؤم-ه فۊسر (ترکيبي أز خشن ؤ اۊن ٚ مار ٚ فاميلي یأني دئه لاسرنا)[۱۶] بنأبؤن. انريکه مارتين، گوارا ٚ نؤجوؤني ٚ رخابؤن ٚ جي، اۊن-ه «واقعي دۊست، کۊمک‌احتياج بؤن ٚ مؤقؤ» یاد هأوره ؤ گۊنه گه «هرگيز اۊن ٚ عصبانيت دۊ دئقه ٚ جي ويشتر دکشئه ننأبؤ». گوارا وختي نؤجوؤن بؤ پئر ؤ مار اۊن ٚ شي کسن ٚ جي سيفا وابؤن.[۱۷]

گواراٰ فکري ؤ أدبي گرایشؤنویرایش

گوارا شطرنج-ه خۊ پئر ٚ جي بيؤمۊت ؤ ۱۲ سالگي جي شطرنج ٚ محلي مسابقات ٚ مئن شرکت گۊد. بلۊغ ٚ دؤره ؤ زيندگي ٚ طۊل ٚ مئن شعر-ه، خصۊصا پابلؤ نرۊدا، جان کيتس، آنتؤنيؤ ماچادؤ، فدريکؤ گارسيا لؤرکا، گابريلا ميسترال، سزار وایهؤ ؤ والت ویتمن ٚ آثار-ه خئلي خۊش دأشت. اۊن تۊنس «اگر...» ٚ شعر-ه رؤديارد کيپلينگ ٚ شي ؤ «مارتين فيرؤ» خؤزه هرناندز ٚ شئه حفظکه بؤخؤنه.[۱۸] گوارا ٚ خؤنه ٚ مئن حۊدۊد ٚ سۊ هيزار جلد کيتاب دؤبؤ گه اۊن-ه اي ايمکؤن-ه دأ گه به عۊنوان ٚ یته مشتاق ٚ کيتاب‌خؤن، مۊختلف ٚ نويساٰن ٚ أثرؤن-ه مطالعه بؤنه. اۊن ٚ مؤرد ٚ علاقه نويشتنکسؤن، کارل مارکس، ويليام فاکنر، اميليؤ سالگاري، آندره ژيد ؤ ژۊل ورن بؤن[۱۹] ؤ هيتأني، جواهر لئل نهرؤ، آلبر کامؤ، فرانتس کافکا، ولاديمير لنين، ژان پل سارتر، فريدريش انگلس، آناتؤل فرانس، اچ. جي. ولز ؤ رابرت فراست-ه ني خۊش دأشت.[۲۰]

چه چۊن خۊ زاکي جي پۊر مطالعه دأشت ؤ بأضي پيلا کسؤن ٚ نظریات-ه خۊش وئیته بؤ، دؤنش‌مۊجؤن ٚ همرأ ورس-بنيش دأشت ؤ گاگلف اۊن ٚ اطلاعات ٚ جؤر دؤبؤن بأضي دؤنش‌مۊجؤن-ه أذیت گۊد، ولي کلاً اۊشؤن ٚ همرأ خۊجير ٚ ارتباط دأشت. یه رۊ یته جي گوارا دؤنش‌مۊجؤن، گوارا جي سؤال کۊنه گه «چره یته سياسي حئزب-ه مؤلحق نؤبۊني؟» چه جوؤدأدنه «أگه تي گب ٚ ليم اينه گه دکم خياوؤن تا مره راحت بؤکۊشن هيچ‌وخت اي کار-ه نؤنم، مۊ وختي اي کار-ه کۊنم گه مي دس أسلحه دؤبۊن.»

سند ٚ جؤر شؤن ٚ همرأ، گوارا لاتين ٚ آمريکا ٚ نويساٰن-ه، اۊراسيا کيرؤگا، چيرؤ آلگريا، خؤرخه ايکازا، رؤبن راديۊ ؤ ميگل آنخل آستؤرياس-ه علاقه پیدا گۊد. اۊن خۊ مؤرد ٚ علاقه نويشتنکسؤن ٚ ايده‌ئن-ه خۊ دفترچه ٚ یادداشت ٚ مئن ثبت بؤگۊد؛ من‌جۊمله بۊدا ؤ أرسطۊ ٚ تحليلي تشريحات، برتراند رابل ٚ تحليل تۊغا ؤ وطن‌پرستي ٚ سر، جک لندن ٚ نظريات جامئه ؤ نيچه ٚ نظريات مرگ ٚ سر-ه. اۊن هيته‌أني زيگمۊند فرؤید-ه خۊش وئیته بؤ یؤ مختلف ٚ مؤضۊعات ٚ سر خاو ؤ ليبيدؤ تا خؤدشيفتگي ؤ اديپ ٚ عۊقده ٚ ره، اۊن-ه ارجاع دأ. مؤرد ٚ علاقه رشته‌ئن اۊن ٚ شي فلسفه، رياضيات مأندسي، سياسي علمؤن، جامعه‌شينأسي، تاريخ ؤ باستؤن‌شينأسي بؤن.[۲۱]

یته محرمؤنه گؤزارش ٚ مئن سياٰ سازمؤن ٚ جي ۱۹۵۸ ٚ فوريه ٚ ۱۳ ٚ مئن، گه گواراٰ علاقه‌ئن ٚ سر أنجؤم بئیته ٚ مئن بنويشته نيأ: «اۊن خۊب مطالعه بؤگۊد دأره» ؤ ايمه گۊنه «چه‌گوارا به عۊنوؤن ٚ یته لاتين نسبتا منورالافکار هيسه».[۲۲]

ماتؤرسيکلتویرایش

 
ارنستؤ گوارا ؤ آلبرتؤ گرانادؤ، آمازؤن ٚ رۊخؤنه ٚ ور

۱۹۴۸ ٚ مئن گوارا، تحصيل پجشکي ٚ رشته ٚ مئن ٚ ره بۊئنؤس آیرس ٚ دؤنشگه ٚ مئن بؤشؤ. اۊن ٚ عطش دۊنیا-ئه مۊتن ٚ ره باعث بؤبؤ دۊ مرته موقتا دؤنشگه-ئه رهأ بده تا سفر بؤشۊن؛ سفرؤني گه اۊن ٚ نظر-ه نسبت به خؤره ؤ لاتين ٚ آمريکا ٚ سياسي وضعيت أساساً تغيير بدأ. گواراٰ خۊ أولي سفر-ه ۱۹۵۰ ٚ مئن سرأگيت ؤ اۊن تنأکه خۊ دۊچرخه گه اۊن ٚ سر یته کۊچئه ٚ ماتؤره نصب بؤده بؤ ٚ همرأ، ۴,۵۰۰ کيلؤميتر-ه آرژانتين ٚ کليسایي ٚ واوينؤن ٚ مئن سفر بؤگۊد.[۲۳] هندئه ۱۹۵۱ ٚ مئن یته ۹ ماهه ٚ سفر ٚ مئن ۸۰۰۰ کيلؤمتر-ه نسایي ٚ آمريکاٰ مئن ماتؤرسيکلت ٚ همرأ طی بؤگۊد. اي سفر ٚ ره، اۊن یه سال تحصيل ٚ جي مرخصي بٚیته بؤ ؤ قصد دأشت خۊ رفيق آلبرتؤ گرانادؤ ٚ همرأ، داوطلبؤنه دۊ هفته آمازؤن ٚ رۊخؤنه ٚ کرانه ٚ مئن، پرۊ ٚ جذامئن ٚ همرأ سان پابلؤ ٚ مئن بئسه.[۲۴] اي سفر ٚ مئن چه ؤ اۊن ٚ رفئق مسير ٚ مئن کار گۊدن تا خۊ احتیاجات-ه برطرف بؤنن ؤ ايمه هندئه را دکت نأبؤن. شيلي ٚ مئن، چاکؤیماتا ٚ مٚرس ٚ مأدن ٚ مئن مأدنچئن ٚ کار ٚ شرایط گوارا' عصباني ؤ شبؤنه ٚ ديمأديمي آتاکاماٰ بيابؤن ٚ مئن یته تحت ٚ تعقيب ٚ کؤمؤنيست ٚ زؤج ٚ همرأ گه حتي یته پؤتۊ ني ندأشتن، اۊن-ه متأثر بؤگۊد؛ گوارا ايشؤن-ه «کاپيتاليستي استثمار ٚ گۊشت ؤ خۊن ٚ جي قربانئن» تؤصيف بؤگۊد.[۲۵] ۊن هيتأني ماچؤپيچؤ ٚ جؤرأ مئن، شديد ٚ فقري گه رۊستایي ؤ ديۊرأکته مناطق ٚ مئن دؤبؤ ٚ همرأ مواجه بؤبؤ. اۊیه کيشاورزؤن سرمایه‌دار ٚ ملکؤن ٚ کۊچئه ٚ زيمي‌ئن ٚ سر کار گۊدن.[۲۶] سفر ٚ ادامه ٚ مئن، رفاقت جذامئن ٚ ؤردۊگاٰ حاضرؤن ٚ مئنأ اۊن ٚ سر أثر بنأ ؤ بؤگۊت: «والاترين اينسؤني ٚ یجؤنایي ؤ وفاداري ايته‌چي تنئا ؤ نااؤميد ٚ کسان ٚ مئنأ پديدار بۊنه».[۲۷] گوارا ماتؤرسيکلت ٚ خاطرات-ه اي سفر ٚ مئن بنويشت. اي أثر ايمه نيؤیؤرک تایمز ٚ پرفؤرۊش‌ترين کيتابؤن ٚ ليست ٚ مئن دکت ؤ ۲۰۰۴ ٚ مئن یته فيلم هي نؤم ٚ همرأ ؤ بر أساس ٚ اۊن چاؤدن بؤبؤ گه جوایزي ني هأگيت.[۲۸]

 
گواراٰ سفرؤن ۱۹۵۲ ٚ مئن، سۊرخ ٚ فلش هوایي مسيرؤنه نۊشؤن دنه

گوارا ۲۰ رۊز ٚ مئن آرژانتين، شيلي، پرۊ، اکوادؤر، کؤلؤمبيا، ونزؤئلا، پاناما ؤ ميامي‌ئه بؤشؤ ؤ ايمه بۊئنؤس آیرس-ه وگرس.[۲۹] سفر ٚ ايتمام ٚ مئن، لاتين ٚ آمريکا-ئه سيفا‌ ملل ندئه‌نأبؤ؛ ولکي اۊن-ه واحد ؤ یته استراتژي ٚ نيازمند قاره-ئه رها چاکۊني ٚ ره دؤنس. لاتين ٚ آمريکا، منطقه‌اي بدۊن ٚ سامانسر ؤ مؤشترک ٚ ميراث-ه دارا بؤ ؤ اي أمر اۊن ٚ انقلابي ٚ کۊنشؤن ٚ سر آتي ٚ سالؤن ٚ مئن أثر بنأ. گوارا آرژانتين-ه وگرسن ٚ پسي خۊ تحصيلات-ه تۊمؤنأگۊد ؤ ۱۹۵۳ ٚ ژۊئن ٚ مئن خۊ دۊکتۊرا-ئه هأگيت. گوارا ايمه بؤگۊت مي اي سفرؤن لاتين ٚ آمريکاٰ مئن باعث بؤبؤ ۊن «فقر، وشنأیي ؤ ناخۊشي» ٚ همرأ نزيک ٚ تماس دأشته‌بۊن؛ مسائلي گه سبب بۊنه والدين «پۊل ٚ کمبۊد ٚ دؤني مننسه‌بۊن خۊ وچه-ئه مداوا بؤنن» ؤ پئر «بؤهت ٚ ناشي وشنأیي ؤ مستمر ٚ مجازات ٚ جي» وأسي وچه چيکأشؤن-ه بي‌أهميت دئه. گوارا ٚ بؤتأر ٚ طبق، اي تجرۊبه‌ئن باعث بؤبؤ اۊن نتيجه بئیره گه «اي أفراد-ه بال زأن» ٚ ره، وأني پجشکي ٚ حؤزه-ئه ترک بؤنه ؤ سياسي ٚ مسلحانه کالنجار ٚ صحنه مئن دکه.[۳۰]

گۊآتمالا، آربنز ؤ یۊنایتد فرۊتویرایش

۱۹۵۳ ٚ ژۊئيه ٚ ۷ ٚ مئن، گوارا هندئه سفر-ه سرأگيت. اي مرته بۊليوي، پرۊ، اکوادؤر، پاناما، کاستاريکا، نيکاراگؤئه، هندۊراس ؤ السالوادؤر بۊشؤ. ۱۹۵۳ ٚ دسامبر ٚ ۱۰ ٚ مئن، گۊآتمالاٰ را دکتن ٚ پيشي، گوارا، سان خؤزه ٚ جي کاستاريکاٰ مئن پیؤمي خۊ عممه ٚ ره «بئاتريز» برسأدنئه ؤ اۊن-ه خۊ أحوال ٚ جي واخبراگۊد. اۊن نؤمه ٚ مئن خۊ سفر ٚ جي یۊنایتد فرۊت ٚ کمپاني ٚ قلمرؤ ٚ مئن بنويشت ؤ بچربؤنه گه قانع بؤبه گه اۊشؤن ٚ کاپيتاليستي ٚ نظؤم شرير هيسه.[۳۱] اۊن اي تهاجۊمي ٚ لحن ٚ همرأ خأس خۊ محافظه‌کارتر نزديکؤن-ه برمأنه. نؤمه ٚ آخرسر، گوارا ژۊزف استالين ٚ عکس-ه گه تازگي بؤمۊرده بؤ، قسم یاد کۊنه تا اي «اؤختاپۊسؤن» ٚ مؤغۊب بؤن ساعتي چؤم نزنه.[۳۲] هۊ ماه ٚ مئن، گوارا گۊآتمالا-ئه برسئه؛ اۊیه رئيس‌جؤمۊر «خاکؤبؤ آربنز» گه یته دمؤکراتيک ٚ انتخابات ٚ مئن دؤجئن بؤبؤ بؤ، خأس چنته اقدامات ٚ همرأ أرضي اصلاحات ٚ مۊسؤنچي لاتيفۊنديست (پيلا کأشته‌شا ؤ ورزگري زيمي‌ئن ٚ تعلق یته فرد ٚ ره) نظؤم ٚ قال-ه بکنه. نتيجتاً، آربنز یته وتأر ٚ برنؤمه' سرأگيته بؤ گه طی ٚ اۊن تمؤم ٚ وسيع ٚ أراضي ٚ بخشؤن گه تحت ٚ کشت نؤبؤن، مصادره ؤ اۊ کيشاورزؤني گه زيمي‌زوار ندأشتن-ه، تعلق گيت. یۊنایتد فرۊت، منطقه ٚ پيلاترين زيمي‌دار بؤ گه بقيه ٚ جي ويشتر تحت‌تأثير قرار گيته نأبؤ. آربنز ٚ دؤلت اۊشؤن ٚ شي ۰۰۰’۹۱ هکتار نکأشته زمي مصادره بؤگۊد. گوارا گه گۊآتمالا ٚ وضعيت ٚ جي راضي بؤ، تصميم بگيت هۊیه ساکن بؤبۊن تا «هرچي گه یته واقعي اينقلاب-ه تبديل بؤن ٚ ره نياز هيسه'، دس پيداؤنه.[۳۳]

گۊآتمالاسيتي ٚ مئن، گوارا، هيلدا گادآ آکؤستاٰ همرأ آشنا بؤبؤ. اۊن یته پرۊيي اقتصاددؤن بؤ گه به عۊنوؤن ٚ آمريکا ٚ مردۊمي ٚ ائتلاف ٚ چپ‌گرایانه ٚ جؤمبش (APRA) ٚ أعضاٰ جي، سياسي ٚ روابط دأشت. گادا، گورا' آربنز ٚ دؤلت ٚ چنته بلندمرتبه‌ مقامات ٚ همرأ آشنا بؤگۊد. اۊن هيتأني یته گرۊپ کۊبا ٚ تبعيدئن ٚ جي گه به دليل ٚ شرکت، مؤنکاداٰ پادگؤن-ه حمله گۊدن ٚ مئن «سانتياگؤ د کۊباٰ مئن به تاريخ ٚ ۱۹۵۳ ٚ ژۊئيه ٚ ۲۷» گه فيدل کاسترؤ ٚ همرأ ارتباط دأشتن ٚ همرأ آشنا بؤبؤ. هي زمت بؤ گه گوارا خۊ مأرۊف ٚ لقب-ه، یأني [چه] «رایج ٚ دؤخؤندن ٚ حرف آرژانتين ٚ مئن مختلف ٚ معاني همرأ «سلام!»، «رفئق» ؤ غیره ٚ مۊسؤنچي»، مشهۊر-أ بؤ.[۳۴] گۊآتمالاٰ اقامت ٚ مؤقؤ، گوارا دئبأخي مئني آمريکا ٚ تبعيدئن ٚ جي ني بهره‌مند بؤبؤ. ايشؤن ٚ یکي، هلنا ليوا د هؤلست بؤ گه گوارا-ئه غذا تأمين ؤ ايسان ٚ جيگا مئن یاري رسأنئه.[۳۵] د هؤلست، گوارا همرأ خۊ رۊسيه ؤ چين ٚ سفرؤن ٚ باره مارکسيسم ٚ مطالعه ٚ ره بؤگۊ-بيشنؤ گۊدن ؤ هيتأني گوارا یته شعر-ه «Invitación al camino» ٚ نؤمي‌-أ اۊن-ه تقديم بؤگۊد.[۳۶]

۱۹۵۴ ٚ مئی ٚ مئن یته محمۊله حاوي ٚ سۊوؤک ٚ تۊپخؤنه‌اي ٚ أسلحه‌ئن، چکؤسلؤواکي ٚ کؤمؤنيستي ٚ کيشور ٚ جي، پؤرتؤ بارؤريۊس ٚ مئن آربنز ٚ دؤلت-ه تحويل دأن بؤبؤ.[۳۷] نتيجتاً، آمريکا ايجؤنأبؤ ايالتؤن — گه ۱۹۵۳ ٚ سال ٚ جي مطابق ٚ ريئيس جؤمۊر ٚ دسسۊر دوایت آیزنهاور، آربنز-ه گئنتن ٚ دۊمبال دؤبؤ — راديؤ ؤ تبليغاتي ٚ بؤرؤشۊر ٚ کارأیتن ٚ همرأ، ضد ٚ آربنز، پرؤپاگاندا گۊآتمالا مئن تقويت ؤ ناشيناس ٚ هوامۊجؤن ٚ همرأ اۊ کيشور-ه بمب‌وارؤن بؤگۊد. [۳۸] ایالات ٚ متحده هيتأني یته جرگه گۊآتمالایي ٚ پناهندگان ؤ مؤزدۊران-ه کارلۊس کاستيلؤ آرماس ٚ رهبري همرأ جهت ٚ آربنز ٚ دؤلت ٚ خلع بال زأ. ژۊئن ٚ ۲۷ ٚ مئن آربنز استعفا بدأ.[۳۹] اين آرماس ؤ اۊن ٚ نيرؤن-ه گه CIA ٚ تحت ٚ حمایت بؤن، ايمکؤن ٚ پيش شؤن گۊآتمالاٰ را بدأ ؤ اۊشؤن ني یته نيظامي ٚ خۊنتا ۷ ٚ ژۊئيه ٚ مئن را درگئنتن، گه آرماس-ه به عۊنوؤن ٚ ريئيس ٚ جؤمۊر دؤجئه. آرماس ٚ رژيم خۊ قۊدرت ٚ تحکيم ٚ ره، اۊشؤني گه ظن ٚ کؤمؤنيست بؤن دأشتن-ه، دسگير ؤ اعدام بؤگۊد، کارگري اتحاديه‌ئن-ه دؤبۊسئه ؤ بنأر ٚ أرضي ٚ اصلاحات-ه ملغي اعلام بؤگۊد.[۴۰]

 
گواراٰ سفرؤن ٚ نخشه 1953 تا 1956

گوارا-ئه وأس گه آربنز ٚ دؤلت ٚ حيمایت ٚ ره، کالنجار بؤنه ؤ جوانان ٚ شبه‌نظؤمئن-ه گلأکت. ولي گرۊپ ٚ تعلل، اۊن-ه عصباني بؤگۊد ؤ نتيجتاً خۊ پجشکي ٚ وظایف-ه وگردس. کۊدتاٰ پسي، اۊن هندئه کالنجار ٚ ره داوطلب بؤبؤ أمما خلي دنکت گه آربنز، مکزيک ٚ سفارت ٚ پناهندگي ٚ پسي، خۊ خارجي ٚ حامي‌ئن ٚ جي تقاضا بؤگۊد کيشور-ه ترک بؤنن. گوارا ٚ هأکش‌وکشؤن مۊقاومت ٚ ره، کۊدتا ٚ حامئن ٚ توجه-أ جلب بؤگۊد ؤ اۊشؤن اۊن ٚ قتل ٚ ره برنؤمه دچئن.[۴۱] هيلدا گادآ آکؤستاٰ دسگيري ٚ پسي، گوارا آرژانتين ٚ سفارت‌خؤنه-أ پناهنده بؤبؤ ؤ تا چن هفته بعد گه اۊن-ه ايجازه خرۊج کشور ٚ جي ؤ سفر مکزيک-ه بدأن، هۊیه بئسأ.[۴۲] آربنز ٚ کنأر شؤن ؤ آرماس ٚ راست‌گراٰ ديکتاتؤري ٚ تأسيس، آمريکا ٚ تصوير-ه به عۊنوؤن ٚ یته ايمپراليستي ٚ قۊدرت چه‌گوارا ٚ ذهن ٚ مئن تقويت بؤگۊد گه هر دؤلت ٚ همرأ گه خأسه‌بۊن لاتين ٚ آمريکا ؤ دئبأخي درحال ٚ تؤسعه ٚ کيشورؤن ٚ ايقتصادي ؤ ايجتماعي ٚ بي‌عدالتئن-ه پایان بده همرأ، مۊخالفت کۊنه.[۴۳] گوارا اۊ کۊدتاٰ باره گۊنه:

لاتين ٚ آمريکا ٚ آخري انقلابي دمؤکراسي – خاکؤبؤ آربنز ٚ دؤلت – ایجؤنایي ايالات ٚ سرد ؤ عمدي ٚ تهاجم ٚ دؤني ديشکس. کۊدتا ٚ آشکار ٚ رهبر، وزير ٚ خارجه، جان فاستر دالس بؤ، شخصي گه طی ٚ تصادؤفي نامحتمل، یۊنایتد فرۊت ٚ سهامدارؤن ؤ نماینده‌ئن ٚ جي هيسه.[۴۴]

گوارا ٚ عقيده مبني بر اينگه مارکسيستي گه مسلحانه ٚ کالنجار ٚ طريق ٚ جي محیا وکه ؤ مسلح ٚ خلک اۊن ٚ جي محافظت بؤنه، تنئا راه ايته‌چي ٚ وضعيت ٚ اصلاح ٚ ره هيسه ني؛ کۊدتا ٚ پیامد ٚ مئن تقويت بؤبؤ. گادآ ايمه بنويشت «گۊآتمالا ٚ تفاقؤن بؤ گه بيلأخره اۊن-ه قانع بؤگۊد گه مسلحانه ٚ کالنجار لازمه ؤ وأني أوولي ضربه-أ أمپراليسم-ه زأن. وختي گه اۊیه' ترک گۊد، اي مسئله ٚ جي اطمينان دأشت.»[۴۵]

مکزيکؤسيتيویرایش

 
چه‌گوارا ؤ هيدآ گادآ آکؤستاٰ ماه‌عسل، چين ايتزا مئن گه مکزيک ٚ مئن واقع بؤبه

گوارا ۱۹۵۴ ٚ سپتامبر ٚ ۲۲ ٚ مئن مکزيکؤسيتئه بؤشؤ ؤ عؤمۊمي ؤ أطفال ٚ بيمارستؤن ٚ آلرژي ٚ بخش ٚ مئن مشغۊل ٚ کار بؤبؤ.[۴۶] اۊن هيتأني پجشکي ٚ دانشکده ؤ مکزيک ٚ ميللي مستقل ٚ دؤنشگه مئن، طبابت ٚ سر سخنراني گۊد ؤ لاتينا ٚ خبر ٚ آژانس ٚ مئن به عنوان ٚ عکاس ؤ خبرنگار استخدام بؤبؤ.[۴۷] ۊن ٚ أوولي ٚ زنکه هيلدا خۊ خاطرات ٚ مئن به عۊنوان ٚ «مي زيندگي چه ٚ همرأ» ذکر کۊنه گه مدتي گوارا تصميم دأشت به عۊنوؤن ٚ دۊکتر آفريقا مئن کار بؤنه ؤ فقري گه خۊ أطراف ٚ مئن دئه اۊنه شديداً آشفته بؤده بؤ.[۴۸] یه مرت، هيلدا متوجه ٚ گوارا علاقه یته رختشۊر ٚ مؤسند ٚ زنکه ٚ نسبت گه خۊ ٚ معالجه ٚ ره اۊن-ه مراجعه گۊد ؤ گوارا اۊن-ه «یداشؤر ؤ استثماربؤبؤر ترين طبقه ٚ نماینده» دؤنس، بؤبؤ. ايمه هيلدا یته شعر-ه پیدا بؤگۊد گه حاوي «کالنجار ٚ قؤل یته بىتر ٚ دۊنیا ره ؤ بىتر ٚ زيندگي تمؤم ٚ فقيرؤن ؤ ايستثمار بؤبؤرؤن ٚ ره» بؤ ؤ چه اۊن-ه پیرزن-ه تقديم بؤگۊد.[۴۹]

اي مئنأ، گوارا خۊ دۊستي‌-ئه نيکؤ لؤپز ؤ دئبأخي کۊبایي تبعيدي‌ئن گه گۊآتمالا مئن کسن ٚ همرأ ملاقات بؤده بؤن، تجديد بؤگۊد. ۱۹۵۵ ٚ ژۊئن ٚ مئن، لؤپز اۊن-ه رافائل کاسترؤ ٚ همرأ آشنا بؤگۊد؛ فيدل کاسترؤ، ۲۶ ٚ ژۊئيه ٚ قيام-ه بنا بيته‌کس ؤ رابر بؤ گه در حال ٚ یته تؤطئه-أ طرح‌‌شؤني فۊلخنسيؤ باتيستا ٚ ديکتاتؤري-ئه سرنگۊن گۊدن ٚ ره بؤ. فيدل متعاقباً گوارا-ئه خۊ پيلا برأر معرفي بؤگۊد. گوارا وختي گه ملاقات ٚ أوولي شو ٚ مئن یته طۊلاني مکالمه فيدل ٚ همرأ دأشت، اي نتيجه-أ برسئه گه کۊبایئن ٚ أهداف هۊ چيزي هيسه گه ۊن ٚ دۊمبال مۊجنه ؤ أفتؤو ٚ دتأوسن ٚ پيشی، به عنوان ٚ ژۊئيه ٚ ۲۶ ٚ قيام ٚ عضو ثبت ٚ نؤم بؤگۊد. چه ؤ فيدل ٚ متضاد ٚ شخصيتؤن ٚ همرأ اي بؤجؤر اۊشؤن خۊ مشترک ٚ تعهد ٚ نتيجه ٚ دؤني یأني امپراليسم‌ستيزي، رابطه‌اي چاؤدن گه سيمۊن ريد هنري (چه ؤ فيدل ٚ زيندگي نؤمه ٚ کيتاب ٚ بنويشته‌کس) اۊشؤن-ه «انقلابي رفاقت گه دۊنیا: تغيير بدأ» تؤصيف کۊنه.[۵۰]

گوارا تا خۊ زيندگي ٚ اي نقطه اي نتيجه-أ برسئه بؤ گه آمريکا ٚ تحت ٚ سلطه ٚ کؤنگلؤمراٰن مستبد ٚ رژيمؤن-ه حمایت کۊنه. اۊن باتيستا' «آمريکا ٚ نؤچه گه خأن اۊن ٚ لاخؤند-ه وؤسأنئن» حيساب هأورد.[۵۱] با اينگه گوارا قصد دأشت جرگه ٚ نظامي دۊکتۊر بؤبۊن، ولي جۊمبش ٚ أعضا ٚ نيظامي یؤمۊجشؤن ٚ مئن شرکت گۊد. یؤمۊجش ٚ أصلي ٚ بخش چريکي جنگ ٚ بزن‌درشۊ ٚ تاکتيکؤن-ه یؤمۊتن بؤ. گوارا ؤ بقيه طاقت‌فرسا ۱۵ سأته ٚ رژه‌‌ئن بندؤن، رۊخؤنه‌‌ئن ؤ کأشته‌شا زمينؤن-ه طی بؤدن ؤ کمين ؤ سريع ٚ عقب‌نشيني ٚ روشؤن-ه بیؤمۊتن ؤ چم-ه بيأتن. گوارا هۊ أول‌سر ٚ جي آلبرتؤ بایؤ ٚ «ممتاز ٚ شاگرد» بؤ ؤ تمؤم ٚ آزمۊنان ٚ مئن جؤرترين امتيازؤن-ه کسب گۊد. دؤره ٚ تۊمؤنأکۊن، اۊشؤن ٚ مربي، ژنرال بایؤ، گوارا-ئه «جرگه ٚ بىترين چريک» نؤم بنأ. گوارا ۱۹۵۵ ٚ سپتامبر ٚ مئن گادآ همرأ مکزيک ٚ مئن ايزدواج بؤگۊد.[۵۲]

کۊبا ٚ انقلابویرایش

انقلابي جنگویرایش

کاسترؤ ؤ گوارا ؤ بقيه چريکؤن مکزيک ٚ‌ جي یته قديمي رزمناو «گرانما» نؤمي کارأیتن ٚ همرأ، اۊشؤن ۱۹۵۶ ٚ نؤوامبر ٚ ۲۵ ٚ مئن کۊبا ٚ را را دکتن. ألبت مکزيک ٚ مئن-ني کار راحت نؤبؤ ؤ چه ؤ اۊن ٚ یارؤن مکزيک ٚ دؤلت ٚ ور شۊرشي محسۊب بؤن. پألۊ گيتن ٚ جي خئلي دنکته بؤ گه باتيستا ٚ أرتش اۊشؤن-ه حمله بؤدن، یه عده بؤکۊشته بؤبؤن ؤ یه عده ني دسگيرابؤن ٚ پسي اعدام بؤبؤن. اۊ ۸۲ نفري گه رزمناو ٚ مئن دؤبؤن ٚ جي، خألي ۲۲ نفر بؤتۊنسن حمله ٚ پسي کسن-ه بيأجن.[۵۳] گوارا اي نبرد ٚ مئن خۊ پجشکي تجهيزات-ه کنأر بيگئنت ؤ مؤهمماتي گه یته اۊن ٚ رفئقؤن توأدأ-أ وگيت ؤ بجنگس. اي تفاق یته نمادين ٚ لحظه-أ چه ٚ زيندگي مئن تبديل بؤبؤ.[۵۴]

اۊ اينقلابيۊني گه زيوا بؤمؤنسه بؤن، سيىرا ماسترا ٚ بندؤن ٚ أعماق ٚ مئن جمابؤن. فرانک‌پایس ٚ شأري چريکؤن، ژۊئيه ٚ ۲۶ ٚ قیام ٚ أعضا ؤ محلي کيشاورزؤن أني اۊشؤن-ه بال زأن. گرۊپ ٚ عقب‌نيشيني جؤري را همرأ، دۊنیا تا ۱۹۵۷ کاسترؤ ٚ زينده بؤن ٚ جي بي‌اطلاع بؤ، تا اینگه هربرت متيۊز یته مصاحبه اۊن ٚ جي نيؤیؤرک تایمز ٚ نيؤپيپر ٚ مئن چاپ بؤگۊد. اي وانويس یته أبدي تصوير ؤ تقريباً اؤسطۊره‌اي کاسترؤ ؤ چريکؤن ٚ جي مجسم بؤده بؤ. گوارا بۊگۊ بيشتاو ٚ مئن حاضر نؤبؤ ولي آتي ماهؤن ٚ مئن رسانه‌ئن ٚ أهميت-ه خۊشؤن ٚ اينقلاب ٚ مئن پی بؤبۊرد. مهمات ٚ کم بؤن ؤ رۊحيه ٚ چيکأشؤن ؤ هيتأني لل ٚ گشتن ٚ حساسيت، چه ٚ ره وضعيت ٚ بدي چاؤده بؤ.[۵۵] جۊري گه اۊ دؤره-أ «جنگ ٚ دردناک‌ترين رۊزؤن» تؤصيف بؤگۊده دره.[۵۶]

گوارا وختي گه سيىرا ماسترا ٚ کۊهؤن ٚ مئن فقير ٚ معيشتي کيشاورزؤن ٚ مئنأ دؤخؤته بؤ، متوجه بؤبؤ گه اۊیه مدرسه، برق ؤ بهداشتي مراقبتؤن ٚ دسبرس بؤن ٚ حدأقلي ني دننئه ؤ پيلا آدمئن ٚ ۴۰ درصد ٚ بؤجؤر بي‌سوادن.[۵۷] جنگ ٚ ايدامه همرأ، گوارا یته سيفایي‌ناپذير اؤضو-ه شۊرشي أرتش ٚ مئن تبديل-أ بؤ ؤ کاسترؤ ٚ نظر گوارا-أ قابل بؤن ٚ دؤني اۊن-ه جلب بؤبؤ. اۊن يته کارگا نارنجک ٚ چاکۊني ره، چنته کۊره نؤن پۊتن ٚ ره ؤ مدرسه‌ئن-أ ني بي‌سواد ٚ رۊستایي‌ئن ٚ خؤندن‌نويشتن ٚ یؤمۊجأن ٚ ره چاگۊد.[۵۸] گوارا هيتأني بئداشتي کلينيکؤن، کارگاٰني نظؤمي تاکتيکؤن-ه یؤمۊجش ٚ ره ؤ رۊزنؤمه‌اي ني بنا بنأ.[۵۹] اي زمت ٚ مئن فيدل کاسترؤ اۊن-ه أرتش ٚ دۊوؤمي سؤتۊن ٚ فرماندهي ٚ درجه-أ ترفيع بدأ. سۊ سال بعد، تایم ٚ مجله چه‌گوارا-ئه «کاسترؤ ٚ مغز ٚ ميجيک» لقب بدأ.[۶۰]

 
گوارا قاطير ٚ سوار کۊبا مئن، ۱۹۵۸ ٚ نؤوامبر

گوارا گه چريکؤن ٚ دۊوؤمي عالي‌رؤتبه فرمانده بؤ، سخت‌گيرؤنه ٚ نظم ؤ انضباط طلب گۊد. نتيجتاً، اۊن ٚ جددي بؤن ٚ دؤني شخصي هراس‌أفکن-ه تبديلا بؤ. چريکي کالنجارؤن ٚ خلال ٚ مئن هيتأني گوارا تعدادي مردؤن ٚ جي گه خبرچيني یا جاسۊسئه متهم بؤن-ه خۊسرؤنه ئدؤم بؤگۊد. اۊن خۊ رۊزؤنه خاطرات ٚ مئن، خۊ خۊسرؤنه أوولي اعدام-ه ۊتيميؤ گرا، یته محلي دهقؤن دؤنه گه به عنوان ٚ أرتش ٚ رانما دؤجئن بؤبؤ بؤ. گرا وختي گه مشخصابؤ شۊرشئن ٚ مقر-ه به ازای ٚ ۱۰ هيزار پزؤ کۊبا ٚ هوایي نيرؤ' لؤ بدأ دأره، خيانت-ه اعتراف ؤ اعدام بؤبؤ. ایته‌چي اطلاعات ٚ جماگۊدن ؤ باتيستا ٚ أرتش ٚ ره خبرچيني، باعث ۊشؤنظ-ه قادر گۊد گه اۊ رۊستایئني گه انقلابيۊن-ه بال زأن ٚ خؤنه-أ تشأدن.[۶۱] گرا چريکؤن ٚ جي بخأس گه اعدؤم-ه زيۊ أنجؤم بدن ؤ «چه» شخصاً قدم پيش بنأ ؤ اۊن ٚ سر-ه شليک بؤگۊد. گوارا خؤره نويسنه: «اؤضاع ٚ ناخۊشایندي أفراد ؤ اۊتيميؤ ٚ ره بؤ، هيندؤني یته پيستؤل ٚ .۳۲ ٚ گؤلۊله ٚ توأدأن ٚ همرأ راس ٚ مغز ٚ را گه راس ٚ ويرگه ٚ جي خارج بؤبؤ مسئله-أ خاتمه بدأم.» گوارا‌ ٚ علمي ؤ اۊن ٚ تؤصیفات واقئيتؤن ٚ جي اين ٚ یادداشتؤن ٚ مئن جان أندرسؤن ٚ (اۊن زيندگي‌نؤمه ٚ نويشتنکسؤن ٚ جي) نظر ٚ مئن نۊشؤن جي «چشمگير ٚ دۊري خؤشۊنت ٚ جي» دأره. ايمه گوارا یته أدبي روایت، اي حادثه ٚ جي با عۊنوؤن ٚ «یته خائن ٚ مرگ» منتشر بؤگۊد گه اۊن ٚ مئن گرا ٚ خیانت ؤ اعدام ٚ پيش ٚ درخاس مبني بر اينگه «اينقلاب اۊن ٚ زاکؤن ٚ جي مراقبت بؤنه»' به «یته اينقلابي مثَل رستگاري ره، فداکاري ٚ طريق ٚ جي» تبديل بؤگۊد[۶۲].

چه، سخت‌گير ؤ گلف بي‌رحم بؤ، ولي هندئه، خؤره خۊ أفراد ٚ مألم دؤنس ؤ فراغت ٚ اؤقات ٚ مئن، أفرادي رابرت لۊیي استيونسن ؤ ميگل د سروانتس ٚ مۊسؤنچي ؤ ايسپانيایي غنایي شعرؤن ٚ همرأ اۊشؤن-ه سرگرم گۊد.[۶۳] گوارا تحت ٚ تأثير ٚ «سواد ٚ بيدۊن ٚ مرز» خؤزه مارتي جي، چريکؤن-ه دسسۊر بدأ بؤ بي‌سواد ٚ کيشاورزؤني گه اۊشؤن ٚ ور دؤبؤن ؤ جنگسن-ه خؤندن‌نويشتن بيؤمۊجأنن ؤ اي برنؤمه-أ «کالنجار جهل ٚ همرأ» لقب بدأ بؤ. تۊماس آلبا (گوارا ٚ یارؤن ٚ جي) گۊنه: چه ٚ سخت‌گير ؤ جدي بؤن ٚ وؤجۊد ٚ همرأ، هندئه اۊن ٚ تۊغامند بیم ؤ اۊن-ه خۊش دأشتيم ؤ حاضر بیم خۊ جؤن-ه اۊن ٚ ره بديم.[۶۴]

فيدل کاسترؤ، به عۊنوان ٚ گوارا ٚ أرشد ٚ أفسر، اۊن-ه فردي زرنگ، جسۊر ؤ یته نمؤنه‌رابر تؤصيف بؤگۊده دره گه «رۊحي لحاظ ٚ جي خۊ أفراد-ه سلطه دأشت». کاسترؤ ايمه بؤگۊت گه گوارا حد ٚ جي ويشتر ريسک-ه پذيرا بؤ، اۊته گه حتی «حماقت-ه مؤنس».[۶۵] جؤئل ايگلسياس (گوارا ٚ نؤجوؤن ٚ سؤتوؤن) گوارا ٚ بأضي مخاطره‌آميز ئقدامات کالنجار ٚ مئن-ه خۊ خاطرات ٚ مئن واگۊته ؤ متذکر ئابه چه ٚ رفتار کالنجار ٚ مئن، حتی دۊشمند-ه مجبۊر ٚ به تحسين گۊد. ايگلسیاس یاد درگئنه یه وار گه زخمي بؤبؤ بؤ «چه» بيدۊن ٚ توجه دۊشمند ٚ گۊلۊله‌ئن مي را بؤدؤوس ؤ مره کۊل-أ گيت ؤ منطقه جي دربؤبۊرد. نگهبؤنان حتی اۊن ٚ ره تير توأدأ نيأرسن... ايمه اۊشؤن مره بؤتن وختي بدئن اۊن خطر-ه در نظر نئیته ؤ أسلحه غلاف ٚ همرأ دؤونه، تحت ٚ تأثير قرار بئیتن ؤ تير توأدأ مننسن.[۶۶]

گوارا «دؤخؤته ٚ راديؤ ايستگا»' را درگئنتن ٚ مئن ۱۹۵۸ ٚ فوريه ٚ مئن حیاتي نخش دأشت. اي راديؤ أخبار-ه ژۊيئه ٚ ۲۶ ٚ قيام ٚ نظر ٚ شي مخابره گۊد ؤ هيتأني راديؤوي ارتباط-ه شۊرشئن ٚ ره گه اۊشؤن ٚ تعداد أفزایش یأته دؤبؤ، تمؤم ٚ جزيره ٚ مئن مۊمکن گۊد. بدأري گوارا سي‌آی‌ای ٚ سازمؤن ٚ کارأیتن راديؤو ٚ جي ٚ أثر نني-ئه ٚ مشاهده ٚ همرأ آربنز ٚ ديکتاتؤري دؤلت-ه گئنتن ٚ هدف ٚ همرأ، اي راديؤ ايسگا-ئه چاؤدن ٚ تصميم-ه بگيت.[۶۷]

کۊبا ٚ دؤلتي نيرؤن، قيام ٚ سرکۊتۊن ٚ ره تصميم بئیتن شۊرشي زندانئن-ه اسارت ٚ لحظه ٚ مئن اعدام بؤنن. اۊشؤن هيتأتي هيته رعب ؤ وحشت درگئتن ٚ ره، غير ٚ نظؤمئن-ه دسگير، شکنجه ؤ اعدؤم گۊدن.[۶۸] تا ۱۹۵۸ ٚ مارس، باتيستا ٚ رژيم ٚ ايته‌چي اقدامات سبب بؤبؤ آمريکا ٚ یجؤنایي‌‌ ايالتؤن کۊبا أسلحه فرتن-ه متوقف بؤنه. ۱۹۵۸ ٚ ژۊئيه تۊمؤنأکۊن ٚ مئن، لاس مرسدس ٚ کالنجار ٚ مئن، گوارا ٚ تحت ٚ فرمؤن ٚ سيۊتيۊن مؤفق-أ بؤ ژنرال کانتيلؤ ٚ ۱۵۰۰ نفره-أ گه خأستيد کاسترؤ ٚ نيرؤن-ه دؤرأچينن ؤ مۊغۊب بؤنن-ه، متوقف بؤنه.[۶۹] چن سال دئه، سرگؤرد لاري بؤکمن (آمريکا ٚ یجؤنأیي ايالتؤن ٚ دريایي تفنگدارؤن ٚ سپا جي) لاس مرسدس ٚ کالنجار ٚ تحليل ٚ مئن، گوارا ٚ تاکتيکي بؤده (عملکرد) «درخشان» تؤصيف بؤده. گوارا هيتأني اي مئنأ، بزن‌بيرۊج ؤ دئه «چريکي» تاکتيکؤن-ه کارأیتن ٚ مئن باتيستا ٚ أرتش ٚ عليه خبره بؤبؤ.[۷۰]

جنگ ٚ ويشتر بلأیتن ٚ همرأ، جديد ٚ سؤتۊن ٚ فرمؤندهي گه تۊمؤنأکۊن ٚ حمله ٚ هدف ٚ همرأ هاوانا-ئه اعزام بؤبؤ بؤ، گوارا-ئه مؤحول بؤبؤ. اۊشؤن یته طاقت‌فرسا مسير-ه یه هفته ٚ سر طی بؤدن. اۊشؤن دۊشمند ٚ کمين ٚ جي ايمن بؤن ٚ دؤني خألي شؤوؤن را شؤن ؤ أغلب چن رۊز غذا نؤخؤردن.[۷۱] ۱۹۵۸ ٚ تۊمؤنأکۊن ٚ رۊزؤن ٚ مئن، گوارا موظف بؤبؤ لاس وياس ٚ ؤستان ٚ گيتن ٚ همرأ گه کۊبا ٚ وسط ٚ مئن قرار بٚیته، جزيره-أ دۊ قسمت-ه تقسيم بؤنه. چن رۊز ٚ طۊل ٚ مئن، اۊن «درخشؤن ٚ تاکتيکي پيرۊزئن» ٚ مجمۊعه همرأ تمؤم ٚ اۊستان-ه، غير أز اۊن ٚ مرکز سانتا کلارا، تحت ٚ کؤنتؤرؤل بگيت.[۷۲] گوارا ايمه خۊ «انتحاري جۊخه»-أ سانتا کلارا ٚ کالنجار (انقلاب ٚ سرنوشت‌چاکۊنکس پيرۊزي) مئن رابري بؤگۊد.[۷۳] اي شيش هفته‌ ٚ مئن گه کالنجار اۊن-ه منتهی بؤبؤ، گاگلف اۊن ٚ نيرؤن کاملا محاصره بۊنأ بؤن ؤ مهمات ٚ کافي ندأشتن. چه ٚ تۊمؤنأکۊنا پيرۊزي، دۊشمند ٚ نفري برتري (۱۰ به ۱) ٚ وؤجۊد ٚ همرأ، بأضي ناظرؤن ٚ نظر ٚ جي «یته چۊمگير ٚ مؤنه ورق-ه وگأردنئن نؤوين ٚ جنگؤن ٚ مئن» محسۊب بۊنه.[۷۴]

 
سانتا کلاراٰ ٚ کالنجار ٚ پسي، ۱۹۵۹ ٚ ژانويه ٚ أوول

شۊرشي راديؤ أوولي گۊزارشؤن-ه مبني ٚ گواراٰ سؤتۊن ٚ تسلط سانتا کلارا ٚ سر، ۱۹۵۸ ٚ نؤسال ٚ شؤو مخابره بؤگۊد. أمما ميللي خبري رسانه متناقض ٚ أخباري گۊزارش گۊد ؤ يه مرت حتی چه جنگ ٚ مئن ٚ بؤکۊشته بؤن ٚ خبر-ه بدأ. ۱۹۵۹ ٚ ژانويه ٚ أوول سأت ٚ ۳ ٚ نصفه شؤو، باتيستا گه واخبرا بؤ ۊن ٚ ژنرالؤن خۊسرؤنه چه‌گواراٰ همرأ صۊلح ٚ ره مذاکره گۊددرن، هوامۊج-ه سوار-ه، درحالي گه ۳۰۰,۰۰۰,۰۰۰ (سيصد ميلیۊن) دۊلار ٚ جي ويشتر خۊ همرأ بؤرد، دؤمينيکين ٚ جؤمۊري-ئه درشؤ.[۷۵] پس ٚ رۊز ژانويه ٚ دۊوؤم، گوارا اين ٚ ره گه شأر-ه کاميلا تحت ٚ کؤنتؤرؤل بئیره، هاوانا ٚ دؤرين-ه بؤشؤ. فيدل کاسترؤ ٚ رسئن شيش رۊز دئه دکشئه، اۊن طی ٚ مسير مردۊمي حيمایت ٚ جذب ٚ دؤني پيلا شأرؤن ٚ مئن توقف بؤده بؤ ؤ سرأخر ژانويه ٚ ۸تؤم ۱۹۵۹ ٚ مئن ظفرمندؤن-ه هاوانا ٚ دله بؤشؤ.[۷۶] مجمۊعا دۊسال انقلابي جنگ ٚ مئن، ۲,۰۰۰ نفر بؤکۊشته بؤبؤن.[۷۷]

۱۹۵۹ ٚ ژانويه ٚ ميؤنه ٚ مئن، گوارا آسم ٚ حمله ٚ جي ٚ بهبۊد ٚ ره یته تاوسسؤني ويلا-ئه تارارا مئن بؤشؤ.[۷۸] اۊن اۊجه تارارا ٚ جرگه-أ را درگئنت گه ايجتماعي، سياسي ؤ اقتصادي تؤسعه ٚ سر بحث ؤ برنؤمه‌‌دچيني گۊدن. «چه» هيتأني «چريکي جنگ» ٚ کيتاب ٚ نويشتن-ه سرأگيت.[۷۹] فوریه ٚ مئن، انقلابي دؤلت به ايفتخار ٚ گوارا ٚ نخش پيرۊزي مئن، اۊن-ه «شهروند ٚ متولد ٚ کۊبا» اعلام بؤگۊد. وختي گه هيلدا گادآ ژانويه ٚ تۊمؤنأکۊن ٚ مئن کۊبا-ئه بؤشؤ، گوارا اۊن-ه بؤگۊت گه یته دئه زنکه ٚ همرأ وارد ٚ رابطه بؤبه ؤ اۊشؤن طلاق ٚ تصميم-ه بئیتن گه مئی ٚ ۲۲ ٚ مئن عملي بؤبؤ. ۱۹۵۹ ٚ ژۊئن ٚ دۊوؤم، اۊن آليدا مارس (ژۊئيه ٚ ۲۶ ٚ قيام ٚ أعضا جي) همرأ، ايزدواج بؤگۊد. گوارا ماه ٚ عسل ٚ ره آليدا همرأ ژۊئن ٚ مئن تارارا-ئه وگرس. مجمۊعاً، اۊن خۊ دۊته ايزداج ٚ جي پئنشته وک‌وچه-أ صاحب بؤبؤ.[۸۰]

لاکابانیا، أرضي اصلاحات ؤ سوادیؤمۊجي ٚ برنؤمهویرایش

اينقلابي کۊبا ٚ أوولي پيلا سیاسي بؤحران، باتيستا ٚ رژيم ٚ دسگيرا بؤبه ٚ مسئۊلين ٚ سرنويشت ٚ تصميم‌ گيتن ٚ سر بؤ، اۊشؤني گه بدترين سرکۊتۊن-ه مرتکب بؤبؤ بؤن،[۸۱] باتيستا ٚ ديکتاتؤري ٚ عليه ٚ شۊرش ٚ مئن، فيدل کاسترؤ رهبري همرأ، نؤنزهمي قرن ٚ جزایي قانۊن-ه مؤسۊم به لي د لا سي‌ىرا (سي‌ىراٰ قانۊن) خۊ تحت ٚ کؤنتؤرؤل ٚ مناطق ٚ مئن جرا گۊد. قانۊن ٚ أساس ٚ سر تمؤم ٚ أفرادي گه جددي جنایات-ه مرتکب بؤبؤن ٚ مجازات، چي باتيستا ٚ رژیم ٚ مقامات ؤ چي انقلاب ٚ طرفدارؤن، اعدام هيسه. ۱۹۵۹ ٚ مئن انقلابي دؤلت قانۊن-ه تمؤم ٚ جؤمۊري-ئه تعميم بدأ ؤ ۊشؤني گه جنگي جنایت‌کار محسۊب بۊنأ بؤن، انقلاب ٚ پسی دسگير ؤ محاکمه بؤبؤن. کۊبا ٚ دادگؤستري ٚ وزارت ٚ بؤتأر ٚ طبق، مردۊم ٚ ويشتري اي تصميم ٚ جي حيمایت گۊدن ؤ اي محاکمه‌ئن ٚ مئن، نؤرنبرگ ٚ دادگاٰن ٚ (دۊوؤمي جهاني جنگ ٚ پسي شي) مۊسؤن‌چي روال ٚ جي پیروي بؤ.[۸۲]

 
راس‌درکه به چپ‌درکه، شۊرشي رابر سينفۊئگؤس، کۊباٰ ريئيس‌جؤمۊر مانؤل اۊرؤتيا ؤ چه گوارا (۱۹۵۹ ٚ ژانويه)

کاسترؤ نخشه ٚ يته بخش-ه اجرا ره، گوارا-آ پئنج ما (۱۹۵۹ ٚ ژانويه ٚ ۲وؤم تا ژۊئن ۱۲هۊم) لا کابانياٰ قلعه ٚ زندؤن ٚ فرمؤنده-أ منصۊب بؤگۊد. جديد ٚ دؤلت چه-أ موظفاؤده بؤ «انقلابي عيدالت» ٚ اعمال ٚ همرأ، باتيستا ٚ دؤلت ٚ خائنين، خبرچينؤن ؤ جنگي جنایتکارؤن-ه پاک‌چاؤني ؤ پيرۊزئه تحکيم بؤنه.[۸۳] به عۊنوؤن ٚ لا کابانياٰ فرمؤنده، گوارا انقلابي دادگاٰن ٚ محکۊم بؤبؤرؤن ٚ تجديد ٚ نظر ٚ درخاس-ه بررسي گۊد.[۸۴] اي دادگاٰن دۊته یا سۊته أفسر، یته محترم ٚ شهروند ؤ یته‌أني أرزیاج ٚ حؤضۊر ٚ همرأ برگؤزار بؤن.[۸۵] بأضي پرونده‌ئن ٚ مئن، انقلابي دادگاٰن أفراد-ه تيروارؤن-ه محکۊم بؤده بؤن. رائؤل گؤمز ترتؤ (عدل‌وتأري وزارت ٚ حؤقۊقي مشاور) مؤتقد بؤ اي أحکام تؤجيه‌پذيرن اين‌دؤني گه مردۊم ٚ خۊسر ٚ ايجرای ٚ عأدالت ٚ جؤلؤو-ه گيره، ولي خۊرخه کاستانيدا (نويسا) ٚ بؤتأر ٚ طبق اي دادگه‌ئن ٚ مئن عادلانه رويه ٚ جي پیروي نؤبؤ.[۸۶]

 
گوارا، Beret ٚ کۊلا ؤ خۊ مأرۊف ٚ زيتۊنی ليواس ٚ همرأ

آمارؤن ٚ متناقص بؤن ٚ همرأ تخمين بزأ بؤبه گه چن‌صد نفر کيشور ٚ سطح ٚ مئن اۊ زمت اعدام بؤبؤن گه حؤدۊد ٚ ۵۵ تا ۱۰۵ مؤرد لا کابانيا ٚ زندؤن ٚ مئن گه تحت ٚ فرمؤن ٚ چه بؤ أنجؤم بؤبؤن.[۸۷] نظرات گوارا ٚ احساس ٚ سر درمؤرد ٚ اعدامؤن متفاوتن. تبعيد بوبه ٚ مۊخاليفؤن انقلابي دؤلت-ه متهم گۊدن گه ذؤق ؤ شؤق ٚ همرأ اعدامؤن-ه سازمؤن بدأن ؤ اۊن-ه «لا کابانياٰ قصاب» لقب بدأن، درحالي گه دئه-جرگه ايشاره کۊنن اۊن تا جایي گه شأس خئلي‌ئن-ه عفو بؤگۊد.[۸۸] أمما به هرحال تمؤم ٚ روایات متفق‌القؤلن گه اۊن هيچ ترديدي اعدامؤن ٚ مئن ندأشت. أگر تنئا را «انقلاب ٚ جي حيفاظت گۊدن ٚ ره مۊخالفين-ه اعدام بؤ، سياسي ؤ اينسؤن‌دۊستانه استدلالؤن اۊن ٚ سر أثري نأ مننسن». بيؤگرافرؤن یته نظرسنجئه ايشاره کۊنن گه ۹۳٪ عؤمۊمي مؤافقت-ه دادگا ٚ روند ٚ سر نۊشؤن دنه. ۱۹۵۹ ٚ فوريه ٚ ۵اؤم، گوارا یته نؤمه مئن لۊئيز پاردس-ه بۊئنؤس آیرس ٚ مئن، بنويشت: «اي تيروارؤنان نأ خألي کۊبا ٚ مردۊم ٚ ره ضرۊرئه، ولکي مردۊم ٚ خأسه‌بؤچي ني هيسه».[۸۹]

چه ٚ دئه-کارؤن ٚ جي اينقلابي کۊبا مئن، أرضي اصلاحات بؤ. اۊن چن رۊز اينقلاب ٚ پيرۊزي ٚ پسي ۱۹۵۹ ٚ ژانويه ٚ مئن، یته خۊ مهم‌ترين سخنرانئن ٚ مئن، «شۊرشئن ٚ ايجتماعي تفکرات» ٚ سر صؤبت بؤگۊد. چن ماه بعد ۱۹۵۹ ٚ مئی ٚ ۱۷هؤم، زمين ٚ ايصلاح ٚ قانۊن گه گوارا اۊن-ه تهيه بؤده بؤ، ايجرا بؤبؤ گه مزرعه‌ئن ٚ وسعت-ه ۴۰۰ هکتار-ه محدۊد گۊد. تمؤم ٚ وسيع‌تر ٚ ملکؤن اۊ وضع بؤبه محدۊده ٚ جي، توسط ٚ دؤلت تصاحب بؤ ؤ ايمه زمينؤني ۲۷۰,۰۰۰ هزار متر-مربع ٚ وتأري ٚ همرأ دهقانؤن-ه دأن یا دؤلتي مالکيت ٚ مئن مؤنسن. اي قانۊن هيتأني کۊبا ٚ شکر ٚ مزارع ٚ مالکيت-ه خارجي اتباع ٚ ره ممنۊع گۊد.[۹۰]

۱۹۵۹ ٚ ژۊئن ٚ ۲وؤم ٚ مئن کاسترؤ، گوارا-ئه یته سۊ ماهه سفر-ه ۱۴ ته کيشور گه أکثرا باندۊنگ ٚ کؤنفرانس ٚ ؤضو بؤن (مراکش، سۊدان، مصر، سۊريه، پاکستؤن، هيند، سري‌لانکا، برمه، تایلند، أندؤنزي، ژاپؤن، یۊگسلاوي، یۊنان) ؤ سينگاپۊر ؤ هنگ‌کنگ ٚ شأرؤن-ه روؤنه بؤگۊد. گوارا ٚ ديۊرأ گۊدن هاوانا جي کاسترؤ-ئه ايجازه بدأ تا گوارا ؤ اۊن ٚ مارکسيستي تفکرات ٚ جي فاصله بئیره اين‌دؤني گه اي‌ مسئله هم یجؤنایي ايالات ٚ همرأ رابطه ٚ مئن ؤ هم ژۊئيه ٚ ۲۶ ٚ قيام ٚ بأضي أفراد ٚ همرأ رابطه مئن مۊشکيل‌ساج بؤبؤ بؤ. گوارا جاکارتا مئن أندؤنزي ٚ ريئيس جؤمۊر (أحمد سۊکارنؤ) ٚ همرأ ملاقات بؤگۊد. اۊشؤن أندؤنزي ٚ ۱۹۴۵_۱۹۴۹ ٚ اينقلاب ٚ سر بؤگۊ-بيشنؤ بؤدن ؤ هيتأني تجاري روابط-ه دۊته کيشور ٚ مئنأ برقرار بؤدن. سۊکارنؤ ؤ گوارا خيلي زيۊ صميمي بؤبؤن اين‌دؤني گه چه ٚ کردٚکار ؤ خؤدمؤني رفتار سۊکارنؤ-ئه تحت ٚ تأثير قرار بدأ. هيته-أن هر دۊته چپ ٚ انقلابي ايده‌ئن-ه خۊرخؤسي امپراليسم ٚ علیه-گ متعهد بؤن. گوارا ايمه آتي ٚ دؤنزه رۊز-ه (ژۊئن ٚ ۱۵ تا ۲۷) ژاپؤن ٚ مئن هيسأ بؤ ؤ کۊبا ؤ ژاپؤن ٚ تجاري روابط- گسترشٚ دؤني، تيندار ٚ مذاکرات ٚ مئن شرکت بؤگۊد. اي وادئن ٚ مئن، اۊن قؤبۊل نؤگۊد گه گۊم‌نؤم ٚ سالدات ٚ مقبره (یته یادبۊد ٚ بنا بؤکۊشته بؤبه ژاپؤني سالداتؤن ٚ ره دۊوؤمي جهاني جنگ ٚ مئن) ٚ جي دئن بؤنه اين‌دؤني گه «ژاپؤني امپراليستؤن» جنگ ٚ طۊل ٚ مئن «میلیۊنؤن آسيایئه بؤکۊشتن». اۊن ٚ تأد، گوارا-ئه وأس هيرؤشيما جي گه آمريکا ٚ أرتش ۱۴ سال پيش اۊن ٚ سر أتؤمي بؤمب توأدأ بؤ جي وادئن بؤنه. اۊن هيرؤشيما مئن هري ترۊمن-ه (آمريکا ٚ ۳۳وؤمي رئيس‌جؤمۊر)' اي هسته‌اي ٚ بؤمب‌وارؤن ٚ دؤني یته «ترسناک ٚ دلقک» دؤخؤند ؤ یته پستالي کارت حاوی ٚ «وأني هيرؤشيما' نيأ گۊدن تا شأسه‌بۊن بئیتر صۊل ٚ ره جنگسن» کۊبا' برسأدنئه.[۹۱]

گوارا ٚ کۊبا-ئه وگردسن ٚ پسی ۱۹۵۹ ٚ سپتأمبر ٚ مئن، مشخصا بؤ گه کاسترؤ ٚ سياسي قۊدرت ازدياد بيأته. دؤلت زمينؤن-ه تصاحب-ه أرضي اصلاحات ٚ قانۊن ٚ مطابق سرأیته بؤ، ولي خسارت-ه پرداخت ٚ تأد پيلا مالکؤن-أ، ۊشؤن-ه «ؤراق ٚ قرضه» کم ٚ بهره همرأ هدأ، اقدامي گه یجؤنایي ايالات ٚ تؤجه-أ جلب بؤگۊد. اي زمت ٚ مئن، کاماگؤی ٚ ثروتمند ٚ گالشؤن (دامدارؤن) گه أرضي اصلاحات اۊشؤن ٚ سر أثر بنأ بؤ، هۊبر ماتؤس-ه (یته نؤظؤهۊر ٚ شۊرش ٚ رهبر)' گلأکتن. ايشؤن ۲۶ ٚ ژۊئيه ٚ قيام ٚ عليه ضد ٚ کؤمؤنيست ٚ جناح ٚ همرأ یجؤنأبؤن تا کؤمؤنيستؤن ٚ جؤلؤو-ه بئیرن.[۹۲] اي زمت ٚ مئن، رافائل ترؤخيؤ (دۊمينيکن ٚ ديکتاتؤر) «کارائيب ٚ ضد ٚ کؤمؤنيست ٚ لژيۊن» ٚ جي گه خۊ کيشور ٚ مئن اۊشؤن-ه تعليم دأ، حيمایت گۊد. اي چن‌مليتي نيرؤن گه ويشتر ايسپانيایي ؤ کۊبایي ؤ هيته-أن کؤرواتؤن، آلمؤنئن، یۊنانئن ؤ راس‌خۊ (راست‌گرا) مزدۊرؤن ٚ جي تشکيل بؤبؤ بؤن، قصد دأشت کاسترؤ ٚ جديد ٚ رژيم-ه بيگئنن.[۹۳]

۱۹۶۰ ٚ مارس ٚ ۴رؤم، دۊته پيلا انفجار لا کؤبر (فرانسوي باري پرأخۊت) ٚ مئن گه بلجيکي مهمات ٚ حامل آنتورپ ٚ جي بؤ ؤ هاوانا ٚ بندر ٚ مئن پألۊ بئیته بؤ، اي تهديدات-ه تشديد بؤگۊد. مذکۊز ٚ اينفجار ٚ مئن حدأقل ۷۶ نفر بؤکۊشته ؤ چن‌صد نفر أني زخمي بؤبؤن گه گوارا شخصاً أوليه ٚ کۊمک‌رسؤني مئن بأضي قربانئن-ه بال بزأ. فيدل کاسترؤ بلافاصله سي‌آی‌ای ٚ سازمؤن-ه «اقدامي ترؤريستي»' متهم بؤگۊد ؤ پس ٚ رۊز رسمي گلاکۊني ئنفجار ٚ قربانئن ٚ ره برگؤزار بؤبؤ.[۹۴] گواراٰ ٚ مأرۊف ٚ عکس گه ألؤنه ؤسطۊره‌اي چريک ٚ عۊنوؤن ٚ همرأ نؤمي هيسه، اي مراسم ٚ مئن آلبرؤ کؤرداٰ توسط بئیته بؤبؤ.[۹۵]

 
گوارا ؤ اۊن ٚ زنکه آليدا مارس هاواناٰ خياوؤنان ٚ مئن، ۱۹۶۰

احتمالي تهديدات باعث بؤبؤ کاسترؤ ضد ٚ انقلابيۊن ٚ ويشترين-ه مؤغۊب بؤنه ؤ گوارا جي بخأ أرضي اصلاحات ٚ أنجؤم ٚ سۊرعت-ه شدیداً ازدياد بده. مؤرد ٚ نظر ٚ مسئله ٚ تحقق ٚ ره، یته جديد ٚ دؤلتي نهاد «أرضي اصلاحات ٚ مللي مؤسسه (INRA)» ٚ نؤمي کۊبا ٚ دؤلت ٚ توسط تأسيس بؤبؤ. اي مؤسسه خلي زيۊ کيشور ٚ مؤهم‌ترين حؤکۊمتي ارگان بؤبؤ ؤ گوار به ۊنوؤن ٚ صنایع ٚ وزير اۊن-ه رياست گۊد. گوارا ٚ فرمؤندهي ٚ تحت، یته شبه‌نظامي نيرۊ به اسشمار ٚ ۱۰۰,۰۰۰ نفر چاؤدن بؤبؤ گه أول‌سر دؤلت-ه زمينؤن-ه مصادره ؤ اۊن-ه تۊزيع ٚ مئن بال زأ ؤ ايمه تعاوؤني مزرعه‌ئن ٚ ايجاد ٚ ره اۊن ٚ جي کارأیتن بؤبؤ. مصادره‌بؤبؤ ٚ زمينؤن ۱۹۰,۰۰۰ هکتار گه یجؤنایي ايالتؤن ٚ شرکتؤن ٚ شئم بؤ-أ، شامل بؤ. چن‌ماٰ پسي، دوایت آیزنهاور (آمريکا ٚ ريئيس‌جؤمۊر) تلافي ٚ هدف ٚ همرأ، کۊبا ٚ شکر ٚ واردات-ه (کۊبا ٚ أصلي نقدي صادرات)' شديداً کاهش بدأ؛ عملي گه گوارا ۱۹۶۰ ٚ ژۊئيه ٚ ۱۰ ٚ مئن ۱۰۰,۰۰۰ ٚ جي ويشتر کارگر ٚ ور مقابل ٚ رياست‌جمهۊري ٚ کاخ اۊن-ه ايقتصادي تجاوز دؤخؤند.[۹۶] تایم ٚ مجله ٚ خبرنگارؤن اي مؤقؤ گواراٰ همرأ ملاقات بؤدن، بنويشتن گه اۊن «کۊبا-ئه یخي محاسبات، پۊر قابل بؤن، جؤردؤبؤ ٚ هۊش ؤ شۊخ‌‌طبعي ٚ همرأ هدایت کۊنه.»[۹۷]

علاوه بر أرضي اصلاحات، گوارا سواد ٚ سطح ٚ جؤر شؤن مللي سطح ٚ مئن ٚ لؤزۊم ٚ سر-أني تأکيد دأشت. ۱۹۵۹ ٚ سال ٚ پيشي، کۊبا ٚ سواد ٚ مقدار ٚ رسمي آمار ۶۰ تا ۷۶ درصد بؤ گه تحصيل ٚ دسبرس بؤن ٚ بد ٚ وضعيت رۊستایي مناطق ؤ معلم ٚ کمبۊد، تعيين‌گۊدنکس ٚ عوامل ٚ جي سواد ٚ آمار ٚ جير دؤبؤن ٚ مئن بؤن.[۹۸] نتيجتاً، کۊبا ٚ دؤلت به دستۊر ٚ گوارا، ۱۹۶۱ ٚ سال ٚ نؤم-ه «تحصيل ٚ سال» نؤم بنأ ؤ ۱۰۰,۰۰۰ نفر داوطلب ٚ جي ويشتر-ه «سواد یؤمۊجي تيپؤن» ٚ مئن بسيج بؤگۊد. ايشؤن مدرسه‌ئن-ه چاؤدن، جديد ٚ معلمين-ه یؤمۊجش ؤ خؤندن-نويشتن-ه تأليم بي‌سواد ٚ رۊستایئن-ه مئن یاري برسأدنئن.[۹۹] برخلاف ٚ خئلي جي گواراٰ بأدي ايقتصادي برنؤمه‌ئن، کۊبا ٚ سواد یؤمۊجي نهضت یته «چشمگير ٚ مؤفقيت» بؤ. ۷۰۷,۲۱۲ پيلاسال ٚ کۊبایي خؤندن‌نويشتن بيؤمۊتن ؤ مللي سواد ٚ مقدار ۹۶٪-ه برسئه.[۱۰۰]

————————————————

«گوارا مره یته پئر ٚ مۊسؤن بؤ... اۊن مره تأليم بدأ. اۊن مره یاد بدأ تفکر بؤنم. اۊن خؤجيرترين چي، اينسؤن بؤن-ه، مره بيؤمۊت.»

————————————————

ؤربانؤ، گوارا ٚ هم‌رزم کۊبا ؤ بۊليوي مئن.[۱۰۱]

گوارا هيتأني قصد دأشت عالي یؤمۊجش ٚ عؤمۊمي دسبرس بؤن-ه ني کۊبا ٚ خلک ٚ ره تهيه بؤنه. اي أمر ٚ تحقق ٚ ره، دؤنشگاٰن ٚ مئن مثبت ٚ تبعيض اعمال گۊد. گوارا یته سخنراني مئن عيلمي هیئت ٚ أعضا ؤ لاس وياس ٚ دؤنشگا ٚ دؤنش‌مۊجؤن ٚ ور بؤگۊت زمتي گه تحصيل «یته ايمتياز سيفيت‌پۊس ٚ متوسط ٚ طبقه شي بؤ» تۊمؤنأبئه. اۊن بؤگۊت: «دؤنشگا وأني خؤره سيا، مۊلاتؤ، کارگر ؤ دهقؤن ٚ رنگ-ه بئیره، نوللأ مردۊم اۊن ٚ برؤن-ه ايشکنن ؤ اۊن-ه هر رنگي خۊش دأشته‌بۊن ٚ همرأ رنگ‌ کۊنن.»[۱۰۲]

مارکسيسمویرایش

————————————————

مارکس‌ ٚ شایستگي اين‌دؤني هيسه گه یه‌مرتئه یته مؤهم ٚ تأثير ايجتماعي تفکرات ٚ تاريخ ٚ مئن ايجاد کۊنه. اۊن تاريخه تفسير کۊنه، اۊن ٚ تحرکه درک کۊنه، آینده-أ پيش‌‌بيني کۊنه ؤ علاوه بر اۊن (تا خۊ عيلمي تعهده ارضا بؤنه) یته اينقلابي مفهۊم-أ ابراز کۊنه: دۊنیا نخأن خألي تفسيرا بۊن، بلکي خأن متحولا بۊن. اينسؤن دئه خۊ زيندگي ٚ فضا مئن برده ؤ أوزار نيه ؤ خؤدره خۊ سرنويشت ٚ معمار-ه تبديل کۊنه.

————————————————

—چه گوارا، یادداشتؤني کۊباٰ انقلاب ٚ ايدئؤلؤژي ٚ مطالعه ٚ ره، 1960 ٚ ؤکتؤبر[۱۰۳]

۱۹۶۰ ٚ سپتامبر ٚ مئن، لاتين ٚ آمريکاٰ أوولي کؤنگره ٚ مئن گوارا جي درمؤرد ٚ کۊباٰ اينقلاب ٚ ايدئؤلؤژي سؤال بؤبؤ ؤ اۊن جوؤو-أ دأ «أگر مر ٚ جي سؤال بؤبۊن آیا أمي اينقلاب کؤمؤنيست هيسه یا خیر، مۊ گۊنم مارکسيستي هيسه. أمي اينقلاب خۊ‌ روشؤن ٚ کارأيتن ٚ همرأ مسيرؤني پيداؤده گه مارکس اۊن-ه ايشاره بؤده بؤ.»[۱۰۴] ايمه، گوارا کارل مارکس-ه خۊ ايدئؤلؤژيک ٚ الهام ٚ سربس دؤخؤند. اۊن خۊ سياسي مؤضع ٚ دفاع ٚ مئن اطمينان ٚ همرأ بؤگۊت «پۊر مشهۊد ٚ حقایق درن گه بخشي مردۊم ٚ اطلاعات جي هيسن ؤ دئه گب زئن اۊن ٚ باره بي‌فأیده هيسه. یته شخص وأني مارکسيست بؤبۊن، هۊته گه فيزيک ٚ مئن نيؤتؤني ؤ زيويشت‌شيناسي مئن پأستؤري هيسه.» گوارا بؤتأر ٚ طبق، کۊباٰ عمل‌‌خۊ ٚ انقلابيۊن ٚ هدف دؤنشمند ٚ مارکس ٚ پيش‌بيني‌‌بؤبؤ ٚ قوانين ٚ تحقق بؤ.» گوارا مارکس ٚ ماترياليزم ٚ ديالکتيکي ٚ کارأیتن ٚ همرأ بؤگۊت «مارکسيسم ٚ قوانين کۊباٰ اينقلاب ٚ وقایع ٚ مئن درن، فارغ ٚ اؤنچي گه اۊن ٚ رابرؤن خۊشؤن ٚ زوؤن هأورن، یا یته دئه نظري ديدگا جي کاملا اۊ قوانين ٚ جي واخبرن.»[۱۰۵]

ايقتصادي منظر ؤ «جديد ٚ اينسؤن»ویرایش

————————————————

اينسؤن وختي واقعا خۊ اينسؤني شرایط-ه کاميل رسنه گه تؤليد بؤنه، بۊدۊن ٚ اينگه نياز ٚ سر مجبۊر به خۊ جسم ٚ فرتن به ۊنوؤن ٚ یته کالا بؤبۊن.

————————————————

—چه گوارا، اينسان ؤ سۊسياليسم کۊبا مئن[۱۰۶]

گوارا اي مؤقؤ مئن سممت ٚ حفظ ٚ همرأ دارایي ٚ وزير ؤ مللي بانک ٚ رياست-ه أني منصۊب بؤبؤ. اي انتصابات، اۊن ٚ فعاليت ٚ دۊمباله به عۊنوؤن ٚ صنایع ٚ وزير ٚ توجه ٚ همرأ، گواراٰ خۊ قۊدرت ٚ اؤج-ه کۊبا مئن برسئه؛ اۊته گه عملا کۊباٰ اقتصاد ٚ تزار محسۊب بۊنأ بؤ. یته اۊن ٚ وظایف ٚ جي به عۊنوؤن ٚ مرکزي بانک ٚ رئيس، کۊباٰ ايسکناسؤن ٚ امضا بؤ گه اۊن خۊ کاميل ٚ نؤم ٚ تأد خألي «چه»-أ بسنده گۊد. گوارا اي نمادين ٚ عمل ٚ همرأ، خۊ بي‌میلي-ئه پۊل ؤ طبقاتي اختلافاته گه اۊن ٚ نتيجه ٚ مئن ايجاد بۊنه، ابراز بدأشت ؤ خئلي‌ئن-ه کۊبا مئن نگرؤن بؤگۊد[۱۰۷]. ريکاردؤ رؤخؤ، گواراٰ قديمي رفئق، ايمه گۊت اۊن «رۊزي گه ايسکناسؤنه چه ٚ نؤم همرأ ايمضا بؤگۊد، رایج ٚ عقيده-أ مبني بر پۊل ٚ مقدس بؤن-ه مۊغۊب بؤگۊد.»[۱۰۸]

 
گواراٰ ملاقات فرانسوي ژان-پل سارتر ؤ سيمؤن دۊ بۊوار ٚ همرأ خۊ دفتر هاوانا مئن، ۱۹۶۰ ٚ مارس. سارتر، گواراٰ «زمت ٚ کاميل‌ترين اينسان» توصيف بؤگۊده دره .گوار علاوه ٚ بر ايسپانيایي، فرانسوي-ئه ني دؤنس.

گوارا ؤ کۊباٰ جديد ٚ رهبرؤن سأی گۊدن ايجتماعي نابرأربئنه مؤغۊب بؤنن، سريعا کارخؤنه‌ئن، بانکؤن ؤ کسب ؤ کارؤن-ه مللي بؤنن ؤ خۊ هأکش‌وکش-ه تأمين ٚ مسکن ٚ أرزؤن، درمؤني خدمات ؤ شؤغل تمؤم ٚ کۊبایئن ٚ ره معطۊف بؤدن تا ايته کيشور ٚ سياسي ؤ اقيتصادي ٚ أساس-ه متحول بؤنن. اۊشؤن مؤتقد بؤن ايته‌چي أساسي ٚ تحولات وختي بۊنه گيرن گه مردۊم ٚ ايجتماعي روابط ؤ أرزشؤن ني متحولا بۊن. کۊباٰ رهبرؤن مردۊم ٚ ديد-ه نبست ٚ نژاد، زۊنؤنه‌ئن، فردگرایي ؤ یدي کار-ه کيشور ٚ منسۊخ ٚ بۊگذشته ٚ حاصل دؤنسن ؤ نتيجتا تمؤم ٚ أفراد ٚ جي بخأسن گه کسن-ه برابر بؤدؤنن ؤ أرزشؤني-ئه بپذيرن گه گوارا ۊنه «جديد ٚ اينسؤن» دؤخؤند. گوارا ؤميد دأشت اي تازه اينسؤن نهایتا مؤجۊدي «خؤدره ندئه‌بؤ بئیته ؤ گرۊپي کار ٚ رۊحيه ٚ دارا، پۊرتلاش، جنسيتي برابري ٚ پایبند، مصۊن فساد ٚ برأبر، غير ٚ مادي ؤ امپراليسم‌ستيز» بؤبۊن‌. ۊن مارکسيست–لنينيستي-ئه اي هدفه رسئن ٚ ره مناسب دؤنس ؤ اين ٚ طالب بؤ گه علاوه بر «وحدت، برابري ؤ آزادي» ٚ تبديل بؤن جديد ٚ أوليه ٚ ؤصۊل-ه دؤلت ويژگئني مساوات‌طلبي ؤ ايثار ٚ مۊسؤنچي ٚ سر تأکيد دأشته‌بۊن. گوارا اين ٚ طالب بؤ گه جديد ٚ اينسؤن ٚ أوولي ايقتصادي هدف، تنفر نسبت به ثروت ٚ تراکم ؤ ايقتصادي بي‌عأدالتي بؤن ٚ ور مادي أنگيزه'ن ٚ حذف تمؤم ٚ کيشور ٚ مئن ؤ ۊشؤنه جادؤجيني گۊدن أخلاقي مشوقؤن ٚ همرأ بؤبۊن. ۊن سرمایه‌دأري-ئه «مؤسابقه‌اي ورگؤن ٚ مئنأ» محسۊب گۊد گه اۊن ٚ مئن «خألي کسن-ه گئنتن» ٚ همرأ شأنه گئنا (پيرۊج) بؤن ؤ بنابرين، «جديد ٚ زن ؤ مرد» ٚ ظؤهۊر طالب بؤ. گوارا به طؤر ٚ مؤستمر تأکيد گۊد أگر سۊسياليستي ٚ  اقتصاد ٚ پایاني ٚ نتيجه «طمع ٚ تقويت ؤ فردي جاه‌طلبي ؤ جمعي ٚ رۊحيه ٚ تضعيف» بؤبۊن، «هأکش‌وکش، فداکاري ؤ جنگ ؤ نابۊدي ٚ ريسک» ٚ أرزش-ه ندأره. نتيجتا، «فردي واخبري» ؤ أرزشؤن ٚ اصلاح بئیتر ٚ کارگرؤن ؤ شهروندؤن ٚ دؤني، گواراٰ مؤهم‌ترين أهداف ٚ جي-ئه تبديلا بؤ. اۊن ٚ نظر ٚ مئن، «جديد ٚ اينسؤن» تۊنه «خۊپرستي» ؤ «خۊخأیي»-ئه گه أشخاص ٚ مؤشخصه کاپيتاليستي جوامع ٚ مئن دؤنس، غلبه بؤنه.

گوارا اي تؤسعه ٚ جديد ٚ روش ٚ تؤصيف ٚ ره بؤگۊت:

————————————————

یته پيلا تفاوؤت تؤسعه توسط ٚ «آزاد ٚ تجارت» ؤ «انقلابي تؤسعه» ٚ مئنأ دره. اۊشؤن ٚ یته مئن، ثروت یته کم‌تعداد ٚ خۊشبخت ٚ جرگه‌ ٚ دس دره گه دؤلت ٚ دۊس ؤ دلال هيسن. اۊ یته مئن، ثروت خلک-ه متعلقه.[۱۰۹]

————————————————

گوارا مؤتقد بؤ یته دئه سيفایي ناپذير «وحدت، فرد ؤ اينساني گۊده ٚ مئنأ» ٚ پرورش ٚ مئن داوطلبؤنه ٚ کار ؤ ايراده هيسه. اي أمر ٚ نمایش ٚ ره، «گوارا اين‌دؤني گه یته مؤنه بؤبۊن» تأطيل ٚ رۊزؤن أني «بي‌وقفه کار گۊد، به عۊنوؤن ٚ وزير، ساخت ؤ ساز ؤ نیشکر ٚ مزارع ٚ مئن»،[۱۱۰] مأرۊف بؤ ۳۶ سأت بۊدۊن ٚ توقف کار کۊنه، حتي نيصفه‌شوؤ أني جلسه ننه ؤ حرکت ٚ مؤقؤ غذا خؤره. ايته‌چي رفتار گواراٰ أخلاقي مشوقه‌ئن ٚ برنؤمه ٚ مؤنه بؤ گه اۊن ٚ مئن هر کارگر ملزم به خۊ سهم ؤ أنداجه‌اي مشخص کالا تؤليد بؤنه. اۊن مالي پاداشؤنه لغو بؤده بؤ ؤ کارگرؤني گه خۊ سهم ٚ جي ويشتر عمل گۊدن خألي یته تقدير ٚ گواهي دریافت گۊده‌‌نأبؤن أمما أگر کارگري مؤفق نبه بي، اۊن ٚ دریافتي حؤقؤق ٚ جي کسر بۊنأ بؤ.[۱۱۱]

گوارا مواجهه تجاري روابط ٚ چيکاشؤن خۊرخؤسي ممالک ٚ همرأ مئن، سأی بؤگۊد نزيک‌تر ٚ تجاري روابط، خۊرتاو ٚ بلۊک همرأ-ئه اۊن ٚ جادؤجين بؤنه ؤ شخصا چنته کيشور ٚ جي وادئن بؤگۊد ؤ ۊشؤن ٚ همرأ تجاري توافق‌نؤمه ايمضا بؤگۊد. تا ۱۹۶۰ ٚ پایان، اۊن چکؤسلؤواکي، شؤروي جماهير ٚ اتحاد، کليسایي کؤره، مجارستؤن ؤ خۊرتاوي آلمؤن ٚ جي وادئن بؤگۊد ؤ قراردادؤني ۱۹۶۰ ٚ دسامبر ٚ ۱۷ ٚ قرداد ٚ مۊسؤن خۊرتاوي برلين ٚ مئن ايمضا بؤده بؤ. اي توافق‌نؤمه‌ئن تا حددي کۊباٰ ايقتصاده بال بزأن، أمما در عین ٚ حال کۊباٰ ايقتصادي وابستگي خۊرتاو ٚ بلۊک ٚ کيشورؤن-ه منجر-أ بؤ. هيتأني خؤرتاوي آلمؤن ٚ مئن گوارا، تامارا بؤنکه (ايمه تانیاٰ مأرۊفا بؤ) ٚ همرأ آشنا بؤبؤ. اۊن اۊیه مترجم بؤ ؤ سال ٚ بعد گواراٰ گلأکت ؤ بۊليوي مئن اۊن ٚ همرأ بؤکۊشته بؤبؤ. گواراٰ ايقتصادي اؤصۊل فارغ أز مثبت ؤ منفي نکات، اۊن ٚ برنؤمه‌ئن نامؤفق بؤن ؤ اۊشؤن ٚ حاصيل بهره‌وري ٚ سريع ٚ نؤزۊل ؤ کارگرؤن ٚ غیبت ٚ ازدياد کار ٚ محل ٚ مئن بؤ.[۱۱۲] گواراٰ مؤلاقات رنه دۊمؤن (فرانسوي اقتصاددؤن) ٚ همرأ مئن کۊباٰ دؤلت ٚ ۱۹۵۹ ٚ مصوب ٚ أرضي اصلاحات ٚ ناکافي بؤن گه اۊن ٚ نتيجه پيلا مزارع ٚ تبديل تعاوني مزارع' یا أراضي ٚ تقسيم دهقانان ٚ مئنأ  بؤ، گوار نظر ٚ جي «فردي مالکيت ٚ احساس-ه» تقويت بؤگۊد ؤ کارگرؤن مننسن خۊ مثبت ٚ ايجتماعي منافع-أ بئینن ؤ ۊشؤنه تشويق گۊ‌د دئبار ٚ مۊسؤن فردي منافع ٚ دۊمبال دؤبۊن.[۱۱۳]

خۊکؤن ٚ خليج ؤ مۊشکي بؤحرانویرایش

۱۹۶۱ ٚ آوريل ٚ ۱۷ مئن، خۊکؤن ٚ خليج ٚ حمله مئن، ۱,۴۰۰ کۊبایي تبعيدي گه آمريکا مئن یؤمۊجش بدئه بؤن، کۊباٰ حمله بؤدن. گوارا أساسي نخشي اي کالنجار مئن ايفا نؤگۊد، اين‌دؤني گه حمله ٚ پيش ٚ رۊز، یته جنگي ناو گه دریایي تفنگدارؤن ٚ حامل بؤ تظاهر به پينار دل ريؤ ٚ خۊرخؤسي ساحله حمله گۊدن بؤدن ؤ گواراٰ تحت ٚ أمر ٚ نيرؤن-ه اۊ منطقه مئن بکشأنئن. ولي هأندئه مورخؤن مؤتقدن گوارا کۊباٰ دؤلت ٚ گئنا بؤن ٚ مئن مؤثر ٚ نخش دأشت، اين‌دؤني گه اۊ زمت کۊباٰ مسلح ٚ نيرؤن ٚ یؤمۊجش ٚ مۊدير بؤ.[۱۱۴] تاد سالچ (نويسا) خۊ روایت  ٚ مئن کۊباٰ دؤلت ٚ گئنا بؤن ٚ جي، گۊنه: «انقلابيۊن گئنا بؤبؤن، اين‌دؤني گه چه گوارا به ۊنوؤن انقلابي مسلح ٚ نيرؤن یؤمۊجش ٚ بخش رئيس یؤمۊجش ٚ برنؤمه ٚ مسئۊل، شبه‌نظامئنه تعليم بدأ. اۊن خۊ کاره خؤجير أنجؤم بدأ بؤ ؤ ۲۰۰,۰۰۰ زۊنؤنه ؤ مردؤنه' جنگ ٚ ره آماده بؤده بؤ».[۱۱۵] هي زمت ٚ مئن بؤ گه گواراٰ أسلحه ٚ غلاف به طؤر ٚ ايتفاقي خارج بؤبؤ ؤ تير اۊن ٚ درشؤ ؤ گواراٰ ديم-ه زخم-أ گۊد.[۱۱۶]

 
چه گوارا ؤ فيدل کاسترؤ ۲۹۶۱ ٚ مئن

چه گوارا ۱۹۶۱ ٚ آگست ٚ مئن، آمريکایي کيشورؤن ٚ سازمؤن ٚ کؤنفرانس ٚ مئن اؤرؤگۊئه ٚ پۊنتا دل استه ٚ مئن، یادداشتي «قدردؤني» جان اف. کندي (آمريکاٰ ريئيس‌جؤمۊر) ٚ ره برسأدنئه. اۊ یادداشت ٚ دل بنويشته نأ بؤ «ممنۊن خۊکؤن ٚ خليج ٚ ره. حمله ٚ پيشي، اينقلاب پرکان بؤ. ايسه هر زمت ٚ جي قوي‌تره». وختي گه داگلاس ديلان (یجؤنايي ايالات ٚ خزانه‌داري ٚ وزير) کۊباٰ گلأکتن اتحاد-ه ترقي ؤ پيشأکتن ٚ ره بخأسه‌کس بؤبؤ، گوارا آمريکاٰ وتلس ؤ اۊ کيشور ٚ نظام-ه دمؤکراتيک نؤدؤنس ؤ بؤگۊت دمؤکراسي «مالي ؤليگارش، تبعيض سياپۊسؤن ٚ عليه ؤ کۊکلاس‌کلن (یته زنجليه‌اي نژادپرست ٚ سازمؤن) ٚ خشم» ٚ همرأ جۊر نیه. اۊن هيتأني «أذیتؤنی» گه اۊن ٚ نظر ٚ جي «دؤنشمندؤني ؤپنهایمر ٚ مۊسؤنچئن-ه خۊ جایگاه ٚ جي هأرؤنئه، ساليان ٚ سال جهانه پاؤل رؤبسن ٚ فؤق‌العاده صدا جي محرۊم بؤگۊد دأره ؤ رؤزنبرگؤن-ه واغا بؤ ٚ مردۊم ٚ اعتراضات ٚ وؤجۊد ٚ همرأ قتله برسأدنئه»-أ ني ايشاره بؤگۊد. گوارا خۊ گبؤن ٚ تۊمؤنأکۊن ٚ مئن بؤگۊت آمريکا واقعي اصلاحاته علاقه‌مند نيه ؤ «آمريکایي کارشناسؤن هرگيز کيشاورزي ٚ اصلاحات ٚ مؤرد ٚ مئن گب نزنن، اۊشؤن یته بي‌خطر ٚ مؤضۊ آو ٚ بئیتر ٚ تأمين ٚ مۊسؤن-ه ترجيح دنن. خۊلأصه، ۊشؤن تؤالتؤن ٚ انقلاب ٚ ره آماده بۊنن». هأندئه، ريچارد گۊدوين (ؤمۊر ٚ خارجه ٚ وزارت ٚ نماینده آمريکاٰ قاره ٚ مسائل ٚ مئن) خۊ یادداشت ٚ مئن کۊندأکۊندي بنويشت گه گوارا اۊنه فردي «جديدتر ٚ نسل ٚ جي» قلمداد کۊنه ؤ هيتأن گوارا خۊشؤن ٚ بؤگۊ-بؤشتؤو-ه کاميلا مؤفيد أرزیاجي بؤگۊد.[۱۱۷]

۱۹۶۲ ٚ ؤکتبر ٚ مئن کۊباٰ مۊشکي ٚ بؤحران جهان-ه تا هسته‌اي جنگ ٚ آستؤنه پيش بؤبۊرد. چن هفته اي بؤحران ٚ پسي، مصاحبه ديلي ورکر (یته اينگيليسي کؤمؤنيستي ٚ رۊزنؤمه) ٚ مئن، گوارا هلأني اؤنچي گه «شؤروي ٚ خيانت» محسۊب گۊد ٚ جي ناراحت بؤ ؤ سام راسل (خبرنگار)-ه بؤگۊت «أگر مۊشکؤن کۊباٰ کؤنتؤرؤل ٚ تحت ببي، کۊبایئن اۊنه توأدأ نأبؤن». گوارا ايمه ضمن ٚ اي حادثه ٚ شرح، یه مرت دئه تأکيد بؤگۊد گه سۊسياليستي ٚ آزادي ٚ آرمان، عليه ٚ جهاني «امپراليستي تجاوز» تۊنس نهایتاً «ميلیۊنؤن نفر قرباني اتمي جنگ ٚ مئن» ٚ أرزش-ه دأشته‌بۊن. مۊشکي بؤحران هيتأني گواراٰ متقاعيد بؤگۊد گه دۊته دۊنیاٰ أبرقۊدرتؤن (شؤروي ؤ آمريکا) کۊبا جي به عۊنوؤن ٚ یته پيأده ٚ سالدات خۊ جهؤن ٚ استراتژي مئن کارأیته دأرن. اۊن ٚ بؤجؤر، اۊن یته مؤناٰ نگرش ٚ همرأ هۊته گه آمريکا-ئه دئه، شؤروي-ئه ني دئه.

سفرؤنویرایش

آمريکاویرایش

 
کيشورؤني گه چه گوارا ۊشؤن ٚ جي وادئن بؤگۊد (قيرمز) ؤ کيشورؤني گه ۊن ٚ مئن مؤسلحانه ٚ انقلاب ٚ مئن شرکت بؤگۊد (سبز)

تا ۱۹۶۴ ٚ دسأمبر، چه گوارا انقلابي دؤلتمرد جهاني قامت ٚ مئن محسۊب بؤ ؤ به ۊنوؤن ٚ کۊبایي ٚ هیئت ٚ رئيس سخنراني ملل ٚ سازمؤن ٚ مئن ٚ دؤني نيؤیؤرک-ه سفر بؤگۊد. ۊن ۱۹۶۴ ٚ دسأمبر ٚ ۱۱، خۊ يسأته ؤ پۊرشۊر ٚ سخنراني مئن، ملل ٚ سازمؤن ٚ ضعف «آپارتاید (یجۊر نژادي تبعيض) ٚ وحشيانه ٚ سياست» ٚ مؤقابله مئن نسایي آفريقا ٚ مئن ٚ جي انتقاد بؤگۊد ؤ بپۊرسئه « آیا ملل ٚ سازمؤن مننئه کاري ۊن ٚ جؤلؤوگيري ره أنجؤم بده؟» گوارا ايمه یجؤنایي ايالات ٚ سياست سياپۊس ٚ جمعيت ٚ قبال-ه تقبيح بؤگۊد ؤ بؤگۊت:

————————————————

ۊشؤني گه پۊس ٚ رنگ ٚ دؤني، خۊ وک‌وچه' کۊشنن ؤ به طؤر ٚ رۊزانه ۊشؤن ٚ عليه تبعيض قائل بۊنن، ۊشؤني گه ايجازه دنن سياپۊسؤن ٚ قاتلؤن آزادکئه بؤمۊجن، اۊ قاتلؤن ٚ جي حيمایت کۊنن ؤ سياپۊسؤني-ئه مۊجازات کۊنن گه خۊ مشرۊع ٚ حق ٚ دۊمبال به ۊنوؤن ٚ یته آزاد ٚ اينسان درن — چۊته تۊنن خؤدره آزادي ٚ حافط قلمداد بؤنن؟[۱۱۸]

————————————————

گوارا گه تا اي مؤقؤ دئه عصبي بؤبؤ بؤ، خۊ گبؤنه هاواناٰ دۊوؤمي بیانيه ٚ قرائت همرأ سرأچئه ؤ لاتين ٚ آمريکاٰ «خانواده اي ۲۰۰ ميلیۊن برأر ٚ جي گه یته مساوي مۊشکلات ٚ جي رنج بؤرن» دؤخؤندس.[۱۱۹] گوارا اعلام بؤگۊد اي «حيماسه»، «هيندي وشنأ گۊده'ن (آمريکاٰ قاره ٚ بۊمئن)، بي زمي‌زوار ٚ دهقؤنؤن، استثمار بؤبه کارگرؤن ؤ مترقي گۊده'ن» ٚ توسط نويشته بۊنه. گواراٰ نظر ٚ مئن اين منازعه، گۊده'ن‌ ٚ مؤبارزه ؤ تفکرات بؤن گه کسؤني-ئه پيش بؤردن گه امپراليسم ۊشؤنه تحقير بؤگۊد دأشت ؤ گۊذشته مئن «یته ضعيف ؤ مطيع ٚ رمه» محسۊب بۊنأ بؤن، گوارا ايمه بؤگۊت «یانکئن ٚ انحصاري کاپيتاليسم» برمسئه حالت ٚ همرأ مذکۊر ٚ رمه ٚ مئن خۊ قبرکنان-ه دئه تۊنه. ۊن ايدامه بدأ گه اي «لایق ٚ سأت» ٚ مئن، «گۊمنؤم ٚ گۊده» خۊ تاريخه خۊن ٚ همرأ نويسنه ؤ حؤقؤقي-ئه گه «۵۰۰ ساله همه ۊنه خنده کۊنن» پسأگيره. چه کۊباٰ اينقلاب ٚ پسي ٚ اعدامؤن ٚ باره بؤگۊت: «أمۊ اعدام بؤديم، اعدام کۊنيم ؤ تا جایي گه لازم بؤبۊن، اعدام کۊنيم». ۊن اي پيش‌بيني گه «خشم ٚ کۊل (مؤج) تمؤم ٚ لاتين ٚ آمريکاٰ سامانؤنه گيره» ؤ کارگري ٚ گۊده'ن گه «تاريخ ٚ چرخ-ه چرخأدنن» أوولي مرت ٚ ره «طۊلاني ؤ وحشيانه خاوي گه ۊشؤنه تحميل بؤبه ٚ جي ورسنن» ٚ همرأ، خۊ گبؤنه ؤمۊمي مجمع ٚ مئن خاتمه بدأ.[۱۲۰]

گوارا ايمه واخبرا بؤ وختي گه ملل ٚ سازمؤن ٚ مئن هيسأ بؤ، کۊبایي تبعيدئن دۊ مرت ۊن ٚ ترؤر ٚ ره تلاش بؤدن. أوولي مرت ٚ ره مالي گؤآانزالز، چه ٚ وؤرۊد ٚ لحظه ٚ مئن قصد دأشت ۊنه یته هفت اينچي تيجيني همرأ قتله برسأدنه. دۊوؤمي ني گيلرمؤ نؤوؤ بؤ. ۊن سأی بؤگۊد سخنراني مؤقؤ، بازۊکا همرأ یته لۊتکا «ايست ريور» ٚ رۊخؤنه ٚ مئن ٚ جي ملل ٚ سازمؤن ٚ مقر-ه تير توأده گه گۊلل‍ه ۊني خطا درشؤ. گوارا اي دۊته تفاق ٚ باره بؤگۊت «بئیتره آدم یته زن ٚ قممه همرأ بؤکۊشته بؤبۊن، تا یته مرد ٚ گۊلله همرأ».هيتأني بؤگۊت اي انفجار واقعه' عطر أ طعم-ه زيادا گۊد.[۱۲۱]

 
مؤسکؤ ٚ سۊرخ ٚ میدؤن ٚ مئن، ۱۹۶۴ ٚ نؤوأمبر

ؤرۊپاویرایش

دسأمبر ٚ ۱۷ ٚ مئن، گوارا نيؤیؤرک-ه پاريس ٚ مقصد ٚ ره ترک بؤگۊد ؤ ۊیه جي یته سۊ ماهه سفر-ه جهان ٚ دؤر سرأگيت گه چين ٚ خلک ٚ جؤمۊري، کليسایي کره، عربي یجؤنأیی جؤمۊري، ألجزایر، غنا، گينه، مالي، داهؤمي، کؤنگؤ برازاويل ؤ تانزانيا و توقف ايرلند ؤ پراگ ٚ مئن-ه شامل بؤ. ايرلند ٚ مئن، گوارا گه خؤره ايرلندي أجداد دأشت «سنت پاتريک» ٚرۊز-ه لیمرک ٚ مئن جشن بگيت.

اي سفر ٚ طۊل ٚ مئن، ۊن نؤمه اي کارلؤس کۊئيخانؤ (رۊزنؤمه‌نگار) ٚ ره بنويشت گه ايمه سۊسياليسم ؤ اينسؤن کۊباٰ مئن-ه مأرۊفا بؤ. گوارا اي أثر ٚ مئن جديد ٚ واخبري، کار ٚ جديد ٚ جایگا ؤ یته نؤمقام أفراد ٚ ره ٚ ايجاد ٚ باره بنویشته. ۊن هيتأني خۊ ضد ٚ کاپيتاليستي ٚ احساسات ٚ باره بنويشته دأره:

————————————————

کاپيتاليسم ٚ قانۊن گه أکثريت ٚ نظر ٚ جي دؤخؤته نأ؛ بي اينگه فرد بؤدؤنه ۊن ٚ سر أثر ننه. ۊن خألي یته ؤفؤقي ٚ وؤسعت گه بي‌انتها نظر رسنه' أینه. اين چيزي هيسه گه کاپيتاليسم ٚ مؤبلغؤن نۊشؤن دنن ؤ راکفلر-ه (پيلا بۊرژوا) — چي دؤرۊست چي غلط — سرمشقي مؤفقيت ٚ شأسه بؤن  ٚ ره چؤنن.  فقري ؤ رنجي گه یته راکفلر ٚ ظؤهۊر ٚ ره نياز هيسه ؤ فسادي گه ايته‌چي ثروت ٚ أنباشت ٚ ره ضرۊرت دأره، چاؤده بؤبه ٚ تصوير ٚ مئن دئن نؤبؤنه ؤ هميشک ۊن-ه مردۊم-ه نۊشؤن دأ نشأنه.[۱۲۲]

————————————————

ألجزایرویرایش

گوارا ۱۹۶۵ ٚ ۲۴‌رؤم ألجزایر ٚ مئن، آسیا ؤ آفريقاٰ کيشورؤن ٚ ايقتصادي اتحاد ٚ سمينار ٚ مئن گب‌زني بؤگۊد گه ۊن ٚ آخري حؤضۊر بين‌المللي صحنه'ن ٚ مئن بؤ. ۊن سۊسيالیستي کيشورؤن ٚ أخلاقي وظایف-ه ايشاره ؤ ۊشؤنه ضمني همکاري‌ئه خۊرخؤسي استثمارگرؤن ٚ همرأ متهم بؤگۊد. ايمه اقداماتي‌ئه تشريح بؤگۊد گه ۊن ٚ نظر ٚ مئن کؤمؤنيستي کيشورؤن وأني أنجؤم بدن تا امپراليسم-ه حريفا بۊن. ۊن اي صؤبتؤن ٚ همرأ به صۊرت ٚ عؤمۊمي شؤروي‌ئه انتقاد بؤده بؤ، مارس ٚ ۱۴ ٚ مئن کۊبا-آ وگردس ؤ راؤل کاسترؤ، اسوالدؤ دؤرتيکؤس ؤ کارلؤس رؤدزيگز هاواناٰ فؤرۊدگا مئن ۊن ٚ جي ايستقبال بؤدن.

گوارا سخنراني ألجزایر ٚ مئن ٚ جي مشخص بؤبؤ بؤ گه ۊن کليسایي نيمکره'، آمريکا رهبري همرأ خۊرخؤس ؤ شؤروي رهبري خۊرتاو ٚ مئن-ه نسایي نيمکره ٚ استثمار کۊنا دؤنس. ۊن بدأري کليسایي ویتنؤم ٚ کؤمؤنيست ٚ کيشور ٚ جي ویتنؤم ٚ جنگ ٚ مئن حيمایت گۊد ؤ درحال ٚ تؤسعه ٚ دئه‌کيشورؤن ٚ مردۊم ٚ جي بخأس أسلحه دسأیرن ؤ «ويتنؤمي» وکن. ۊن ٚ مۊخالفت شؤروي همرأ خۊرخؤسي ؤرۊپاٰ چپ ٚ منورالافکارؤن ؤ هۊنرمندؤن ٚ مئنأ گه خۊ قبلي باور-ه شؤروي‌ئه ندأشتن ٚ محبؤبيت ٚ باعث أني بؤبؤ. هيته‌أن ۊن ٚ امپراليسم‌ستيزي ؤ انقلابي‌گيري آمريکاٰ جوؤن ٚ راديکال ٚ دؤنش‌مۊجؤن گه اجتماعي تغييرات ٚ ره بي‌تابي گۊدن ٚ الهام بخش، بؤ.

گوارا خۊ شخصي بنويشته'ن ٚ مئن گه اي زمت ٚ مئن بنويشته (ۊشؤني گه تا ألؤن منتشرا به)، خۊ متزاید ٚ انتقادات-ه شؤروي ٚ سياسي ايقتصاد ٚ جي ابراز کۊنه ؤ ۊشؤن-ه «مارکس-ه یداگۊدن»' متهم بؤگۊد. ۊن مجمۊعه‌اي شؤروي سياستؤن ٚ جي گه، هأکش‌وکش «طبقاتي کالنجار ٚ دؤريني خؤشۊنت ٚ محو گه کاپيتاليسم ٚ انتقال به سۊسياليسم ٚ جي سيفایي‌شا نيه» ٚ ره، «خطري مسالمت‌آميز ٚ تعایش آمريکا‌ همرأ» ٚ سياست، ۊشؤن ٚ نامؤفقي کار ٚ باره ٚ «اطلاعات ٚ تغيير» ٚ ره ؤ ۊشؤن ٚ سأی سۊسياليستي اقتصاد-ه «ليبرال گۊدن» ٚ ره، مۊخالف بؤ. ۊن پۊل، بهره، کالایي تؤليدي مناسبات، بازار ٚ اقتصاد ؤ سۊدگرایي ٚ کاميل ٚ حذفا بؤن ٚ طالب بؤ، درحالي گه شؤروئن اصرار دأشتن اي موارد جهاني کؤمؤنيسم-ه رسئن ٚ همرأ مؤغۊب بۊنن. گوارا پيش‌بيني بؤگۊد گه أگه شؤروي أرزش ٚ قانۊن-ه لغو نؤنه، دسأخر سرمایه‌داري‌ئه رسنن.

گوارا دۊ هفته خۊ ألجزایر ٚ مئن ٚ سؤخنراني ٚ پسي ؤ وگرسن کۊباٰ، عؤمۊمي أنظار ٚ جي کنأره بگيت ؤ ايمه کۊللا غیب بؤبؤ. با توجه به اينگه مردۊم ۊنه کاسترؤ ٚ پسي کيشور ٚ دۊوؤمي قۊدرتمند ٚ فرد محسۊب گۊدن، ۊن ٚ وضعيت یته پيلا راز-ه تبديلا بؤبؤ بؤ. کاسترؤ، بین‌المللي حدسؤن ٚ فشار ٚ بۊن چه ٚ سرنويشت ٚ باره، ۱۹۶۵ ٚ ژۊئن ٚ ۱۶ ٚ مئن اعلام بؤگۊد مردۊم وختي واخبرا بۊنن گه گوارا خؤره بخأ. أمما اين، شایعات ٚ پخش ٚ مانع کۊباٰ دؤرين ؤ بيرۊن ٚ مئن ونکت.[۱۲۳]

۱۹۶۵ ٚ ؤکتبر ٚ ۳وؤم، کاسترؤ یته بۊدۊن ٚ تاريخ ٚ نؤمه' عؤمۊمي بؤگۊد گه ادعا بؤبؤ گوارا هفت‌ماه ٚ قبل ۊنه بنويشته. نؤمه ٚ مئن گه ايمه چه ٚ «خۊداحافظي ٚ نؤمه»' مأرۊفا بؤ، گوارا ضمن ٚ تأکيد ٚ بر خۊ همبستگي کۊباٰ انقلاب ٚ همرأ، اعلام بؤگۊد گه قصد دأره کيشور-ه ترک بؤنه تا دئه-ممالک ٚ انقلابي کالنجارؤن ٚ مئن مشارکت بؤنه. ۊن هيته‌أني خۊ تمؤم ٚ مناصب-ه دؤلت ؤ کۊباٰ کؤمؤنيست ٚ حزب ٚ مئن رهأ بدأ ؤ استعفا بدأ ؤ کۊباٰ ايفتخاري شهروندي‌ئه ني کنأر بيگئنت.[۱۲۴]

کالنجار کؤنگؤ مئنویرایش

گوارا ۱۹۶۵ ٚ سرأگير ٚ مئن آفريقا-آ بؤشؤ تا خۊ دؤنش ؤ تجرۊبه' به عؤنوان ٚ یته چريک، سيمباٰ شۊرشئن ٚ اختيار کؤنگؤ منازعه ٚ مئن قرار بده. أحمد بن ٚ بلا (ألجزایر ٚ رئيس جمهۊر) ٚ بؤته'ر ٚ طبق «گورا آفريقا-آ امپراليسم ٚ ضعيف ٚ حلقه دؤنس» گه هين‌دؤني پيلا انقلابي ظرفيتؤن ٚ دارا هيسه.[۱۲۵] جمال عبدالناصر (مصر ٚ رئيس‌جؤمۊر گه خۊ ملاقات چه ٚ همرأ ۱۹۵۹ ٚ پسي ۊن ئ همرأ خؤجير ٚ رابطه دأشت) گواراٰ برنؤمه کؤنگؤ مئن ٚ کالنجار' خردمندانه نؤدؤنس ؤ ۊنه هۊشدار بدأ گه یته «تارزان‌گۊنه» ؤ کتن-ه محکۊم بؤبؤ ٚ شخصيت-ه تبديل خأنه بؤن. هأندئه، گوارا «رامؤن بنتيز» ٚ مستعار ٚ نؤم ٚ همرأ کؤنگؤ' سفر بؤگۊد. ۊن کۊباٰ عمليات سيمباٰ مارکسيست ٚ قيام ٚ حمایت ٚ ره گه کؤنگؤ ٚ بؤحران ٚ أثر ٚ دؤني ايجاد بؤبؤ بؤ'، رهبري گۊد. گوارا، ويکتؤر درکه (دۊوؤمي فرمانده) ؤ ۱۲ ته کۊبایي همرأ ۱۹۶۵ ٚ آپريل ٚ ۲۴‌رؤم کؤنگؤ ٚ دؤرين بؤشؤن ؤ ايمه، حؤدۊد ٚ ۱۰۰ ته آفريقایي-کۊبایي ني ۊشؤن-ه گلأکتن.[۱۲۶]

ۊشؤن مددتي لؤران کابيلا (چريکي رهبر گه چن ماه ٚ قبل کنأر بيگئنتئه ٚ رئيس‌جؤمۊر ٚ طرفدارؤن ٚ شۊرش ٚ مئن لۊمۊمبا-آ بال بزأ بؤ) ٚ همرأ همکاري بؤدن. گوارا گه لۊمۊمباٰ طرفدارؤن ٚ جي بؤ، بؤگۊت گه «ۊن ٚ قتل وأني أمر ٚ ره درسي بؤبۊن». گوارا گه توؤن ٚ کمي بۊمي زوؤنؤن ٚ مؤکالمه ٚ سر دأشت، یته نؤجوؤن مۊترجم «فردي ايلانگا» نؤمي ٚ کۊمک ٚ همرأ ديگرؤن ٚ همرأ ارتباط گيت. هف ماه ٚ گۊذشتن ٚ جي، ايلانگا «سختکۊش ٚ گوارا» ٚ رفتار-ه گه «احترامي مؤساوي سيفيت‌پۊسؤن ؤ سياپۊسؤن ٚ مئنأ قائل بؤ» تحسين گۊد.[۱۲۷] ولي خلي دنکت گه گوارا، کابيلاٰ ضعيف ٚ نظم ؤ انظباط ٚ جي ناؤميدا بؤ یؤ ۊن-ه کنأر بيگئنت، چه بؤگۊت: هئچچي نؤبؤ گه مره قانع بؤنه ۊن یته مؤرد ٚ نياز ٚ فرد أمر ٚ ره هيسه».[۱۲۸]

 
گوارا ۳۷ سالگي مئن، ۊن اي تاتایي مئن گه ۱۹۶۵ ٚ شئه، یته کؤنگؤیي تروچه' کشأیته ؤ یته آفريقایي چريک ٚ ور هيسأ‌.

کؤنگؤ ٚ

ٚ مللي أرتش ٚ سيفيت‌پۊس ٚ مؤزدۊران مایک هؤر ٚ رهبري ٚ همرأ گه توسط ٚ کاسترؤ ٚ مۊخاليف ٚ کۊبایي خلبؤنان ؤ هيتأني سازمؤن ٚ سي‌ئی‌آ حيمایت بؤن؛ گواراٰ ۊن ٚ پایگا تانگانياٰ دریاچه ٚ نزیک ٚ بندؤن ٚ مئن ٚ جي بۊرۊجأنئن ؤ بؤتۊنسن ۊن ٚ ارتباطات-ه شؤنۊد بؤنن ؤ ایته ۊن ٚ حمله ٚ برنؤمه'ن ٚ جي واخبرا بۊنأبؤن ؤ ۊن ٚ تدارکات ٚ خطۊط-ه مختل گۊدن. با اینگه گوارا خأس خۊ حؤضؤر-ه کؤنگؤ ٚ مئن دؤخؤسأنه، أمما دؤلت ٚ ايالات ٚ آمريکا ۊن ٚ مؤقعيت ؤ فعاليتؤن ٚ جي واخبر بؤن. آمريکاٰ مللي أمنيت ٚ آژانس، یۊئس‌ئن‌ئس سرجۊخه خؤزه ئف والدز (تی-ي‌جی-۱۶۹) ٚ کارأیتن ٚ همرأ هند ٚ ؤقیانۊس ٚ مئن، تمؤم ٚ ۊن ٚ ارتباطات-ه رصد گۊد.[۱۲۹]

گوارا قصد دأشت اتقلاب-ه مارکسيسم-ه تأليم ؤ فؤکؤ ٚ استراتژي ؤ چريکي جنگ-ه سيمباٰ مۊوارزؤن ؤ مؤبۊتۊ (زئير ٚ ديکتاتؤر ٚ رئيس‌جؤمۊر) ٚ مۊخالفونه یؤمۊجأدنئن ٚ همرأ، صادر بؤنه. ۊن کؤنگؤ ٚ خاطيرات ٚ کيتاب ٚ مئن، بي‌کفایتي، عدم ٚ پذيرش ٚ تؤصيه'ن ؤ دؤريني درگيرئن شۊرشئن ٚ مئنأ' شۊرش ٚ شکست ٚ أصلي دلایل ٚ جي دؤخؤند. ۱۹۶۵ ٚ نؤوامبر ٚ ۲۰ؤم ٚ مئن، گوارا گه ديسانتري ؤ حاد ٚ آسم ٚ جي رنج بؤرد ؤ أخير ٚ هفت ماه ٚ شکست ؤ تعلل ۊنه وأرگئنته بؤ، خۊ ۱۲ نفره ٚ گرۊپ ٚ ۶ بؤمؤنسه'ن ٚ همرأ کؤنگؤ' ترک بؤدن. گوارا بؤگۊت قصد دأشت مجرۊحانه کۊبا-آ روؤنه بؤنه ؤ به ۊنوؤن یته نمؤنه انقلابي کؤنگؤ مئن بئسه ؤ تا مۊردن ٚ مؤقؤ بجنگه، أمما خۊ دۊته رفيقؤن ٚ اصرار ٚ پسي ؤ هيتأني دۊ نفري گه کاسترؤ شخصاً برسأدنه بؤ، حاضر وکت آفريقا-آ ترک بؤنه.

اۊ شبانه رۊز ٚ مئن، گوارا ٚ نيرؤن بي‌ سرصدا خۊ ؤردؤن-ه وچئن، خۊ کؤمه'ن-ه تشأدأن ؤ اۊ أسلحه'ني گه خۊ همرأ بؤرد منسن-ه مؤنهدماؤدن یا توأدأن تانگانيا دریاچه مئن ؤ ايمه شبؤنه مرز ٚ جي بؤشؤن تانزانيا ؤ خؤدره زميني دارالسلام-ه برسأنئن. گوارا چن ماه بعد اي نتيجه' برسئه گه ۊن جنگسن تا مۊردن ٚ لحظه ٚ تأد تصميم ٚ شؤن بگيت چۊن: «اينساني عنصر بکت. هيچ ئراده‌اي جنگ ٚ ره دنئه بؤ. رهبرؤن [شۊرشي] فاسدن. خۊلأصه... نشأس کاري گۊدن». گوارا هيتأني بؤگۊت: «أمۊ منيم کيشوري گه نخأنه بجنگه' تنأکه آزاداؤنيم». چن هفته بعد، ۊن مقدمه‌اي خۊ کؤنگؤ ٚ خاطيرات ٚ ره بنويشت گه اي جۊمله همرأ سرأیته بۊنأبؤ: «اي داستؤن یته ديشکسنه»[۱۳۰]

 
گوارا کؤنگؤ مئن، ۱۹۶۵

«چه» میل ندأشت وگرده کۊبا اين‌دؤني گه کاسترؤ قبلتر ۊن ٚ «خۊداحافظي نؤمه»' گه قرار درصۊرت ٚ مۊردن پخش بؤبۊن، علني بؤده بؤ. نتيجتاً، گوارا شيش ماه دؤخؤتکئه کۊباٰ سفارت، دارالسلام ٚ مئن ؤ ايمه یته خؤنه کۊباٰ پراگ ٚ مئن بئسأ. گوارا وختي ؤرۊپا مئن هيسأ بؤ، به طؤر ٚ سئرري خۊآن پرؤن (آرژانتين ٚ قبلي رئيس‌جؤمۊر) ٚ همرأ گه ايسپانياٰ تبعيد بؤبؤ بؤ، ملاقات دأشت. گوارا پرؤن-ه اعتماد بؤگۊد ؤ ۊنه خۊ تازه نخشه جي گه طرح‌شؤني یته کؤمؤنيستي انقلاب ٚ ره سۊسياليستي حؤکۊمت ٚ برقراري ره لاتين ٚ آمريکا مئن بؤ، واخبرا گۊد. پرؤن گوارا-آ هۊشدار بدأ اي نخشه گه قراره بۊليوي جي سرأیتن بؤبۊن، خۊکۊشي ؤ بيهۊده هيسه أمما گوارا خۊ تصميم-ه بئیته بؤ.[۱۳۱]

گوارا اي مۊددت ٚ مئن، خۊ خاطرات ؤ تجربيات کؤنگؤ مئن ٚ شئه جماگۊد ؤ هيته‌أني دۊته دئه کيتابه (یته فلسفه ٚ باره، ؤ اۊ یته ايقتصاد ي) نويشتن-ه سرأگيت. ۱۹۶۶ ٚ ژۊیه  ٚ مئن دؤخؤتکئه کۊبا-آ دؤرينا بؤ تا کاسترؤ ؤ خۊ زنکه همرأ ملاقات بؤنه. چه هيته‌أني آخري وار ٚ ره خۊ پئنشته وچه ٚ ره نؤمه بنويشت ؤ مقرر بؤبؤ ۊن ٚ مۊردن ٚ پسي بؤخؤنده بؤبۊن. ۊن اي نؤمه ٚ آخر ٚ مئن ۊشؤنه تؤصيه بؤگۊد:

————————————————

مؤهم‌تر همه جي، هميشک اي توانایئه دأشته بين گه هرته بي‌عأدالتي-ئه گه دۊنیا مئن هرکسئه روا بۊنه عميقاً حس بؤنين. اين یته اينقلابي ٚ خؤجيرترين خصيصه هيسه.[۱۳۲]

————————————————

بۊليوي، دسگيري ؤ ئدؤمویرایش

۱۹۶۶ ٚ تۊمؤنأکۊن، چه ٚ مقر هلأ عمۊم ٚ ره نامشخص بؤ، هرچند گه مؤزامبيک (FRELIMO) ٚ نماینده'ن گۊزارش بدأن ۊن ٚ همرأ ۱۹۶۶ ٚ تۊمؤنأکۊن ٚ مئن دارالسلام ٚ مئن ملاقات بؤدن. اي ملاقات گواراٰ پيشبنأک ٚ باره اۊ انقلابه بال زأن ٚ ره بؤ گه مؤزامبيکئن نهایتا ۊنه رد بؤدن.[۱۳۳] کارگر ٚ جهاني رۊز ٚ سخراني ٚ رۊز ۱۹۶۷ ٚ مئن هاوانا مئن، سرگرد خؤآن آلميدا (مسلح نيرؤن ي دفاع ٚ وزير) بؤگۊت: «گوارا جایي لاتين ٚ آمريکا مئن مشغۊل ٚ خدمت به انقلابه».

 
عۊمر ٚ أواخر، یته رۊستا بۊليوي مئن

عزيمت بۊليوئه پيشي، گوارا خۊ ظاهيره نغيير بدأ تا شنأخته نؤبۊن، ۊن خۊ ريش-ه بتأشئه ؤ خۊ مؤن-ه کۊتا ؤ خاکستري چاگۊد. ۱۹۶۶ ٚ نۊوامبر ٚ ۳وؤم، گۊرا «آدؤلفؤ منا گؤنزالز» ٚ جعلي نؤم ٚ همرأ دؤخؤتکئه هوامۊج ٚ همرأ لاپاز-ه دؤرينا بؤ. ۊن خؤدره یته ؤرؤگۊئه‌اي ميانسال ٚ تاجر ؤ آمريکایي کيشورؤن ٚ سازمؤن ٚ کارکۊنان ٚ جي معرفي بؤگۊد.[۱۳۴]

سۊ رۊز بۊليوي-ئه دؤرينا بؤن ٚ پسي، گوارا چريکي أرتش ٚ تشکيل ٚ هدف همرأ، لاپاز-ه ترک بؤگۊد ؤ بؤشؤ بۊليوي ٚ خۊرخؤسي-نسام ٚ رۊستایي مناطق-ه. گوارا أوولي ؤردۊگا یته دۊرأکته منطقه به نؤم نيانکاوآزؤ برپا بؤبؤ أمما چريکي أرتش-ه یؤمۊجش اۊ ؤردۊگا مئن خطر بؤ ؤ کار پيش نؤشؤ. ۊن تامارا بۊنکه' گه ۊن ٚ مستعار ٚ نؤم تانيا بؤ، خۊ أصلي عامل لاپاز ٚ مئن منصۊب بؤگۊد. تانيا اصالتاً خۊرخؤسي آلمؤن ٚ شي بؤ ولي آرژانتين ٚ مئن بچئه بؤبؤ بؤ.[۱۳۵]

گواراٰ چريکي قۊوا حؤدۊد ٚ ۵۰ نفر ٚ جي تشکيل بؤ ؤ تحت ٚ عنوان ٚ بۊليوي ٚ آزادي‌بخش کۊنش گۊد. ايشؤن مسلح بؤن ؤ کاميري ٚ کۊهستؤني مناطق ٚ مئن سال ٚ ۱۹۶۷ ٚ أوایل، خۊ أوولي درگيري ٚ مئن بۊليوي ٚ دؤلت ٚ أرتش ٚ همرأ مؤفق بؤن. چنته متعدد ٚ پيرۊجي ۱۹۶۷ ٚ باهار-تاوسسؤن ٚ مئن چريکي نيرؤن کسب بؤدن گه باعيث بؤبؤ، بۊليوي  ٚ دؤلت چريکؤن ٚ تئداد-ه ويشتر واقعي تعداد ٚ جي تخمين بزنن.[۱۳۶]

محققؤن جير ٚ موارد-ه گواراٰ شکست بۊليوي انقلاب ٚ مئن دؤنن:

  • گوارا انتظار دأشت بۊليوي ٚ دؤلت ٚ محلي معارضؤن اۊن ٚ همرأ همکاري بؤنن أممآ ايته ونکت. هيته‌أني بۊليوي ٚ کؤمؤنيست ٚ حئزب ماريؤ مؤنخه ٚرهبري ٚ تحت گه شؤروي-ئه گرایش دأشت، ۊشؤنه حيمایت نؤگۊد. گوارا خۊ خاطرات ٚ مئن گه ۊن ٚ مرگ ٚ پسي کشف بؤبؤ، بۊليوي کؤمؤنيست ٚ حئزب-ه «غير ٚ قابل ٚ ئتماد ؤ أحمق» تؤصيف بؤگۊد دأره.
  • ۊن تصور گۊد خألي بۊليوي ٚ أرتش گه ۊن ٚ نيرؤن خلي خۊب یؤمۊجش بدئه ندأرن ؤ کافي ايمکانات ندأشتن ٚ همرأ طرف هيسه ؤ نؤدؤنس گه ایالات ٚ متحده یته جرگه سي‌ئی‌آ ٚ ويژه کؤمؤندؤن ؤ يه عالمي دئه عملياتي عوامل-ه بۊليوي ٚ ضد ٚ شۊرش ٚ نيرؤن-ه بال زأن ٚ دؤني بۊليوي-ئه اعزام بؤده. هيته-أني بۊليوي أرتش-أني یجؤنایي ايالات ٚ ويژه ٚ نيرؤن (تکاورؤن ٚ مۊسؤن) ٚ  تحت ٚ تعليم ؤ مشاوره قرار بئیتن.[۱۳۷]
  • دۊته کۊتا کۊل ٚ رسأدنا گه کۊباٰ دؤلت ۊن ٚ اختيار قرار بدأ بؤ معیۊب بؤن، نتيجتاً چريکؤن مننسن ارتباط برقرار ؤ خۊ مؤرد ٚ نياز ٚ تدارکات-ه بئینن.

به علاوه، مأرۊف بؤ گوارا ستيز-ه به ساجش ترجيح دنه ؤ اي عملکرد-ه کۊباٰ چريکي جنگ ٚ مئن نۊشؤن بدأ بؤ. اي أمر ۊن ٚ عدم ٚ توفيق ٚ ايجاد ٚ رابطه بۊليوي ٚ دئه-شۊرشي رهبرؤن ٚ همرأ مؤثر وکت، هۊته گه کؤنگؤ مئن-ني اي تفاق دکته بؤ. اي  گواراٰ گرایش کۊبا مئن-ني خؤدره نۊشؤن بدأ بؤ أمما فيدل کاسترؤ ٚ به مؤقؤ مداخلات ؤ رانمایئن اختلافات ٚ برۊز ٚ مانع بؤ.

هيته‌أن گوارا محلي مردم ٚ جذب گلأکتن شبه‌نظامئن-ه طی ٚ یؤنزه ماه سأی ناکام بؤمؤنس. پۊر منطقه مردۊم ٚ جي بۊليوي ٚ نظمامئن ؤ مقامات-ه در جريان ٚ مقر ؤ چريکؤن ٚ تحرکات ٚ جي واخبرا گۊدن. گوارا خۊ کالنجارؤن ٚ آخري رۊزؤن بۊليوي ٚ مئن بنويشت گه: «دهقانؤن أمره بال نزنن، بلکي خبرچين-ه تبديلا بؤدرن».

فيليکس رؤدريگز (کۊبایي تبعيدی) گه سي‌ئی‌آ ٚ سازمؤن ٚ ويژه فعاليتؤن ٚ مرکز ٚ ره کار گۊد، بۊليوي أرتش-ه گواراٰ دسگيري ره مشاوره بدأ. به علاوه، یته مؤستند ٚ بؤته'ر ٚ طبق، کلاؤس باربي (نازي جنگي جنایتکار) ني سي‌ئی‌آ ٚ سازمؤن ٚ دئه- مؤشاورؤن ٚ جي بؤ ؤ یحتمل مستقيماً ۊشؤن-ه کۊمک گۊد.

 
گوارا یادبۊد، لا ايگرا مئن

۱۹۶۷ ٚ ؤکتبر ٚ ۷ۊم، یته خبرچين بۊليوي ٚ ويژه نيرؤن-ه گواراٰ چريکي قۊواٰ ؤردۊ ٚ مقر-ه گه یته درره مئن نأ بؤ جي واخبرا گۊد. ؤکتبر ۸ۊم ٚ صۊب، ۊشؤن اۊ منطقه' ۱۸۰ ته سالدات ٚ همرأ دۊته جرگه مئن دؤرأچئن ؤ درره ٚ داخل ٚ را پيشروي بؤدن. نبردي در بگيت ؤ گوارا اي نبرد ٚ مئن مجرۊح ؤ أسيرا بؤ. برناردينؤ هوانکا (بۊليوي ٚ أرتش ٚ گرۊهبانؤن ٚ جي) ماجرا' ايته گۊزارش کۊنه: تکاورؤن ٚ نزيکا بؤن ٚ همرأ، گوارا گه دۊ مرتبه تير بؤخؤرده بؤ ؤ ۊن ٚ أسلحه دئه کارساج نؤبؤ، خۊ سلاحؤن-ه به نشؤنه ٚ تسليم توأدأ ؤ خطاب به سالداتؤن فریاد دنأ: «شليک نؤنين! مۊ چه گوارام ؤ مۊ زنده ويشتر شمه-ر ٚ ره أرزش دأرم، تا بؤمۊرده».

هۊ رۊز ٚ شأنسر گوارا' دس‌دؤبۊسئه یته بؤسۊسه-دؤسۊسه مدرسه' لا ايگرا (رۊستایي هۊ نزيکي) مئن منتقل بؤدن. یته نصفه‌رۊز، ۊن بۊليوي ٚ أرتش ٚ أفسرؤن ٚ بازجۊیي ٚ برأبر بتأوس (مۊقاومت بؤگۊد) ؤ خألي ۊشؤن ي سربازؤن ٚ همرأ آهسسه گب زأ. یته سربازؤن ٚ جي چه' «مخۊف» تؤصيف گۊد. ۊن ٚ بؤته'ر ٚ طبق، گوارا ٚ راس ٚ پا ٚ ساق گۊلله بؤخؤرده بؤ، ميۊ ۊني خاک‌آلۊد ؤ ۊن ٚ ليواس شندره وکته بؤ ؤ ۊن ٚ پاٰن-ه قأم دؤبسئه بؤن. نامناسب ٚ وضعيت ٚ وؤجۊد ٚ همرأ، «گوارا خۊ سر-ه جؤر بٚیته دأشت، مؤستقيم طرف ٚ چۊمؤن ٚ مئن نيأ گۊد ؤ تنها چيزي گه خأس، یچي ديۊ گۊدن ٚ ره بؤ». ۊن گۊنه «ترحم» ٚ همرأ یته کۊچئه کيسه تۊتۊن ۊن ٚ پيپ ٚ مئن ٚ دنأم، گوارا لبخند بزأ ؤ تشکۊر بؤگۊد. هۊ رۊز ٚ شؤو یأني ؤکتبر ٚ ۸، کأپيتان ئسپينؤزا (بۊليوي أرتش ٚ أفسرؤن ٚ جي) تلاش بؤگۊد پيپ-ه گوارا ٚ  دهن ٚ جي وئیره گه چه —دؤبسئه دسؤن ٚ وؤجۊد ٚ  همرأ — ۊن لقد بزأ. گوارا هيتأني چن سأت پيشتر خۊ اعدام ٚ جي آدميرال اۊگاتچه ٚ ديم ٚ سر گه تلاش بؤده بؤ ۊن ٚ جي بازجۊیي بؤنه، فيليک توأدأ.[۱۳۸]

پس ٚ رۊز ؤکتبر ٚ ۹، گوارا درخاس بؤگۊد رۊستاٰ مدٚرسه ٚ مألم گه یته ۲۲ ساله زنکه بؤ به نؤم ٚ جۊليا کؤرتز-ه، بٚینه. ۊن ايمه گوارا' «مردي خۊش‌قيأفه ؤ بأ نيأیي نرم ؤ طعنه‌آميز» تؤصيف بؤگۊد گه مکالمه ٚ مؤقؤ کؤرتز منيس مؤستقيم ۊن ٚ چۊمؤن ٚ مئن نيأ بؤنه چۊنگه «نيأ ۊني تاب‌پذير، رؤسۊخ گۊدنکس ؤ آرام بؤ». گوارا مألم-ه بؤگۊت اين ضد ٚ تربيتي هيسه گه انتظار بؤشۊن رۊستایي کۊدک ايته‌چي جا مئن تحصيل بؤنه، «درحالي گه دؤلتي مقامات مرسدس-ه سوارن» . گوارا بؤگۊت اين چيزي هيسه گه أمۊ ۊن ٚ علیه کالنجار کۊنيم».[۱۳۹]

مۊددتي بعد هۊ ؤکتبر ٚ ۹هؤم ٚ صۊب، رنه بارينتؤس (بۊليوي رئيس‌جؤمۊر) دسسۊر بدأ گوارا' بؤکۊشته بؤبۊن، هرچند دؤلت ٚ ايالات ٚ متحده متمایل بؤ گه ويشتر بازجۊیي بؤن ٚ ره پاناما' منتقل بؤبۊن، گوارا کۊشأنئن ٚ دسسۊر توسط ٚ فيليکس رؤدريگز اۊ واحدي گه گوارا' دأشت-ه برسأدنئه. ماريؤ تران (بۊليوي أرتش ٚ ۲۷ ساله گؤرۊبان) گه ئدعا گۊد سۊ نفر ۊن ي دۊستؤن ٚ جي، هممه ماريؤ ٚ کۊچئه نؤم ٚ همرأ چريکؤن ٚ همرأ درگيري مئن بؤمۊردن، ۊن ٚ اعدام ٚ ره داوطلب بؤبؤ. ۊن درحالي گه نيمه‌مست بؤ، درخاس بؤگۊد گوارا' شليک بؤنه. بۊليوي ٚ دؤلت قصد دأشت گوارا' کۊشتن ٚ پسي رسماً ئلؤم بؤنه ۊن ددرگيري جريؤن ٚ مئن بؤکۊشته بؤبؤ ؤ نتيجتاً، رؤدريگز به تران دسسۊر بدأ چه ٚ سر-ه شليک نؤنه تا گۊلل‍ه ٚ زخمؤن دؤلتي روایت ٚ همرأ همخؤني دأشته بۊن. گري پرادؤ (سروؤني گه ۊن ٚ تحت ٚ أمر ٚ نيرؤن گوارا' أسيراؤده بؤن) بؤگۊت بارينتؤس گوارا' اعدام ٚ دسسۊر-ه فؤراً صادر بؤده بؤ گه اين‌دؤني گه احتمال دأن بؤبؤ بؤ ۊن زندؤن ٚ جي درشۊن یا مردۊم ٚ سۊجه گيتن دؤلت ٚ جي، علني محاکمه مئن تفاق دکه. بارينتؤس هرگيز خۊ أنگيزه' گوارا' فؤري کۊشتن ٚ ره، دئه-ايقدامات ٚ تأد محاکمه ؤ تحويل دأن آمريکایي مقامات-ه مۊسؤنچي، آشکار نؤگۊد.[۱۴۰]

فيليکس رؤدريگز حؤدۊد نيم سأت گوارا' کۊشتن ٚ پيشي تلاش بؤگۊد تا گوارا' وادار بؤنه، تا دئه-چريکؤني گه آزاد بؤن ٚ دؤخؤتن‌گا ٚ جا' اعتراف بؤنه، ولي چه جوؤوي ندأ. ايمه رؤدريگز ؤ چنته دئه سالدات گوارا' کۊمک بؤدن راسه بئسه ؤ ۊنه کؤمه ٚ جي بيرۊن بؤبۊردن. رؤدريگز ؤ دئه-سالداتؤن گوارا همرأ دسه‌جمعي عکس بئیتن ؤ رؤدريگز گوارا' خبر بدأ قراره ئدؤم بؤبۊن. چن لحظه بعد، یته سربازؤن گه گوارا جي محافظت گۊد، ۊن ٚ جي بپۊرسئه «آیا تي جاودانگي ٚ فکر دري؟» ؤ گوارا جوؤوأدأ «نه، مۊ انقلاب ٚ جاودانگئه فيکر کۊنم».[۱۴۱] چن دئقه بعد، تران ۊنه شليک گۊدن ٚ ره کؤمه' دؤرينا بؤ، گوارا ورسأ ؤ خۊ آخري گبؤن-ه به زوؤن بيأرد «دؤنم مره کۊشتن ٚ ره بۊمأی. شلليک بؤن، بزدل! تۊ خألي خأن یکته' بؤکۊشي» تران لحظه‌اي درنگ بؤگۊد، ايمه ئم۲ کارابين-ه گوارا ٚ را نۊشؤنه بگيت ؤ چه ٚ بالؤن ؤ پاٰن-ه شلليک بؤگۊد.[۱۴۲] گوارا گه زمين ٚ سر خؤدره دپيت، خۊ یته مُچان-ه گاز بگيت تا خۊ جره ٚ جؤلؤو-ه بئیره. تران ٚ بعدي شلليک زخمي کۊشتنکس گوارا ٚ سينه ٚ مئن ايجاد بؤگۊد. رؤدريگز ٚ بؤته'ر ٚ طبق، گوارا سأت ٚ ۱:۱۰ دئقه ٚ ظهر به وخت ٚ محللي بؤمۊرد. مجمۊعاً تران ۹ وار گوارا' شلليک بؤگۊد، پئنشته پاٰن-ه، دۊته بالؤن-ه [۱۴۳]ؤ یته سينه ؤ یته-أني گؤلي-ئه.[۱۴۴]

————————————————

هروخت مرگ أمي سۊراغ بۊمأ، خۊش بۊمأ، به شرطي گه أمي ژيوير ايشنؤوسنکسي-ئه برسه ؤ دسسي دئه أمي أسلحه'ن ٚ ره درازا بۊن.

————————————————

—گوارا ٚ گۊربنويشته گه چن ماه قبل یته کنفرانس ٚ مئن آماده بؤده بؤ تا ۊن ٚ قبر ٚ سر حک بؤبۊن[۱۴۵]


گوارا ٚ جسد اعدام ٚ پسي یته هلي کۊپتر ٚ پایه'ن ٚ سر دؤبسئن بؤبؤ ؤ به وال گرانده هۊ نزيکئن ٚ مئن بؤردن بؤبؤ. ۊجه، ۊنه یته بتۊني تخته ٚ سر بؤخؤسأدنئن ؤ ۊن ٚ جسد ٚ جي عکس بئیتن. چنته شاهد ۊن ٚ هؤويت ٚ تأئيد ٚ ره دؤخؤندن گه ۊشؤن ي یکته یته بريتانيایي رۊزنؤمه‌نگار بؤ گه شاهدؤن ٚ مئنأ خألي ۊن گوارا' زنده ٚ بؤن ٚ مؤقؤ بدئه دأشت. چه ٚ جسد-ه به نمایش ٚ عمۊمي بنأن ؤ چن صتته محللي ٚ مردۊم ۊنه بدئن گه ۊشؤن ي خلئن ي نظر ٚ مئن، مسيح-ه مؤنس ؤ حتی بأضي واشکي ۊن ٚ تار ٚ مؤن-ه تبرک ٚ ره وئیتن ؤ بؤبۊردن. اي قبيل مقایسه'ن یه مئنأ شددت بگيت ؤ جان برجر (اينگيليسي منتقد ٚ هۊنر) ۊن ٚ جنازه ٚ عکسؤن ٚ دئن ٚ همرأ بؤگۊت چنته مأرۊف ٚ أثر گه مسيح ٚ کشئن بؤبه' مؤنه.

 
چه ٚ جنازه ٚ ديم

یته نظامي دۊکتر گوارا ٚ دسسؤن-ه ببئه ؤ ايمه بۊليوي ٚ أرتش ٚ أفسرؤن جنازه' یته نامشخص مکؤن-ه بؤبؤردن ؤ ۊن ٚ جنازه' چيکأر بؤدن ٚ جي کسي وخبرا ونکت. چه ٚ دسسؤن-ه أنگۊشت‌نگاري ره به بۊئنۊس آیرس منتقل بؤدن. ايمه گوارا ٚ ببئه دسسؤن-ه کۊبا' برسأدنئن.

۱۹۹۵ ٚ پایان ٚ مئن، ماریؤ وارگاس (بۊليويایي بازنشسته ژنرال) جان لي أندرسؤن (چه‌گوارا: یته انقلابي زيندگي ٚ کيتاب ٚ بنويشته‌کس)' اطلاع بدأ گوارا ٚ جسد یته پروازي باند، وال‌گرانده ٚ نزيکي مئن قرار دأره. نتيجتاً، یته چن‌مليتي گرۊپ اۊن ٚ بقایا' پیداؤن ٚ ره وارد ٚ عمل بؤبؤن ؤ ۱۹۹۷ ٚ ژۊئيه مئن، هفت نفر ٚ بقایا' دۊته دسسه‌جمعي قبر ٚ مئن بيأتن گه یته أجساد ٚ جي، یته بي‌دس مرکه بؤ گه ئنتظار شؤ چه بؤبۊن. ايمه تطبيق ٚ همرأ مشخصا بؤ واقعن چه هيسه، بۊليوي ٚ مقامات ٚ وزارت ٚ داخله تأئيد بؤدن مذکۊر ٚ جسد گوارا شئه. خۊلأصه ۳۰ سال بعد ٚ کۊشأنئن، ۊن ٚ جسد کشف بؤبؤ ؤ سانتا کلارا مئن دفن بؤبؤ.

ميراثویرایش

گوارا ٚ کؤشأنئن ؤ اۊ چريکي کالنجارؤن ٚ ديشکسن باعيث نؤبؤ «مسلحانه کالنجار گه فؤکؤ ٚ نظريه' مأرۊف بؤ، پيلا تحولات ٚ ايجاد ٚ ره» خاتمه پیداؤنه. درواقع، چه سبب بؤبؤ ؤنچي گه مؤفق ٚ مسلحانه مۊوارزه ٚ ره نيازه، تا حددي رؤشنا بۊن. اينقلابي جۊمبشؤن گوارا ٚ پسي لاتين ٚ آمريکا ؤ دۊنیا مئن، «أهميت ٚ جذب ٚ رۊستایي ؤ شهري مناطق ٚ عامه ٚ سياسي حيمايت-ه» به رسميت بشنأخت.

هۊنر ٚ مئنویرایش

خلي فيلم چه‌گوارا ره چاؤده بؤبؤ گه ۊشؤن ي آخري چه (۲۰۰۸) بؤ گه دۊته وابين دأشت. ميزقؤن ٚ مئن ني یته پۊر مأرۊف ٚ أثر نيأ به نؤم ٚ «بدرۊد فرمانده» گه کارلؤس پۊئبلا (کۊبایي مزقؤنچي) گوارا ٚ خۊدافظي نؤمه ٚ انتشار ٚ پسي چاگۊد. اي أثر-ه خلي خؤننده'ن هندئه بؤخؤندن، من‌جۊمله: ناتالي کردؤن گه ۊن ٚ تک‌آهنگ فرانسه ٚ مئن ۸۰۰,۰۰۰ ته نۊسخه جي ويشتر بفرت.

مزقؤن-ه ايشنؤوسن ٚ ره: https://www.tarafdari.com/node/1798165

چه (۲۰۰۸ فيلم) imdb ٚ مئن:

https://m.imdb.com/title/tt0892255/?ref_=nv_sr_srsg_3

گوارا ٚ کيتابؤن ؤ دس‌بنويشته'نویرایش

گوارا ٚ مأرۊف ٚ کيتابؤن، چريکي جنگ، ماتؤرسيکلت ٚ خاطيرات، کۊبا ٚ انقلابي جنگ ٚ خاطره'ن، هيسن. هيته‌أن، گوارا وختي دسگيرا بؤ یته ۳۰,۰۰۰ کلمه‌اي خاطرات ٚ دفتر گوارا ٚ دسنويس بؤرده'ر ؤ ۊن ٚ أشعار ؤ کۊتا قصصه'ن ۊن ٚ مئن دؤبؤن گه بۊليوي أرتش ٚ دس دکت. گوارا اي خاطرات ٚ مئن بۊليوي ٚ چريکي کالنجارؤن ٚ وقایع' ۱۹۶۶ ٚ نؤوامبر ٚ ۷ تا ۱۹۶۷ ؤکتبر ٚ ۷-ه مؤستند بؤده. ۊن ٚ مئن مۊشکلاتي گه ۊن ٚ همرأ مواجه بؤن شرح دأن بؤبه ؤ هيته‌أن گوارا خۊ رنج بؤردن آسمي حملات ٚ جي ؤ ۊشؤن ي تشديد ٚ باره گب بزأ. گوارا پۊر خؤجير ٚ گب ؤ جۊمله بؤگۊت دأره گه خلي خلک ٚ مئنأ دپيته.

سربسویرایش

تیندار کیتابانویرایش

  • Galvez, William (1999). Che in Africa: Che Guevara's Congo Diary. New York: Ocean Press.
  • Guevara, Ernesto Che (1994). The Bolivian Diary of Ernesto Che Guevara. New York: Pathfinder Press
  • Guevara, Ernesto Che (1969). Che. Havana: Instituto del Libro.
  • Guevara, Ernesto Che (1996). Episodes of the Cuban Revolutionary War, 1956–1958. New York: Pathfinder Press.
  • Guevara, Ernesto Che (1985). Ernesto Che Guevara: Escritos y discursos. Havana: Editorial de Ciencias Sociales.
  • Guevara, Ernesto Che (1997). Guerrilla Warfare. Washington, Del: Scholarly Resources.

ارجاعانویرایش

  1. Wright 2000, pp. xi–xii
  2. Lewis 2001, pp. 93–107
  3. Staten 2005, pp. 80–81
  4. https://upload.wikimedia.org/wikipedia/commons/7/78/Ernesto_Guevara_Acta_de_Nacimiento.jpg
  5. Harris 2010, pp. 1
  6. Guevara Lynch 2007, pp. i. "The father of Che Guevara, Ernesto Guevara Lynch was born in Argentina in 1900 of Irish and Basque origin."
  7. Lavretsky 1976
  8. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#CITEREFHarris2010
  9. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#refLavretsky1976
  10. https://web.archive.org/web/20130826054445/http://www.time.com/time/printout/0,8816,872604,00.html
  11. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#refKellner1989
  12. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#refAnderson1997
  13. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#refSandison1996
  14. http://www.telegraph.co.uk/sport/columnists/brendangallagher/2322711/Argentine-rugby-inspired-by-Che-Guevara.html
  15. http://www.telegraph.co.uk/sport/columnists/brendangallagher/2322711/Argentine-rugby-inspired-by-Che-Guevara.html
  16. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#refAnderson1997
  17. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#CITEREFHarris2010
  18. Hart 2004, p. 98.
  19. Haney 2005, p. 164.
  20. (Anderson 1997, pp. 37–38).
  21. Sandison 1996, p. 10.
  22. Ratner 1997, p. 25.
  23. Anderson 1997, p. 59–64.
  24. Anderson 1997, pp. 83.
  25. Anderson 1997, pp. 75–76.
  26. Kellner 1989, p. 27.
  27. Kellner 1989, p. 27.
  28. #38 Paperback Nonfiction on 2005-02-20
  29. http://miamiherald.typepad.com/cuban_colada/2008/07/che-guevara-spe.html
  30. Anderson 1997, p. 98.
  31. Anderson 1997, p. 126.
  32. Taibo 1999, p. 31.
  33. Guevara Lynch 2000, p. 26.
  34. Ignacio 2007, p. 172.
  35. https://web.archive.org/web/20200709013446/https://books.google.com/books?id=aCw19CUXpqkC&lpg=PA139
  36. https://web.archive.org/web/20200730153555/https://www.cubaheadlines.com/2007/11/26/7281/poetry_of_che_is_presented_with_great_success_in_guatemala.html
  37. Immerman 1982, pp. 155–160.
  38. Immerman 1982, pp. 161–163.
  39. Gleijeses 1991, pp. 345–349.
  40. Gleijeses 1991, pp. 354–382.
  41. Kellner 1989, p. 32.
  42. Taibo 1999, p. 39.
  43. Guevara Lynch 2000, p. 26.
  44. Kellner 1989, p. 32.
  45. https://archive.org/details/cheguevara00sinc
  46. https://web.archive.org/web/20160817064607/http://ww2.educarchile.cl/UserFiles/P0001/File/biografia%20de%20ernesto%20guevara.pdf
  47. Kellner 1989, p. 33.
  48. https://www.washingtonpost.com/wp-dyn/content/article/2008/10/09/AR2008100902413.html
  49. https://www.washingtonpost.com/wp-dyn/content/article/2008/10/09/AR2008100902413.html
  50. https://www.theguardian.com/books/interactive/2009/jan/09/fidel-castro-che-guevara-biography
  51. Sandison 1996, p. 28.
  52. http://www.firstcoastnews.com/life/books/news-article.aspx?storyid=116566&catid=256
  53. Anderson 1997, p. 213.
  54. Anderson 1997, p. 211.
  55. Sandison 1996, p. 32.
  56. DePalma 2006, pp. 110–11.
  57. https://www.independent.co.uk/news/world/americas/latin-lessons-what-can-we-learn-from-the-worldrsquos-most-ambitious-literacy-campaign-2124433.html
  58. Castro's Brain", 1960.
  59. Kellner 1989, p. 45.
  60. Castro's Brain", 1960.
  61. Luther 2001, pp. 97–99.
  62. Anderson 1997, p. 237.
  63. Sandison 1996, p. 35.
  64. https://web.archive.org/web/20080213092006/http://www.ezilon.com/information/article_18610.shtml
  65. Ignacio 2007, p. 193.
  66. https://www.washingtonpost.com/wp-srv/style/longterm/books/reviews/companero.htm
  67. https://web.archive.org/web/20080218164340/http://www.pateplumaradio.com/central/cuba/rebel1.html
  68. Kellner 1989, p. 42.
  69. http://www.globalsecurity.org/military/library/report/1984/BLJ.htm
  70. Kellner 1989, p. 40.
  71. Kellner 1989, p. 47.
  72. Kellner 1989, p. 47.
  73. Dorschner 1980, pp. 41–47, 81–87.
  74. Sandison 1996, p. 39.
  75. Kellner 1989, p. 48.
  76. Kellner 1989, p. 13.
  77. Kellner 1989, p. 51.
  78. Castañeda, pp. 145–146.
  79. Castañeda, p. 146.
  80. (Castañeda 1998, pp. 264–265).
  81. Skidmore 2008, pp. 273.
  82. Gómez Treto 1991, pp. 115–116.
  83. Anderson 1997, p. 376.
  84. Taibo 1999, p. 267.
  85. Kellner 1989, p. 52.
  86. Castañeda 1998, pp. 143–144.
  87. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#refCasta%C3%B1eda1998
  88. Castañeda 1998, pp. 143–144.
  89. Anderson 1997, p. 375.
  90. Kellner 1989, pp. 57-58.
  91. http://search.japantimes.co.jp/print/nn20080516a3.html
  92. Anderson 1997, p. 435.
  93. Anderson 1997, p. 435.
  94. Casey 2009, p. 25.
  95. Casey 2009, pp. 25–50.
  96. Kellner 1989, p. 58.
  97. Castro's Brain", 1960.
  98. Kellner 1989, p. 61.
  99. Kellner 1989, p. 61.
  100. Kellner 1989, p. 61.
  101. http://news.bbc.co.uk/2/hi/americas/7034953.stm
  102. Anderson 1997, p. 449
  103. https://www.marxists.org/archive/guevara/1960/10/08.htm
  104. http://www.unz.org/Pub/NewRepublic-1960sep12-00008
  105. https://www.marxists.org/archive/guevara/1960/10/08.htm
  106. https://web.archive.org/web/20101128172204/http://sadena.com/Books-Texts/Che%20Guevara%20-%20Man%20and%20Socialism%20in%20Cuba.pdf
  107. Crompton 2009, p. 71.
  108. Kellner 1989, p. 60.
  109. Kellner 1989, p. 59.
  110. https://www.pbs.org/wgbh/amex/castro/peopleevents/p_guevara.html
  111. Kellner 1989, p. 62.
  112. Kellner 1989, p. 63.
  113. Taibo 1999, p. 306.
  114. Kellner 1989, pp. 69–70.
  115. Kellner 1989, pp. 69–70.
  116. Anderson 1997, p. 507.
  117. http://americancentury.omeka.wlu.edu/files/original/3e027f808b843322ec9f28e8e78e93b7.pdf
  118. https://www.marxists.org/archive/guevara/1964/12/11.htm
  119. https://www.marxists.org/archive/guevara/1964/12/11.htm
  120. https://www.marxists.org/archive/guevara/1964/12/11.htm
  121. http://www.latinamericanstudies.org/belligerence/bazooka.htm
  122. https://www.marxists.org/archive/guevara/1965/03/man-socialism.htm
  123. https://www.marxists.org/subject/economy/authors/yaffeh/che-critic.htm
  124. Guevara 1965
  125. Ben Bella 1997
  126. Gálvez 1999, p. 62.
  127. http://news.bbc.co.uk/2/hi/africa/4522526.stm
  128. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#CITEREFBBCNews2001a
  129. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#refBamford2002
  130. Guevara 2000, p. 1.
  131. https://web.archive.org/web/20200303150750/https://www.pagina12.com.ar/diario/elpais/subnotas/178453-56017-2011-10-08.html
  132. Guevara 2009, p. 167.
  133. Mittleman 1981, p. 38.
  134. https://en.wikipedia.org/wiki/Hill_and_Wang
  135. Anderson 1997, p. 693.
  136. Kellner 1989, p. 97.
  137. US Army 1967 and Ryan 1998, pp. 82–102, inter alia. "US military personnel in Bolivia never exceeded 53 advisers, including a sixteen-man Mobile Training Team from the 8th Special Forces Group based at Fort Gulick, Panama Canal Zone" (Selvage 1985)
  138. https://web.archive.org/web/20161030075955/http://www.unz.org/Pub/Ramparts-1968mar-00021
  139. https://web.archive.org/web/20161030075955/http://www.unz.org/Pub/Ramparts-1968mar-00021
  140. https://fa.m.wikipedia.org/wiki/%DA%86%D9%87_%DA%AF%D9%88%D8%A7%D8%B1%D8%A7#refGrant2007
  141. Time magazine 1970
  142. Anderson 1997, p. 739.
  143. Anderson 1997, p. 739.
  144. https://web.archive.org/web/20161030075955/http://www.unz.org/Pub/Ramparts-1968mar-00021
  145. https://www.theguardian.com/world/2009/jan/19/che-guevara-obituary-guardian-archive