ديلمي‌ئن (بۊيه گۊد)، ۹۳۲ تا ۱۰۵۵ ميلادي(۵۰۶ تا ۶۲۹ ديلمي/گيلکي) نه تنها گيلان ؤ مازرۊن ٚ مئن، ولکي ايران ٚ مئن حۊکۊمت گۊدن، یته گيلاني ماهي گيتن کس ٚ زأک بؤن به نؤم ٚ ابۊشجاع کي سۊته وچه بؤن.اي سۊته برأر اوول سر ماکان ؤ مردآویج ٚ سپا مئن جار گۊدن ؤ جار ٚ چم-ه خؤرؤم بؤر بلد بؤن.اي سۊته برأر کي اۊشان ٚ نؤم علي ؤ حسن ؤ احمد ٚ بۊيه بؤ يته حرکت-ه سرأيتن کي بۊتۊنس ۱۰۰ سال ايمرۊجي ایران ؤ عراق ؤ... مئن حۊکۊمت بؤنه.بۊيئن سال ٚ ۹۴۵ ميلادي مئن بغداد-ه بيتن ؤ عباسي خلیفه سر تسلط پيدادن ؤ پۊر ايران ٚ تاريخ ٚ سر أثر بنأن.بۊيئن ٚ کارکيئن اکثرا دؤنش ؤ دابؤن-ه أميت دأن ؤ دؤنش ؤ داب دؤناني چؤن ابن ٚ سينا ؤ رازي ؤ ابۊريحان بيروني مأنستن ، گیلکان-ه سايه بۊن‌جؤنأ گيتن و پيله بؤبؤن.

بۊيئن ٚ قلمرؤ سال ٚ ۹۳۴–۱۰۵۵ ميلادي مئن، بۊيئن ٚ قلمرؤ نه تنها ايران ؤ عراق ٚ مئن ولکي تؤرکيه،سۊريه،پاکستان ؤ افغانستان ٚ مئن ني رخنه بؤگۊد دأره.

حۊکۊمت ٚ أوأيلدچينواچين

أ سلسله-یه بنا گۊدن کسان علي ؤ حسن ؤ احمد، سۊته ديلمي وچه بؤن کي أوول مردآويج ٚ سپا مئن هيسأ بؤن ؤ کم کمه ترقي بؤدن.ایشان ديلمان ٚ جي گه ايمرۊجه لاجؤن ؤ سيأکل ٚ مئن نئه جأ ويريش بؤدن.اي سۊته برأر کارکيايي ؤ جنگ ٚ مئن خئلي خؤرؤم ؤ کاربلد بؤن.علي کي اصفهان-ه دأشت، نسۊم ٚ را لشکر بکشه ؤ فارس-ه بگيت ؤ حسن جبال-ه بگيت، احمد ني کرمان ؤ خۊزستان-ه تسخير بؤگۊد.حسن سال ٚ ۵۱۹ گيلکي مئن بغداد ٚ مئن بؤشؤ ؤ اۊن-ه بگيت ؤ عباسي خليفه سر تسلط پيدا بؤگۊد.اين وکت کي بۊيئن ٚ حۊکۊمت شکل بگيت ؤ اۊشان خئلي قدرتمند وکتن.

مذهب ؤ آييندچينواچين

بۊيئن ٚ کارکيآن مؤسلمان بؤن ؤ شيعه دؤنزه ايمامي بؤن ؤ اۊشان ٚ حۊکۊمت-ه رسمي دين ني شيعه دؤنزه ايمامي بؤ.هأتؤ ني بۊيئن جه اوولي کسان ٚ جي بؤن کي ايران ٚ مئن محرم ٚ مئن ايمام حسين(ع) ٚ وأسي عزا بيتن سؤگواري بؤدن.

دؤنش ؤ دابؤندچينواچين

بۊيئن ٚ پيشي، کارکيآن دؤنش ؤ دابؤن-ه خئلي أميت ندأن ولي بۊيئن ٚ هأمأن ٚ أمرأ هأنده عيلم ؤ دؤنش رؤنق بگيت ؤ پۊر پيله دانش دؤن ؤ داب دؤن بۊيئن-ه پنا بؤبۊردن ؤ اۊشان ٚ حۊکۊمت ٚ مئن زيويش گۊدن مخصۊصا عضد الدوله دؤره دؤنش-أ دابؤن به خۊ اؤج فرسن.

زواندچينواچين

بۊيئن ٚ رسمي زوان عربي بؤ ولي ديلمي زوان ؤ گيلکي زوان دربار ٚ دابي زوان بؤ ؤ مردۊم ٚ مئن ويشتر رايج بؤ.[۱][۲][۳]

سربسدچينواچين

  1. https://fa.wikipedia.org/wiki/%D8%A2%D9%84_%D8%A8%D9%88%DB%8C%D9%87
  2. گيلان ٚ تاريخ ٚ کيتاب
  1. Wolfgang Felix, Wilferd Madelung، «DEYLAMITES»، Encyclopædia Iranica (ویراست ۱st Edition)
  2. https://en.m.wikipedia.org/wiki/Buyid_dynasty
  3. https://mzn.wikipedia.org/wiki/%D8%A2%D9%84_%D8%A8%D9%88%DB%8C%D9%87