Wikipedia:دؤجئه وانويس/۲۰۲۳/۰۱
ايسپانيا ٚ دؤرين‌دؤبؤ جنگ (ايسپانيایي مئن: Guerra Civil Española) یته داخلي جنگ ايسپانيا مئن بؤ گه 1936 ٚ جي تا 1939 جؤمۊري‌خازؤن أ مللي‌‌گرا'ن (ناسۊناليستؤن) ٚ مئنأ جريؤن دأشت. جؤمۊري‌خازؤن ايسپانيا ٚ چپ‌دفراز مردۊمي دؤلت یأني ايسپانيا ٚ دۊوؤمي جؤمۊري-ئه وفادار بؤن أ مۊختلف ٚ جرگه'ن سۊسياليت، کؤمۊنيست، تجزيه‌طلب، آنارشيست أ جؤمۊري‌خاز-ه تنأیته نأبؤن، گه اۊشؤن ٚ بأضي جنگ ٚ پيشي دؤبؤ-دؤلت ٚ همرأ مۊخالفتؤني دأشتن. مۊخالف ٚ جرگه یأني ناسۊناليستؤن ني یته یجؤنایي جي فالئنيزمؤن (یته ايسپانایي حئزب گه فاشيزم ٚ مۊسؤنچي مرام دأشتن)، سلطنت‌طلبؤن، مۊحافظه‌کارؤن أ مذهبئن ٚ مئنأ متشکل بؤ یأ یته نظامي دس «فرانسيسکؤ فرانکؤ» ٚ نؤمي گه یه مرتأ یته برجسته نخش-ه برسئه بؤ، رابري بؤ. اۊ زمت ٚ دپيته سياسي فضا دۊنيا مئن ٚ دئن ٚ جي، اي جنگ مۊختلف ٚ جنبه'ن-ه تنأیته نأبؤ، اۊته گه مۊختلف ٚ عناوين، ضد ٚ طبقاتي کالنجار، مذهبي کالنجار، ديکاتؤرئن ٚ مئنأ، جؤمۊري-دمؤکراسي، انقلابؤن ٚ مئنأ، ضيد ٚ اينقلاب، بأني فاشيزم أ کؤمۊنيزم ٚ مئنأ ٚ مۊسؤنچي، اۊن-ه تلقي بؤ.
کلاد بؤوٚرز (آمريکا ٚ یجؤنأبؤ ايالتؤن ٚ سفير جنگ ٚ زمت) ٚ بؤتأر ٚ طبق اي جنگ یته «dress rehearsal»<ref>یه جۊر رژه ٚ نؤمه ناسۊناليستؤن 1939 جنگ ٚ مئن سر وکتن أ جنگ ٚ تۊمؤنأبؤ پسي یأني 1939 ٚ أوایل ٚ جي تا فرانکؤ ٚ مۊردن یأني 1975 ٚنؤوامبر، ايسپانيا ٚ سر حۊکم برؤندن.
پس‌زمينه یأ سرأگير
دچينواچينسال ٚ ۱۹۳۰ اسپانيا ٚ مئن اينقلاب تفاق دکت. سلطنت قۊدرت ٚ جي بکت أ جؤمۊري اعلام وکت. طۊلاني هأکش‌وکشؤن ٚ پسی یته بۊرژوا-دمؤکرات حۊکۊمت قۊدرت-ه چيکأگيت. أمما أرتش ٚ سرؤن گه فاشيستي یأ سلطنت‌طلبي گرایشؤن ٚ دارا بؤن حۊکۊمت ٚ عليه شۊرش بؤدن. شۊرش ٚ سرأکۊتۊن ٚ ره «خلک ٚ جبهه» تشکيل بؤبؤ یأ داخلي جنگ سرأیتن بؤبؤ. أگر جنگ ٚ دامنه ايسپانيا ٚ داخلي نيرؤن-ه محدۊد بؤمؤنسه‌بي أرتش ٚ شۊرش احتمال ٚ قوي سرأکۊتۊن بۊنأبؤ، ولي اي تفاقؤن مۊقارن بؤن هيتلر أ مۊسٚليني ٚ قۊدرت‌نمایي اۊرۊپا ٚ سياست ٚ صحنه ٚ مئن ٚ همرأ، اي دۊته‌أن ژنرال فرانکؤ (ايسپانيا ٚ فاشيستؤن ٚ رابر) ٚ بال زأن ٚ جي ايسپانيا ٚ دؤرين‌دؤبؤ جنگ-ه بین‌المللي صۊرت بدأن....دۊمباله