گۊلسار (رشت)

ايته محله گيلان ٚ رشت ٚ دۊرۊن
(مسير عوضاؤدن گلسار أجي)

گۊلسار ايته جه رشت ٚ محله‌ئن ايسه کي أ شأر ٚ کلسيا مئن نهأ. گۊلسار ٚ محله اي سري خيابان ؤ بۊلوار-أ گۊلسار ٚ بۊلوار، اصفهان ٚ بۊلوار، سميه بۊلوار، تؤحيد (ناز) بۊلوار، گيلان ٚ بۊلوار، نماز ٚ بۊلوار، ديلمان ٚ بۊلوار، نواب ٚ خيابان ؤ معين ٚ خيابان ٚ مأنستن شامل به.

گۊلسار
ايداري تخسيمان
کيشور
جؤرتر تخسيمان

أ منطقه قديم ٚ زمات ٚ مئن بيجار بۊ. شمسي ۴۰ دهه أواخر، تصميم بيگيتد کي ايته مرفه شهرک اۊیه چأکۊند ؤ «غلامرضا عون جزایری» کي اۊ زمات گيلان ٚ اۊستاندار بۊ، أ شهرک ٚ چأگۊدن ٚ پرؤژه-یأ ۱۳۵۱ سال ٚ تير ٚ مئن شرۊع بۊگۊده.[۱] أ طرح ٚ مۊجري ني أسدالله رشيديان بۊ. أ شهرک چؤن بۊسار ٚ قديمي محله ورجه نهأ بۊ، أول أن ٚ نام-أ ني هۊ محله مأنستن بۊسار بنأبۊد ولي بأزين أ شهرک ٚ نام-أ عوض-أ گۊدئد ؤ گۊلسار بنأده کي بۊسار ٚ أمرأ ني هم‌وزن ايسه. واهانیان کي گيلان‌شيناسي پژۊهشکده مئن اۊستاد ايسه، گۊلسار ٚ نام ٚ باره گئه کي ۱۳۵۱ سال شهريور ٚ مئن، حضرت محمد ٚ بعثت ٚ وأسي أ شهرک ٚ ره ايته تازه نام دؤجئده ؤ أن ٚ نام-أ بۊسار ٚ جا، گۊلسار بنأده. ايته نۊکته کي گۊلسار ٚ نام ٚ باره نهأ، أنه کي أ نام ٚ دؤجئن ٚ وأسي اي سري داوران ايجايی جمع-أ بؤستد ؤ تصميم بيگيتد ؤ اۊ شخص-أ کي گۊلسار ٚ نام-أ پيشنهاد بدأبۊ، ايته جائزه بدأده ولي اۊن أ جائزه-یأ فأنگيفته ؤ داوران ٚ جه بخأسته کي أ جائزه-یأ فأدأند رشت ٚ معلۊلين ؤ اۊیه اهدا بۊکۊند.


گۊلسار ٚ شهرک ٚ طراحي-أ دۊکتۊر علي‌آبادي أنجام بدأ کي پيشتر ايصفهان ٚ شاهين‌شهر-أ ني طراحي بۊگۊده‌بۊ. أ شهرک ٚ پيلئکي اي ميليۊن ؤ هفتصدهيزار مترمۊربع ايسه ؤ ۱۵۰۰۰ نفر جمعيت ٚ وأسي طراحي بۊبؤسته کي اۊ زمات ۱۵۰۰ ته ويلايی خانه ؤ ۱۷۰۰ ته آپارتمان-أ شامل بؤستي.

سربس دچينواچين

  1. {یادکرد وب |نویسنده = |نشانی = http://guilanfarda.ir/index.php?mod=content&met=content_more&id=39#.V9HeAY9OIjY |عنوان = از بوسار تا گلسار |ناشر = |تاریخ = |تاریخ بازدید = ۹ سپتامبر ۲۰۱۶ |archiveurl = https://web.archive.org/web/20160915192113/http://guilanfarda.ir/index.php?mod=content&met=content_more&id=39#.V9HeAY9OIjY |archivedate = ۱۵ سپتامبر ۲۰۱۶ |dead-url = yes}}