دو روبار میانی
دو روبار میانی (اینگیلیسی : Mesopotamia) – (يۊنانی : Μεσοποταμία) – (عربی : بَيْن‌ُ ٱلْنَهْرَيْن) ، ایتا باستانی صارا ، آسیا آفتؤنشست و مدیترانه خورتاب مئن و اونه حدود جه زاگرسˇ رشته کوه، عربˇ فلات ایسه. دو روبار میانی ، هسأ شامل کشوران عراق ، ایرانˇ آفتؤنشست ، سۊریه ، کؤیت و تۊرکيه به. أ صارای به اصطلاح تاریخی تمدنˇ گاواره و حاصلخیزˇ هلال دوخانید. اولین دفعأ بو کی یونانیان أ صارای دو روبار میانی دوخادید کی أ دو روبارˇ نام ، دجله و فرات ایسه. انسانˇ دئبار مئن ، أ صارا دورون پور تمدنان و باستانی کشوران پا بییگیفته. دو روبار میانی به عینه انسانˇ تمدن و داب مئن پیله جاجیگاه دأره. أ صارا مبدا موهم ترین انسانˇ اختراعان بو کی تا هسأ آدمان زندگی رو تاثیر دأره. نیویشتن ، چرخˇ اختراع ، قانون نیویشتن ، لوتکا چکودن و اونه فورانئن ، شب و روجˇ موحاسبه باخی اختراعان ایسه کی اونه مبدا جه دو روبار میانی تمدن واگرده.[۱]
