Wikipedia:دؤجئه وانويس/۲۰۲۲/۰۳
بیلي آىليش پاىرت بىرد اؤکانل آمریکایي خاٰنشگر و ترانه‌سرا ايسه. آىليش سال ۲۰۱۶ مئن خۊ اول آهنگ کي اۊنˇ نام اۊقىانۊسي چۊمان بۊ بيرۊن فادا کي اۊنه جه پۊر استقبال بۊبۊسته. اۊنˇ أولي آلبۊم ۲۰۱۶ آگؤستˇ مئن مره خنده نوا کۊدن نامˇ أمرأ منتشر بۊبؤسته. بيلي أولي استۊديؤئی آلبۊم ني ۲۰۱۹ مارس ۲۹ مئن، منتشر بۊبؤسته کي اۊنˇ نام زماتي کي آمان خۊسيمي، کؤىه شيم؟ ايسه. بيلي آر-آى-اي-اي دۊرۊن هفت ته طلایي آهنگ و دۊ ته نقره‌اي آهنگ دٚره.
.jpg)
زيوشˇ أوائل دچينواچين
بيلي آىلیش هاىلند پارک، لؤس آنجلسˇ مئن پيلا بۊسته. اۊني پئر ؤ مار مگي بىرد ؤ پاتریک اؤکانل ايسيد کي زمينه‌‌ئان بازیگري، نوازندگي ؤ فیلمنامه‌نيویسي دۊرۊن فعال ايسيد. بيلي آىليش تبار ایرلندي ؤ اسکاتلندي دٚره. بيلي زماتي کي کۊچي زاک بۊ خۊ خانه دۊرۊن تحصيل بۊگۊده ؤ مدرسه نۊشؤ. بيلي زماتي کي هشت سال دٚشتي تحت تأثير خۊ پيله برار کي خانشگر ؤ ترانه‌سرا بۊ قرار بيگيفته ؤ آهنگ نيويشتن ؤ شعر خواني شرۊع بۊگۊده.
هۊنري زيوش دچينواچين
۲۰۱۷–۲۰۱۵: مره خنده نوا کۊدن
بيلي ۲۰۱۵ اۊکتؤبرˇ دۊرۊن اۊقىانۊسي چۊمان آهنگ کي اۊنˇ آهنگˇ متن توسط فينياس اؤکانل کي بيلي پيله برار ايسه بينويشته بۊبؤسته، بخانده ؤ ضبط بۊگۊده ؤ خۊ رقاصي معلم ره اۊسه گۊده تا أ آهنگˇ مزقان ويديؤ چاکۊني ره اۊنه جه کۊمک فگيره.
اۊقىانۊسي چۊمان ۲۰۱۶ سالˇ مئن ساؤند کلاؤدˇ دۊرۊن مۊنتشرأ بؤسته کي بيلي أولي رسمي آهنگ ايسه. أ آهنگ أولي مزقان ويديؤ ۲۴ مارچ ؤ اۊن أصلي ويديؤ هم ۲۲ نؤومبر هۊ سال بيرۊن بامؤ. اۊقىانۊسي چۊمان دارک رۊم ؤ اينترسکؤپ ريکؤردزˇ لىبلˇ أمرأ مۊنتشرأ بؤسته ؤ مۊنتقدان ؤ مردۊم جه پۊر مثبتˇ نظر درىافت بۊگۊده. آىليش هۊ سال ۲۰۱۶ دۊرۊن آهنگ شيش فۊت بيجير هم بيرۊن فدأ کي اۊنˇ دۊوؤمي رسمي آهنگ ايسه. بيلي ژانويه ۲۰۱۷ مئن ايته آلبؤم بيرۊن فدأ کي اۊنˇ دۊرۊن چار ته آهنگ به عنوان اۊقىانۊسي چۊمانˇ ريميکس نهأ بۊ.
بعد أنکي اۊقىانۊسي چۊمانˇ آهنگ، پيله استقبال أمرأ مۊواجه بۊبؤسته، بيلي ۲۴ فوریه ۲۰۱۷ دۊرۊن ايتأ آهنگ کي اۊنˇ نام "Bellyache" ایسه مۊنتشرأ گۊده. فينياس أ آهنگˇ تهيه کننده بۊ ؤ اۊنˇ متن نيويشتن مئن هم بيلي کۊمک بۊگۊده. أ آهنگˇ مزقان ويديؤ هم ۲۲ مارچ ۲۰۱۷ بیرۊن بامؤ. ۳۰ مارچ دۊرۊن بيلي کسلˇ آهنگ به عنوان فلمˇ مزقان، "سيزده ته دليل أنه واستي" سرىال ره بيرۊن فدأ. ۳۰ ژوئن ۲۰۱۷، "بيدين"ˇ آهنگ ؤ ۱۱ ژوئیه ۲۰۱۷ دۊرۊن مقلد بيرۊن فدأ ؤ خۊ آلبؤم ني کي اۊنˇ نام مره خنده نوا کۊدن ايسه مۊنشر بۊگۊده. أ آلبؤم، بيلي أولي آلبؤم ايسه کي ۹ ته آهنگ دٚره ؤ اي سري جه بيلي تک آهنگان ؤ ريميکسان هم أ آلبؤمˇ ليستˇ مئن نهأييد....دۊمباله