گیلکؤنˇ بیدوق
گیلانˇ پرچم میرزا کوچکˇ انقلابˇ یادگاره کی گیلانˇ جؤموری بارام بو. أ سورخ بارام زمینه دره ؤ اونˇ بجؤر سمتˇ چپ، کاوه بینوشته دره.
گیلکؤن تا ۹۹۹ هجری قمری کی صفوی‌ئن گیلانه فترکسن ؤ اونه به صفوی دؤلت علاوه بودن، ملوک‌الطوایفی اداره بنأبون. همیشک چنته سلسله ؤ خاندان ؤ هرته یک سامؤنˇ مئن حوکومت گود ؤ گاگلف نی یکته پیلˇ زوردار شا همه‌ته کوچˇ حوکومتؤنه برد خو حؤکمˇجیر؛ کیایی‌ئنˇ مورسؤن. او زمت هلئه دؤلت-ملت به معنایˇمؤدرن شکل نیته بو کی بیدوق بدأرن.
قاجاریه زمت، وختی میرزا کوچی خان، گیلانˇ مئن قیام بوده ؤ گیلانˇ جؤموریه بنأبنا، ای جؤموری یکته بیدوق دأشت کی یکته سورخˇ بیدوق بو کی اونˇ دیمه بنویشته نأبو کاوه.
گیلکؤن بارام
دچينواچينگیلکؤن، یکته کشور نین یا یکته دؤلت ندأنن کی پرچم ؤ بارام بدأرن. بژ هرته قؤم و میلتی تینه یکته یا چنته نماد خوشئبه بدأره. ای بیدوق (پرچم) نی، اینترنتˇ مئن، ایته‌جور میم ایسه کی اینترنتˇ گیلک کونوشگرؤن چاگودن. اول بار قرار بو ای بارام، ویکیپدیا مئن، گیلک بؤنˇ نماد ؤ برچسب (tag) ببون. اینˇ سو ته آریشه، گیلکؤنˇ سامؤنˇ طبیعتˇ جی هیته ببؤ.
ای بیدوق، نأ نژادپرستی جی هنه ؤ نأ سیواخایی جی. یعنی اینترنتˇمئنˇ گیلکؤن کی خوشؤنˇ هویت ؤ ادبیات ؤ زوان ئبه دیل سوجانئنن ؤ کونوش کأدرن، نأ خوشؤنˇ قؤمه باخیˇ مردومˇ جی سر دؤنن ؤ نأ هیچ قؤم و ملتˇ همره دوشمندگری دأنن ؤ نأ خأنن خوشؤن‌ئبه دؤلت چاکونن ؤ ایرانˇ دؤلتˇ جی سیوا ببون. ای بیدوق خالی یکته نماده. هوتؤ کی هر شرکت ؤ نهاد ؤ جریان ؤ تفکر ؤ شأر ؤ اؤستان ؤ ایالت ؤ ولایتی تینه خوشئبه یکته بارام بدأره. اینترنتˇ مئن گیلک کونوشگرؤن، خوشؤنه ایرانی دؤنن ؤ ای بارام نی خالی ایشؤنˇ قؤمی هویتˇ نماد ؤ نشانه ایسه.