گيلانˇ اؤجا یکته دۊزوؤنه ماهنامه (فارسي ؤ گيلکي) ایسه کي گه سیاسي ؤ فرهنگي ؤ اجتماعي خبرؤنه مخصۊصاً کارگرؤن أجي چاپ کؤنه. اي نشریه نؤم أول‌سر گیله‌اؤجا بۊ کي خئلي زۊد عوضأبؤ به گیلان ٚ اؤجا. اي مجللهٰ شأنه گيلانˇ کيتابفؤرۊشئنˇ ميئن ياتن.[۱]

شماره'ندچينواچين

اؤجا دۊته پيش‌شؤماره ۱۵۸۹ أمير ما ؤ آول ما (۱۳۹۴ بهمن ؤ اسفند)ˇ ميئن بيرۊن بدأ. اي مجلله خۊ أولي شؤمارهٰ ۱۵۸۹ سيا ما (۱۳۹۵ ارديبهشت)ˇ ميئن چاپ بؤده.

گیلکي فرهنگ ؤ أدبیاتدچينواچين

اي مجله کي ويشتري اۊنه اؤجا دۊخؤنن، گيلکي أدبياتˇ ميئن پۊر راديکال ایسه ؤ هسأشعر ؤ گیلکي شعر ˇ وضعيت ؤ گیلان‌شناسي به، جدي‌ترين مؤنتقد محسۊب بۊنه.[۲]

اي نشريه هر شماره گیلکي قصصه چاپ کؤنه ؤ گيلکي ادبيات ˇ نقد أجي‌م وانيويس چاپ بۊده دأنه. اؤجای ٚ جلد ٚ سر، هم هجري شمسي تقویم چاپ بنه هم دیلمي تقویم.

نقددچينواچين

یته ايشؤنˇ وانويسؤنˇ جي، ميدانˇ سايتˇ ميئن مۊنتشرأبؤ [۳] کي شهرداري‌ئن ٚ کرد ٚکار' نقد کؤنه. اؤجای ٚ سرمقاله'ن همه‌ته هي رادیکال ؤ انتقادي رامته' پیش شنه.

عقاید ؤ کارکیاگريدچينواچين

اؤجا صاحب امتياز ؤ مؤدير مسئۊل أحمد زاهدي شلماني ايسه. ولي نشريه يکته شؤرا همرأ کار کؤنه کي اۊن' دۊخؤنن نیویشتنکسؤن ٚ شؤرا (فارسي: شورای نویسندگان) ؤ هي شؤرا اي نشريه' کارکیاگري کؤنه.

اؤجا خۊفرمؤني ؤ جيراجؤردؤمؤکراسئه تبليغ کأدره.

اي نشریه کاغذي ایسه ؤ اینترنت ٚ مئن پخش نبنه؛ هین وأسي اؤجای ٚ دومي پیش‌شماره مئن اي تؤضیحه فارسي أجي بنويشتن:

«ویشترˇ مؤخاطبؤنˇ همرأ اي سؤال ؤ نؤکته پيش هأنه کي «چره کاغذي نشريه؟» ؤ «چره گیله‌اؤجا' ننئنين اينترنت ٚ مئن؟» أمه گۊنيم چره کاغذي نشريه نأ؟ واقعيت اينه کي اينترنتˇ رواجˇ پسي، خئلي أمئه کارؤن' کامپيۊتر ؤ اينترنتˇ مئن کؤنيم. اي مؤهبته کامپيۊتر ؤ اينترنت أمئبه بنأن کي أمئه ارتباطؤن ؤ اشتراکؤن -تقريبا- همه‌کس‌ئبه سريعتر بۊبؤ ؤ أمرأني گيله‌اؤجا نيويشتن ؤ دچينواچين ؤ انتشار ئبه ايشؤن' کارأگينيم أمما نؤکته ائره' کي نيويشتن، خؤندن ؤ فرامۊشأبؤن ٚ شي نئه؛ أمه نيويسنيم ؤ خؤنيم کي جؤر بأيم (رؤشد بکۊنيم)، نيويسنيم ؤ خؤنيم کي رادکيم. شايد بيربط نظر بأ، ولي اي رۊزؤن أمه أمئه همه‌ته انساني کردٚکارؤن' -ظاهرا- اينترنتˇ مئن پيش بئنيم. أمه اينترنتˇ مئن خؤنيم، نيويسنيم، مۊزيک اشتؤنيم، فيلم نيشينيم، حتی جامعه چأکؤنيم ؤ اۊنˇ پأستن‌ئبه جنگنيم! هئره أمئه گب'. اينترنتˇ مئن خؤندن بد نئه. أمما مؤهممه چي خؤنيم، مؤهمه چۊتؤ خؤنيم ؤ خؤندن ؤ نيويشتن أجي خأن أمئه دؤرˇور' چۊتؤ أثر بنيم! أمه خۊش دأنيم گیله‌اؤجا خؤندنکس، هۊتؤ کي پيشي سرمقاله مئنأن بۊتيم، خۊدش اؤجا ببۊن. خۊش دأنيمنشريه خيابؤنؤن ؤ کۊچه'ن ؤ محلله'ن' بمجه ؤ دس بدس ببۊن ؤ اينˇ خؤندنکس دئه‌خؤندنکسؤنˇ همرأ گب بزنه.
أمه گۊنيم کي کاغذˇ سر بقايده خؤندن أجي ؤ خيابؤنؤن ؤ همگؤني سارايي مئن شأنه دؤرˇور' دئن ؤ اۊنˇ سر اثر نأن، نأ یکته دیمه کامپیۊتر ؤ تأبلت ؤ مؤبايلˇ گۊشي پۊشت أجي.»[۴]

سربسدچينواچين

  1. اؤجا ۱۵ - ورگ
  2. آتش! آتش! نگاهی انتقادی به وضعیت شعر گیلکی. امین حسن‌پور (ورگ). گیلان اؤجا، ش ۱۰ و ۱۲ و ۱۳ و ۱۴ و ۱۵ و ۱۷
  3. شهرداری‌ها، دفاتر سلب مالکیت
  4. چند نکته از شماره‌ی قبل و برای شماره‌های بعدی... گیله‌اؤجا (گیلان ٚ اؤجا)، دومي پیش‌شماره، آخري ص.