ساغريسازان
ساغريسازان ايته جه رشت ٚ قديمي محله‌ئن ؤ رشت ٚ أولين ٚ محله ايسه کي بادي‌الله گۊذر ٚ جه کي مطهري خيابان ٚ دۊرۊن نهأ شرۊع به ؤ عراق ٚ پۊرد-أ فأرسه.[۱]
نام
دچينواچينأ محله نام، دۊته واجه «ساغري» ؤ «سازان» ٚ ترکيب جه چأگۊده بۊبؤسته. ساغري کفش ؤ پاوزار مأني-أ دنه ؤ چؤن قديم زمات اۊیه کفاشان بازار راسته بۊ گلف گلف أ محله ساغريسازان نام بيگيته.[۲]
قديمي بنایان
دچينواچينساغريسازان ٚ دۊرۊن پۊر قديمي ؤ تاريخي بنا ؤ عمارت نهأ ؤ رشت ٚ تاريخي معماري ؤ بافت-أ شأ أ محله دۊرۊن دئن، ولي ميراث فرهنگي بيتوجهي أمرأ، أ تاريخي بنایان-أ کسي مرمت نۊکۊنه ؤ فگردستن درد ؤ اي سري-أ ني فۊگۊدئد ؤ اۊشان ٚ جا آپارتماني ساختمان چأگۊدئد. حاج سميع ٚ مچچد ايته جه أ محله تاريخي أثران ايسه کي قاجار ٚ زمات ٚ شينه ؤ حاج سميع خان رشتي اۊن ٚ بنانهأنکس بۊ. أ أثر ۱۳۸۲ شمسي سال ٚ مئن ثبت ٚ ميللي بۊبؤسته. أ مچچد ٚ ورجه، قديم ٚ زمات حاج سميع ٚ مدرسه نهأبۊ کي اۊن ني ايته تاريخي أثر بۊ ؤ پۊر قدمت دأشتي ولي اۊن-أ فۊگۊدئد ؤ اۊن ٚ جا ايته پيله ساختمان چأگۊدن درد کي ساغريسازان ٚ تاريخي بافت ٚ جلوه-یأ پۊر آسيب زنه.
ساغريسازان ٚ حمام ؤ آسئد عباس ٚ مچچد ني ايته دئه جه ساغريسازان ٚ تاريخي أثران ايسد کي دۊته ايمامزا بۊقا اۊیه نهأ.[۳]
سربس
دچينواچين- ↑ خبرگزاری دانشجویان ایران (ایسنا): گذر از کوچه‌های ساغریسازان، نوشته‌شده در ۱۲ اسفند ۱۳۹۳؛ بازدید در ۲۳ مرداد ۱۳۹۸.
- ↑ خبرگزاری دانشجویان ایران (ایسنا): گذر از کوچه‌های ساغریسازان، نوشته‌شده در ۱۲ اسفند ۱۳۹۳؛ بازدید در ۲۳ مرداد ۱۳۹۸.
- ↑ خبرگزاری دانشجویان ایران (ایسنا): گذر از کوچه‌های ساغریسازان، نوشته‌شده در ۱۲ اسفند ۱۳۹۳؛ بازدید در ۲۳ مرداد ۱۳۹۸.