بۊشهر ٚ اۊستان

بۊشهر ٚ اۊستان، ايته جه ايران ٚ نسايي اۊستانان ایسه ؤ پيلئکي ٚ نظر ٚ جه، ايران ٚ هيفدؤمي پيله اۊستان محسۊب به کي فارس ٚ خليج ٚ ورجه نهأ. أ اۊستان ٚ مرکز بۊشهر ٚ بندر ایسه ؤ ۱۰ شأرستان، ۲۶ بخش، ۲۹ دهستان، ۴۰ شأر، ؤ نزيک ۹۱۰ رۊستا-یأ شامل به. أ اۊستان ۲۲ جزيره ؤ شبه‌جزيره دأره ؤ دۊته جۊلگه‌اي ؤ کۊهستاني بخش ٚ جه تشکيل بؤبؤسته. أ اۊستان ٚ جانوران دۊته خۊشکي ؤ دريایي گۊنه‌ئن ٚ مئن تخسيم بده. بۊشهر ٚ آو ؤ هوا گرم ؤ خۊشک ایسه، ولي ساحلي نوار ٚ مئن گه فارس ٚ خليج ٚ ورجه نهأ، آو ؤ هوا گرم ؤ مرطۊب ایسه و هوا رطۊبت ٚ زياد بؤستن ٚ وأسي، شرجي پديده أ اۊستان ٚ آو ؤ هوا ويژگيان ٚ جه ایسه. اي سري جيگایان ٚ مئن، گاگلف ورف ني واره.

استان بوشهر نام محلي نام استان بوشهر (فارسي) ايداري تخسيمان کيشور ایران جؤرتر تخسيمان ایران مرکز بندر بوشهر (fa) حۊکۊمت شأردار/فرماندار Esmail Tabadar (en) جۊغرافي باره پيلئکي ۲۲٬۷۴۳ ک‌م² جمعيت جمعيت ۱٬۱۶۳٬۴۰۰ (سرشماری (fa) ) ۱٬۰۳۲٬۹۴۹ (سرشماری (fa) ) ۸۸۶٬۲۶۷ (سرشماری (fa) ) جۊزئي ايطلاعات بۊمي زوان لری جنوبی (fa) — زبان قشقایی (fa) — عربی عراقی (fa) — زبان اچمی (fa) تيلفۊن ٚ پيش‌شۊماره 0771 جۊغرافي کؤد 139816 ایزو 3166 IR-18 — IR-06 وبجيگا ostb.ir

أ اۊستان ٚ جاجيگایان ٚ مئن قديمي و معرۊف ٚ سلسله‌ئان ٚ معبدان و کاخان نهأده، عيلاميان و بين‌النهرين تمدن ٚ مانسان، گه أ اۊستان ٚ قدمت ؤ تاريخ-أ نشان دنه. ریشهر ٚ معبد بۊشهر بندر ٚ ورجه، بردک‌سیاه کاخ دؤرۊدگاه رۊستا ؤ آب‌پخش ٚ شأر ٚ نزديکي، نمۊنه‌ئني جه أ کؤنه بينأیان ايسد. هأتؤني بۊشهر ٚ اۊستان ٚ مردۊم استعمار مۊوارزه نماد محسۊب بده، أتؤ گه ۱۲ شهريور، گه رئيس‌علي دلواري مرگ ٚ سالرۊز ایسه، اۊن ٚ گۊلاز ٚ وأسي تقويم ٚ مئن استعمار ٚ مۊوارزه ميللي رۊز نام بنأده. بۊشهر ٚ اۊستان ٚ مردۊم ويشتر فارسي زوان ؤ بۊشهري گۊيش ٚ أمرأ گپ زنئده، ولي کلسيا مئن (گناوه، دشتستان، ؤ ديلم ٚ شأرستانان ٚ مئن) لؤري زوان و اي سري جيگایان ٚ مئن ني شيف ٚ جزيره، کنگان، و عسلۊيه مأنستن عربي زوان رایج ايسه. بۊشهر ٚ اۊستان قؤمي نظر ٚ جه ويشتر فارس ایسه کي لؤري و عربي قؤمي أقليت ني دأره. ۹۹ درصد جه بۊشهر ٚ مردۊم شيعه ایسد. ايران ٚ ۱۴۰۰ سال ٚ آمار اعلام بۊگۊده گه ۹۹٪ بۊشهر ٚ مردۊم باسواد ایسد ؤ أ درصد کيشۊر ٚ ميانگين جه بۊجؤرتره. بۊشهر ٚ مۊهم آمۊجشي مرکزان ٚ جه، فارس ٚ خليج ٚ دانشگاه ؤ بۊشهر ٚ پجشکي دانشگاه-أ شأ نام بؤردن. بۊشهر ٚ اۊستان کيشۊر ٚ سوؤمي پيله ايقتصاد ایسه و کيشۊر ٚ سرانه درآمد ٚ أولي رۊتبه-یأ دأره. نفت ؤ گاز، پترؤشيمي، نيرۊگاهان، کشاورزي ؤ مالايي، معدنان، هسته‌اي تأسيسات، دريايي صنايع، تجاري فعاليتان، ؤ فارس خليج ٚ استراتژيک مؤقعيت، باعث بؤبوستد گه أ اۊستان-أ هميشک سایر حکۊمتان ؤ دۊنيا قۊدرتان وأسي مۊهم ببه. أ اۊستان پيله نفتي ؤ گازي ميدانان ؤ متعدد نيرۊگاهان دأره. بۊشهر ٚ تۊريستي ظرفيتان ٚ جه شأ فارس خليج ٚ ساحلان، بکر ٚ طبيعت، نخلستانان (آب‌پخش ٚ مانسان)، ؤ پيله بازاران-أ نام بؤردن. أ اۊستان ٚ تاريخي جاذبه‌ئان ٚ جه ني بردک‌سياه کاخ، سيراف ٚ صخره‌اي گۊرستان، شغاب ٚ گۊرستان، ؤ پالميريان ٚ مچچد ؤ گۊرستان-أ شأ نام بؤردن.

کيشوري تخسيمان

بوشهر

ايران ٚ اۊستانان

أردبيل، ألبۊرز، اصفهان، ايلام، بۊشهر، تئران، چارمحال ؤ بختياري، خۊرتاوي آذرباىجان، خۊرخۊسي آذرباىجان، کلسيايي خۊراسان، رضوي خۊراسان، نسايي خۊراسان، خۊزستان، زنجان، سمنان، سيستان ؤ بلۊچستان، فارس، قزوين، قؤم، کۊردستان، کرمان، کرمانشاه، کۊهگيلۊىه ؤ بؤىر أحمد، گۊلستان، گيلان، لؤرستان، مازندران، مرکزي، هؤرمؤزگان، همدان، ىزد