أجديها
أجديها ايته أفسانه‌اي مؤجۊد ايسه کي ويشتر فرهنگان ؤ مليتان ٚ مئن رائج ايسه ؤ أفسانه‌ئن ٚ مئن ايته مۊهم ٚ نخش دأره.
تؤصيف
دچينواچينأجديها جه مأرۊف ٚ أفسانه‌اي ؤ اؤسطۊره‌اي مؤجۊدان ايسه کي گلف بيده بۊبؤسته کي ايته فرهنگ ؤ مليت ٚ مئن أ مؤجؤد ٚ جه گبي نمانه. أجديها ايته پيله حىوان ايسه کي اۊن ٚ ظاهر خزنده‌ئن-أ مانه ؤ ويشتر داستانان ٚ مئن تأنه پرواز بۊکۊنه ؤ خۊ دهان جه تٚش تاواده. خۊرخۊسي کشوران ٚ فرهنگ ٚ مئن أجديها ايته منفي شخصيت دأره ؤ ويشتر زمات ايته بدذات ٚ حیوان تؤصيف به کي خأىه آدمان-ه أذئت بۊکۊنه ولي خۊرتاوي کشوران ٚ فرهنگ ٚ مئن برعکس خۊرخۊس، أجديها ايته مقدس ٚ مؤجۊد ؤ پاکي نماد ايسه کي پۊر دانيش ؤ معرفت دأره ؤ جه ماورايي قۊدرت برخؤردار ايسه.
أفسانه‌ئن ؤ دابان ٚ مئن
دچينواچينأجديها جانوري ايسه کي دئبار ٚ دابان ٚ مئن ايجائي ويراني نماد ؤ آبادي نماد ني بۊ.
بابِليان ٚ تمدن ٚ مئن، أجديها جهان ٚ شرۊع أمرأ مرتبط بدانسته بۊبؤسته. بابل ٚ أفسانه مئن، تيامات ٚ الهه کي ايته أجديها ؤ ظلم ٚ نماد بۊ، مردۊک اۊن-ه بۊکۊشته ؤ ظلم ؤ بدي اۊن ٚ مردن أمرأ تۊمامه بؤسته.
دئبار ٚ مصر ٚ مئن، مردۊم رۊخانان ٚ طغیان-ه أجديها أمرأ مرتبط دأنستيد. چین ٚ مئن أجديها ايته مقدس ٚ حىوان ايسه ؤ خأىليان اۊن-ه پرستيدي ؤ وارش ٚ نماد محسۊب به. أجديها چينيان ٚ ويشتر ٚ جشنان ٚ مئن ني حضۊر دأره.
أجديها تنها أفسانه‌اي مؤجؤدي ايسه کي تۊمام دابان ؤ مردۊمان ٚ أفسانه مئن ايته ويجک ٚ جيگا دأره ؤ جه آمريکا ؤ اۊرۊپا کلسيا تا آسیا خۊرتاو شأ اۊن-ه دئن.
فرهاد عسکري کي ايته محقق ؤ فیلسۊف ايسه گه کي أ مؤجۊد داميشک ٚ زمات، واقعا زيوش گۊدي ولي نأ أتؤ کي أفسانه‌ئن ؤ داستانان ٚ مئن تؤصيف بۊبؤسته، بلکي ايته پيله لانتي ظاهر ٚ أمرأ ىاته بؤستي.