چیشنک زوان (ون)
zabän gonjeşk (van) (fraxinus)
i där je şumälə jangalonə gunan isə kə digar jäonam dee bunə; vali u gunani kə şumälə jangalonə meen hannan, agar xujir şaräyete meen banan, xurum ruşd daanan o işonə çubam sanati o bä arzeş isə. zabän gonjeşk i päye där isə o inə titi vahärə sar o hale valgon dar numan dar hanə o tousanə aväxir o paizə sar inə meevə puçanə. i däronə meevə yä bazr fanduqei o bäldär isə kə itə xuşe murson hamdigarə varjə isan o şaanə işonə rähat yättan. fanduqe meevə, bälə sar hanna o i bä kaşidə o buland isə kə putanə zamat inə rang savz yä zardə mäyel be qahvei banə.
je orə kə putanə pasi, bazron tunda tundi paxşa banan, behtar isə kə hu vaqti kə bälonə rang savz isə, meevanə çeen. çeenə pasi uşonə aftouə meen nenan tä xuşka bi. bälanə judä gudanə vasi je bazron uşonə avval daxisonenan o bazin uşonə dumärtə xuşka koonan. bälan nam gitan o bazin je das hadan, pusidə o susta banan o şanə uşonə pur äson judä gudan. albatə şanə i kärə mikäniki vasäyelə amrəam ni gudan. bazronə hayäti daväm su tä haf säl isə. har kilu bazrə meen tä sinzahizär päka boo bazr hanna. i däron je ponza tä bis sälegi bazr hadanə sara ginan o har i tä payn säl ibär pur bazr deenan. zabän gonjeşkə bazron sust hälat isan o hatmani bäyad uşonə timär gudan o bazin käştan. bäyad tavajjo däştan kə bazrə janin näras isə o bäyad uşonə u zamati kə juma koonin yaani zumsonə sar tä baadi säl, sadupanjä tä sisad ruj sard o namdär timär hadan. albatə hale sard o namdär timärə şoru noodə itə garmə timärə kutä muddat tousiye banə. i timär je beyn burdanə jeninə, näras hälat isə. çun bazronə hayäti daväm ziyät isə şanə uşonə çan sälebə, namdär o sardə damä meen daştan.
xujir fasl käştebə, tousanə aväxir yä paizə sar isə tä digar sälə vahärə meen javonə bazani. i däronə päjuşə amream ni şanə ziyäta gudan.