پلأپۊچان
پلأپۊچان یا مطبخ یته اۊتاق یا بينه‌یي اۊتاق ٚ جي هيسه گه پلأپۊچي یأ غذاچاکۊني ره، سره یا تجاري تأسيسات ٚ مئن کارأیتن بۊنه. یته ايسٚکي مسکۊني پلأپۊچان مئني-قشر ٚ مئن، عۊمۊما کله یأ سينکي گرم أ سرد ٚ آو ٚ روٚش ٚ جي بأني یخچال أ اؤپن أ کابينت-ه دپيچاره. پۊر خانٚوارؤن مایکرؤوٚیو أ ظرفشۊر أ دئبأخي ايلئکتٚرٚکي لوازم‌خؤنه-ني دأرن. پلأپۊچانؤن ٚ اٚصلي ايستفاده‌أن غذا ٚ وارندۊج أ تهيه یأ چاگۊدن (بأني تيندار ٚ کارؤن ٚ اٚنجؤم ظرف شۊردن ٚ مۊسؤنچي) هيسن. اۊ اۊتاق یا فضا بؤشا گه ناهارخؤري (یا کۊچئه غذایي وعده‌أن صۊبؤنه مۊسؤن)، سرگرمي یاگه ليواس‌شۊري رأن کارأیتن بؤبۊن. پلأپۊچان ٚ طراحي یأ ساجش یته پيلا واجار دۊنیا مئن هيسه.
_(7563655820).jpg)
تجاري پلأپۊچانؤن مثلا رستۊرانؤن، کافه‌تریا'ن، هۊتلؤن، ويمارگه‌‌أن، یؤمۊجشي یا کاري اٚماکن، سالدات‌خؤنه‌أن أ مؤنا مؤسسات ٚ مئن مؤجۊد هيسن. ايته‌چي پلأپۊچانؤن عۊمۊما پيلاتر هيسن أ مئتتر أ سنگين‌تر تجهيزات ٚ دارا هيسن. مؤنه ره یته پيلا رستۊران مۊمکنه پيلاچي یخچالي یته اۊتاق ٚ اٚبعاد ٚ اٚرأ یاگه یته پيلا تجاري ظرفشۊري-ماشين دأشته بۊن. گاگلف تجاري پلأپۊچانؤن ٚ تجهيزات مثلاً رستۊراني سينک ٚ جي خؤنه مئنأني ايستفاده بۊنه ايندؤني گه سهۊلت ٚ ايستفاده یأ قوي مؤنيني دأرن.[۱][۲]
پيشأکته کيشورؤن ٚ مئن تجاري پلأپۊچانؤن به طؤر ٚ کؤللي عۊمۊمي بٚیداشت ٚ قوانين ٚ مشمۊل هيسن. اۊشؤن تتريج عۊمۊمي بٚیداشت ٚ دسدارؤن ٚ جي واويني بۊنن أ درصۊرتي گه بٚیداشتي ايلزامات-ه بنأ-زاکۊن ٚ طبق رعایت نؤنن، پؤلمپ بۊنن.
سربسؤن
دچينواچين- ↑ https://web.archive.org/web/20190330022733/https://www.homedecorexpert.com/the-pros-and-cons-of-using-a-commercial-sink-at-home.html
- ↑ "The commercial kitchen at home: pros and cons"