وب ولگ (اينگيليسي مئن: Web page) ىته سند هيسه که معمۊلا HTMLˇ همرأ بنويشته بؤبه. لابدؤن ؤ اينترنتˇ مئن وب ولگؤنˇ دسرسي ره هنن وبمۊجؤنˇ جي کارأگيرن.[۱] ىته وب ولگˇ دل-درۊني تۊنه چندين ؤ چند چي جۊرواجۊر اطلاعاته شامل بؤبۊن. مثلا تۊنه وؤت ؤ تاتاىي ؤ مۊزيک ؤ غىره' شامل بؤبۊن.


وب ولگؤن دۊ جۊر تۊنن بؤيۊن: استاتيک وب ولگؤن ؤ داىناميک وب ولگؤن

اگر ىته وبمۊج ىته وب ولگˇ دل-درۊني ره، همه ته درخواستؤنˇ ره خألي ىته ىکسان محتوا وگردأنه مثلا خۊدي ىته ساده سنده وگردأنه استاتيک وب ولگ ىا به اختصار استاتيک ولگ گۊنن. امما نأ، وبمۊج ىته ولگˇ دل-درۊني ره، هر درخواستˇ ره جۊرواجۊر محتوا وگردأنه مثلا خۊدي ىته دىتابىسˇ مئن وأمۊجه ؤ نتاىجه وگردأنه داىناميک وب ولگ ىا به اختصار داىناميک ولگ گۊنن.[۲]

وبمۊجویرایش

وبمۊج ىته کاربردي نرمبزار هيسه جهاني وبˇ اطلاعاتي سربسؤنˇ وأچرسنˇ ره ؤ اۊشؤنˇ بازىابي ؤ ارائه ره. ىته اطلاعاتي سربس، ىۊ.آر.ئل (URL)ˇ همرأ شناخته بۊنه که تۊنه وب ولگ ؤ ويدئؤ ؤ دئباخي اطلاعاتي جۊرؤنه شامل بؤبۊن.[۳] ىته وبمۊج در واقع ىته برنامه هيسه گه تۊنه وب ولگؤنه نماىش بده ؤ حرکات مؤسي ؤ کيليکؤن اۊني تشخيص بده.[۴]

جۊرˇ ديگه اني شأنه گۊتن که وبمۊج، ىته برنامه هيسه گه سرويس-دهندگؤنه واخؤأکۊنه که اينترنتˇ کارگيرؤنˇ خواسته'ن چي هيسن. در واقع وبمۊج ىته برنامه هيسه که کارگيره قادرانه وبˇ سٚنٚدؤنˇ وؤته[۵] بۊخؤنه ؤ تاتاىئنه[۶] بىنه.[۷]

عناصرویرایش

ىته وب ولگ مجمۊعه-اي هيسه جه اطلاعات، که تۊنه چندين ؤ چند چي اطلاعاتي تيپؤنه شامل بؤبۊن ؤ توسط پاىاني کارگير کارأىته وکه، دئن وکه ؤ ايشتؤوسن وکه.[۸]

درک بؤني اطلاعات (ارائه-اي اطلاعات)
  • وؤتي اطلاعات
  • غىر وؤتي اطلاعات
-استاتيک تاتاىئن: GIF, JPEG, PNG, SVG ؤ FLASH
-متحرک تاتاىئن: متحرک SVG ؤ GIF
-صدا: MP3
-ويدئؤ: WMV, FIV, MPG ؤ MOV
  • تعاملي اطلاعات
+ولگˇ مئنˇ ره:
-تعاملي وؤت
-تعاملي تاتاىي
-دۊکمه
+ولگؤنˇ مئنأ ره:
-أبرخالؤن (Hyperlinks)
-فؤرمؤن (Forms)
داخلي اطلاعات (پنهاني اطلاعات)
  • کامنتؤن
  • اسکريپتؤن

وب ولگؤن تۊنن خؤدجؤش خۊ اطلاعاتي عناصره آداپتٚد (adapted) بؤنن.[۹]

ىۊ.آر.ئلویرایش

ىۊ.آر.ئل (URL) ىته ارجاع هيسه به ىته سربس، که ىته کامپيۊتري لابدؤنˇ سر مقرر بؤبه ؤ ىته مکانيزم هيسه سربسˇ بازىابي ره. URL ىعني دسرسي به ىته مشخص سربس، که البته اي تعريف هر URLاي ره مننه دؤرۊس بؤبۊن. وبمۊجؤن اکثرن ىۊ.آر.ئله، آدرس بارˇ مئن، وب ولگˇ جؤر نماىش دنن. معمۊلا ىته URL ىه ايته-چي فؤرمي دأره:[۱۰]http://www.example.com/index.html که ايندر http پرؤتکل هيسه، www.example.com ىته هاستˇ نؤم هيسه ؤ index.html اني فاىلˇ نؤم هيسه.

چاگۊدن ؤ دئنویرایش

ىته وب ولگˇ چاگۊدن ره به ىته وؤت دچينواچينگر (Text editor) و ىا ىته HTML دچينواچينگر نيازه. ايمه چاگۊده بؤبؤ وب ولگه ىته وب سرورˇ مئن جؤرأکشنيم (آپلؤد کۊنيم).[۱۱]

ىته وب ولگˇ دئنˇ ره به ىته وبمۊج نيازه.

سربسویرایش

  1. http://www.computerhope.com/jargon/w/webpage.htm
  2. شبکه های کامپیوتری؛ نويسنده: اندرۊس بام و دىويد ودرال؛ مترجم: دکتر ملکيان ومهندس زارع پۊر؛ جلد۲؛ انتشارات نص؛ چاپ پنجم؛ فصل لايه کاربردي
  3. اينگيليسي ويکي جي گيته بؤبه
  4. شبکه های کامپیوتری؛ نويسنده: اندرۊس بام و دىويد ودرال؛ مترجم: دکتر ملکيان ومهندس زارع پۊر؛ جلد۲؛ انتشارات نص؛ چاپ پنجم؛ فصل لايه کاربردي
  5. وؤت | text | پيشنهاد ورگي http://v6rg.com/?p=1584
  6. تاتاىي | image, picture | پيشنهاد ورگي | http://v6rg.com/?p=1584
  7. سيستمهای اطلاعات مدیریت پیشرفته. دکتر سرلک ؤ حسن فراتی. انشارات پیام نور
  8. https://en.wikipedia.org/wiki/Web_page
  9. https://en.wikipedia.org/wiki/Web_page
  10. https://en.wikipedia.org/wiki/Uniform_Resource_Locator
  11. https://en.wikipedia.org/wiki/Web_page