ممرز
Mamraz (carpinus betulus)
mamrazə muxtalef gunan, räş o balutə däronə amrə, şumälə jangalonə meen hannan. i däronə keyfiyat o arzeş mutəvaset isə vali işonə çub käqazsäji bə xujir isə. i däronə gul dehi vahärə meen isə o meevan, tousanə meen puçanan. meevə itə bi bäl fanduqa kə bälə jigä itə kuştäy valgey daanə. i valgey kə bazr inə jir hanna, bazrə amrə keenə o bazrə jäbəjäi meen naqş daanə.
mamrazə fanduqə mivə, xuşk o näşokufä isə o doone andäzə bedunə garibänə, 0.8-1 säntimetr tul o 0.7-0.8 säntimetr pahnä o 2-3 milimetr qotr isə. garibänə ham ni bazrə amrə pur babi 3-5 säntimetr tul o 1-1.2 säntimetr pahnä daanə (mamrazə meen i garibänə duttei isə). bazrə nämiye qovvə mutevasset o hodudə çehel tä haftäd darsad isə. har kilu bazrə meen sihazär tä siopaynhazär bi garibänə doonə hanna.
paizə meen, valgonə xazonə pasi, şaanə därə falakan hadan o yä itə kuläkatə amrə u xäloni kə bazr dananə zarbə zeen o unə bazronə, bakalsə pasi jumä kudan. juma gudanə pasi, bazronə je garibänə judä koonan o ibçi xuşka gudanə pasi unə daanan. bazronə käştanə vasi, tinid du tä su mä unə timärə esterätifikäsiyun hadayn.
mamraz däronə şanə digar raveşonə amream ni ziyäta gudan.