مسيرىاج

مسيرىاج (اينگيليسي مئن: Router) ىته شبکه گۊدني دسگا هيسه گه دىتا پاکتؤنه کامپيۊتري لابدؤنؤنˇ مئنأ سرأدنه. مسيرىاجؤن اينترنتˇمئن ىته تابع'ن ترافيک گردؤني ره. دىتا پاکت معمۊلا لابدؤنˇ مئن ىته مسيرىاجˇ جي به اۊ ىکي مسيرىاج سرأدأبۊنه تا به خۊ مقصد گۊده (Node) برسه. مسيرىاج به لابدؤنˇ مئنˇ دىتا رچؤن (Data Lines) متصل بؤبه. وختي ىته دىتا پاکت ىته رچˇ مئن جا گيرنه، مسيرىاج پاکتˇ مئنˇ آدرسه خؤنه تا نهاىي مقصده معىن بؤنه. ايمه اطلاعاتي که مسيرىاجي جدولˇ مئن بنويشه بؤبه جي مسيرىاج کارأگيره تا پاکته به بعدي لابدؤن سرأده. مسيرىاجي جدولˇ مئن مسيرؤني گه خأ دىتا پاکتؤنˇ سرأدأنˇ ره کارأىته وکن ليست بؤبه. مسيرىاج اني مسيرىاجي جدوله خۊ ور دأرنه تا مسيرىاجي ره اۊنˇ جي کارأگيره. متصل بؤبؤ لابدؤنؤنˇ مئن دۊ جۊر مسيرىاجي پرؤتکل دأريم، ايستا مسيرياجي پرؤتکل ؤ پۊىا مسيرىاجي پرؤتکل. پۊيا مسيرىاجي پرؤتکلˇ مئن مسيرىاجؤن مقصدˇ آدرسˇ اطلاعاته تغىير دنن.

ىته معمۊلي خؤنگي مسيرىاج، که اۊنˇ ارتباطي کابلؤن ؤ ارتباطي رچؤن مشخص بؤبؤن

مسيرىاج دسٚکم به دۊ ته لابدؤن متصل بؤبه ؤ تصميم گيرنه گه دىتا پاکتؤن کمي را ره اۊسئه بؤبۊن. هر ىته دروازه (Gateway) سر ىته مسيرىاج واقع بؤبه. دروازه جاىي هيسه گه ىته لابدؤن اۊ ىکي لابدؤنˇ همرأ دئن کۊنه. هۊجۊر گه بؤته بؤبؤ مسيرىاج ممکنه ىته جدول ايجاد بؤنه ؤ اۊ جدولˇ مئن مسيرؤن ؤ شرطؤن ؤ فاصله'ن ؤ الگۊريتمؤني گه باعث بۊنن خۊجيرترين مسيرؤن پىدا وابۊنه مشخص کۊنه.

مسيرىاج دۊ ته عملياتي حالت دأره گه طياره (Plane) دؤخؤنده بۊنن: کنترؤلي طياره ؤ سرأدأني طياره.

معرۊف مسيرىاجؤن ويشترن خؤنگي هيسن و ىا ىته کۊچئه اداره ره، سبک دىتا'نˇ ره، مثال خۊدي ايمىل ؤ وب ولگؤنˇ ره کارأگىته بۊنن.