عليرضا مشاىخي

عليرضا مشاىخي (۱۵۱۲ آول ما ۲۵ تئرانˇ مئن دۊنىا بمأ) ىکته مۊزيکدؤن ؤ اهنگسازه که ىپاره اينه ايرانˇ مئنˇ أولي مؤدرن آهنگسازؤنˇ جي دؤنن. ايرانأ جي بيرين، مشاىخي ويأن ؤ هؤلندˇ اۊترئختˇ مئن مۊزيکˇ درسه بۊخؤنده ؤ زماتين مۊزيکˇ شرؤن ؤ تازه سبکؤنˇ همرأ آشنا بۊبؤ.

عليرضا مشاىخي

اينˇ أولي اۊستا'ن ايرانˇ مئن لؤطف الله مؤفخأم پاىان (ايراني مۊزيکˇ مئن)، حؤسئن ناصحي (آهنگسازي) ؤ افليا کمباجيان (پيانؤ) بؤن. بازۊن ويأن، آهنگسازي اۊستا'نˇ ورجه، هانس ىئلينک (ويأنˇ مکتبˇ پيلئه نظريه-پرداز ؤ شۊئنبئرگˇ شاگرد) ؤ کارل شيسکه خۊ درسه سره بدأ. وختي ويأنˇ مۊزيکˇ آکادمي مئن خۊ آهنگسازي دؤره' سر برسؤنئه، درسه ادامه دأن ؤ ائلئکترؤنيکي مۊزيکˇ سر تحقيق گۊدنˇ ئبه بۊشؤ هؤلندˇ اۊترئخت ؤ اؤره گۊتفريد ميشايل کؤنيگˇ کلاسؤنˇ سر بنيشته؛ کؤنيگ، هؤلندˇ زۊنؤلؤگي أنستيتۊ ىکته بنانأنکسؤن بۊ. مشاىخي، پؤنزه سالي که هؤلندˇ مئن بىسأ، آهنگسازي ؤ تحقيقˇ مئن پۊر کۊنۊش بۊده ؤ هؤره بۊ که چنفرهنگي مۊزيکˇ بنا (ىکته اينˇ نظرؤن راجه به ايراني مۊزيک) بنأ.

اينˇ کارؤن چل سال ويشتره که ايران ؤ ايرانأ جي بيرين اجرا بؤدره.

وختي مشاىخي کارؤنه نيگا کؤنيم ؤ اينˇ گبؤنه اينˇ مصاحبه'نˇ مئن خؤنيم، متوجه بنيم که اينˇ مۊزيکˇ شناختنˇ ئبه ؤ اينˇ سبکشناسي به چنته نؤکته مؤهمه. اي نؤکته'ن ىپاره چن ته کلمه ؤ عبارت ايسن: واشاده تمرکؤز (فارسي: تمرکز گسترده)، نسبي مۊزيک ؤ مئتا-ايکس (Meta-X).

کارؤن

آلبۊمؤن

• زاگرؤس (فارسي: زاگرس)
• جشن
• ايراني سمفۊني (فارسي: سمفونی ایرانی)
• شهرزاد
• مۊزيک پيانؤىˇ ئبه (فارسي: موسیقی برای پیانو)
• تئرانˇ سمفۊني (سمفۊني ش.۲) (فارسي: سمفونی تهران)
• بۊفˇکۊر (ؤ سمفۊنی ش.۳)
• تازه مۊزيکˇ اؤرکئستر (فارسي: ارکستر موسیقی نو)
• ائلئکترؤنيکي شادˇ خؤندشؤن (فارسي: اصوات خوشحال الکترونیک)
• سمفۊنی ش.۷
• ائلئکترؤنيکي مۊزيکˇ آنتؤلؤژي (فارسي: آنتولوژی موسیقی الکترونیک)
• اينتئگرال (فارسي: اینتگرال)
• ايراني ائلئکترؤنيکي مۊزيک (فارسي: موسیقی الکترونیک ایرانی)

کتابؤن

• موسیقی برای پیانو (۱۳۷۵)
• نت‌خوانی [سلفژ] (۱۳۷۷)
• کنترپوان مدال: نگاهی به برداشت یپسن از شیوه پالسترینا (۱۳۸۳)
• آهنگ‌سازی به شیوهٔ باخ [کنترپوان تنال] (۱۳۸۶)
• آهنگسازی به شیوهٔ کلاسیک [هارمونی] (۱۳۸۷)
• همهٔ آن سال‌های بی‌خاطره (۱۳۸۷)

بيريني خال

علىرضا مشاىخي وبجيگه