عر عر (آیلان)
ar ar (äylän) (ailanthus)
i där çinə şi isə o pur jonsaxt o burdbärə o hito xodru, pur saxt jä meen rişə ginə o tund itə jubän där banə. ar ar därə gulon, ordibeheşt o xurdädmä meen dee banan o bad bu isan.
meevan tousanə äxaron xujir rasanan o i zamatə meen, çantə xuşə, pur bäldär fanduqe bazrə amrə isan kə itə doonə taqriban bälə meeni isanə. bazrə andäzə inə bälonə amrə, 2 tä 3.5 säntimetr tul o tä 1 säntimetr arz daanə. meevan putanə pasiyam ni pur zamat (gähi tä baadi vahär) anbuh xuşe murson, därə sar moonan o pur rähat je xälon judä nabanan. har i kilu xäles bazrə meen, bisopaynhizär tä sihizär tə bi bäl bazr hanna. bazronə jumagudanə vasi, paiz xujir fasl isə. meevanə şanə çeenə pasi i jä aftoue ji pahna gudan tä uşonə nam kama bi o bazin şanə bazronə kaştan. bazronə nämiye qovvə tä panjä darsad isə o tinan tä i säl xuşonə ruyeş qodratə badaran. i bazron käştanebə timär naxanan o hattä şaanə uşonə bujäri noodan o huto bälə amrə käştan.
vä gutan kə ar ar där har sälə pur bazr hadenə o punza tä bis sälegi meen inə bazr dehi ziyäta banə.