تیبا (با قبلي نام مینیاتور) سایپا شرکت اولي ملي اۊتۊل ايسه کي ۲۳ آذر ۱۳۸۷ دۊرۊن اۊنه جه رۊنمایی بۊبۊسته. سایپا أ اۊتۊل طراحي دۊرۊن، جه مشاوران و طراحان ایتالیایي، آلماني و کره‌اي کمک بيگيفته. هأتؤيَم تيبا دۊرۊن جه قطعات بقیه اۊتۊلاني کي جه سایپا چأگۊده‌ئان ايسن پراید، کیا ریو و تندر۹۰ استفاده زیادی بۊبۊسته. أ اۊتۊل نۊسخه تؤسعه بیافته پلتفرم S۸۱ سایپا ايسه و جه مۊشخصات أ اۊتۊل شأ به اۊنه ماتۊر، حجم ۱۵۰۰cc أمرأ ايشاره کۊدن کي مصرف حدۊد ۶/۵ لیتر در ۱۰۰ کیلۊمتر و استاندارد آلایندگی یورو ۴ دره. أ اۊتۊل در نۊسخهٔ فۊل هم قابل سفارش ايسه. جه ديگر آپشنان تيبا هم شأ به دۊکمه بازکۊدن عقب صۊندۊق ريمۊت رۊ ايشاره کۊدن کي در نۊسخه فۊل مؤجۊد ايسه.

أ اۊتۊل طراحي ره ۱۲۰ میلیۊن دلار هزینه بۊبۊسته.[۱] أ اۊتۊل اول قرار بۊ افراد درآمد بيجير ره عرضه ببه و پراید جایه بیگیره و اۊنه قیمت هم ۱۰ ميليۊن تۊمۊن تعیین بۊبۊسته بۊ کي با ويشتر بۊستن أ اۊتۊل قیمت أ تصميم تحقق پیدا نۊگۊده.

سربس دچينواچين