اطلاعاتˇ تکنؤلؤژي: نۊسخه'نˇ تؤفير

مسيح ميلادˇ جي ۳۰۰۰سال پيشتر، سۊمئرئ‎نˇ زمات، انسانان هۊ بىن-النهرىنˇ مئن بناتن اطلاعاتء ذخيره، بازىابي ؤ دسکاري گۊتن ؤ اۊشانء انتقال دأن ؤ پرپرئه ني تؤسعه پىدا واتن. اما بنظر رسنه آى-تي خۊ اي مدرن مفهۊمˇ همرأ اولين بار هاواردˇ مقاله مئن "Harvard Business Review" مئن، ۱۹۵۸ ميلادي سالˇ دل مؤنتشر ببئه. چاتن-کسان هارؤلد (Harold J. Leavitt) و تۊماس (Thomas L. Whisler) گب زني بؤته-بؤن گه "اي تازه تکنؤلؤژي هلأ نوأ ىته واحد تأسيس نام بدأره. آمۊ خأ اۊنه '''اينفؤرمىشن تکنؤلؤژي''' دۊخؤنيم". اي چاتن-کسان (authors) <ref>چاتنکس بر وزن چاکودنکس پيشنهادي| author | پيشنهاد ورگورگي | http://v6rg.com/?p=1584</ref> خۊ تعريفء آى-تي جي اي سۊ ته دسسه مئن درگئنتن: پردازشˇ ره تکنيک، تصميم-گيري ره آماري ؤ رياضي روشانˇ جي کارأىتن، جؤرترين تفکرˇ مرتبۀ شبيه سازي گۊتنˇ ره کامپيۊتري برنامۀنˇ کارأىنˇ را جي.

کؤلؤس (Colossus) اولين الکترؤنيکي ديجيتال کامپيۊتر بؤ گه دؤومي جهاني جنگˇ مئن تؤسعه پىدا واگۊت. هرچند برنامه-ريزي بؤنابؤ ولي برنامۀ خۊ ىادˇ مئن<ref>ىاد | memory | پيشنهاد ورگي | http://v6rg.com/?p=1584</ref> ذخيره نؤته-نابؤ. اولين مدرن الکترؤنيکي ديجيتال کامپيۊتر که برنامه ذخيره گۊتن-کس ني بؤ SSEM بؤ گه خۊ اولين برنامهٔ ۱۹۴۸ ميلادي جۊن-ما ۲۱ام کار توأدأ.

دىتاپاىگا، ىته رچأىته-بؤبؤ تلمبار هيسه دىتأنˇ جي، که "دىتاپاىگا مديريتˇ سيستم" (DBMS)ˇ جي شأنه به اي اطلاعات رسئن. DBMS ىه سري ىکپارچه کامپۊتري نرم-افزارˇ جي تشکيل ببئه گه گۊذارنه تا کارگيران<ref>کارگير | user | پيشنهاد ورگي | http://v6rg.com/?p=1584</ref> به ىته دىتاپاىگا ارتباط زأنˇ همرأ به خۊ چم اطلاعات و ىا کل اطلاعات برسن.

امرۊزه، تلمباربؤبؤ اطلاعاتي منابع، هۊته کيۊن-به-کيۊن اۊنˇ شۊمار جؤر شؤدره وؤ هين وأسر اطلاعاتˇ بازىابي ؤ اۊ اطلاعاتˇ مئنˇ دىتأنه وأجين گۊتن پۊر مؤهمابئه. اطلاعات تۊنه هر نؤع منبع جي وؤت<ref>وؤت | text | پيشنهاد ورگي | http://v6rg.com/?p=1584</ref>، صؤت، تاتاىي ؤ ويدئؤ جي بؤبۊ. اطلاعاتˇ بازىابي سيستمانˇ مئنأ، پۊراستفاده-ترينˇ جي شأنه [[گۊگل]] ؤ [[ىاهۊ]] جي نام بۊردن که کارگيرانء ىاوري کۊنه تا به خۊ چم وؤتي اطلاعات ؤ صؤتي اطلاعات ؤ غيره برسن.