ترش تره

قاتوق ترشه تره

از او قاتوقانی ایسه که گیلانن از اون زیاد استفاده کونیدی و مقوی ایسه به خاطر سبزیجات و مرغانه و... که در اون استفاده به. قدیمان موردوم در خصوص ترش تره أه متله خواندید:

علفی هست مسما به چوواش

اهل گیلک بخورندش به معاش

بشورند و بپزند و بزنند آبغوره

اسم آن غذا بوَد ترش تره

بیچیش بیدین نمک دره؟!

طرز درست گودن ترشه تره

سبزی( جعفری – تره – گشنیز – نعناع کمی اسفناج اگه شمره گیر بومو خولیواش ) خوب شوریمی بعد ریزا کونیمی همرا با ایته قاشق برنج اوشکور و آبغوره به همراه یک مقدار اب پزیمی . بعد یکم خوردا کوده سیر نمک امرا توَدیم روغن میان سرخ ببه یکم زردچوبه آمره اونه تفت دهیمی تا رنگش طلایی ببه. وقتی سبزی بپخته نصف سیرداغا اونه اضافه کونیم نصف دیگره سیرداغه سر چند تا مرغانه دشکنیم تا سرخا به. الان ا مواده به همراه ایبچه نمک و گرمالت و ادویه به سبزی اضافه کونیم نهییم چند تا جوش بخوره شمه ره یاد بمانه ا قاتوق نوا زیاد اب بداره.