آکيرا کۊرؤساوا
آكيرا كوروساوا ( 黒澤 明) بيچه بوبوسته ۲۳ مارس ۱۹۱۰- بمرده ۶ سپتامبر ۱۹۹۸ ژاپونی كارگردان، سناريو نويس ، اينگاره كس (تهيه كننده) كی سينما تاريخ مئن جه مهمترين و پيله كسان ايسه. كوروساوا سی تا فيلم چگوده، خو ۵۷ سال زندگی هنری دوره مئن. كوروساوا سال ۱۹۳۶ مئن ژاپون فيلم چگوني صنعتَ واردَ بوسته. قبل ازون نقاشی دونبالَ گودی و چند سال كاگردان ياور بو و سناريو نيويشتی. دوم جهانی جنگ مئن، اولين بار سال ۱۹۴۳ كارگردان ايتا فيلم بوسته، ايتا اكشن فيلم كه اونه نام جودو افسانه بو. جنگ كه تومانه بوسته،كوروساوا فيلمِ دَگرا فيرشته چاگوده كه منتقدانَ خوش بَمو و اونه واستی دستكلا بزئيد (۱۹۴۸). كوروساوا اَ فيلمه مئن ايتا ناشناس بازيگرَ كه اونه نام توشيرو ميفونه بو اصلی نقشَ فَدا. هتويی كوروساوا، جوان فيلم چاگونان مئن، جا بيگيفته. اَ دو نفر (كوروساوا و ميفونه) ۱۵ سينمايي فيلم مئن همديگر امره كار بوگوديد.[۱]
كوروساوا ژانران موختلفی رو فيلم چگوده و سال ۱۹۵۰ مئن راشامون كارگردانی بوگوده كه پيله موفقيت جهان مئن دشتی و بِتَنسته جايزه ونيز جشنواره بدست باوره و اولين بار بو كه خوجير ژاپونی سينمای اروپايئن جولو نشان بدا.[۲]
فيلمان
دچينواچين- دَگرا فيرشته (۱۹۴۸)
- يله ور سگ (۱۹۴۹)
- راشامون (۱۹۵۰)
- هفت تا سامورايی (۱۹۵۴)
- دَپَركم زندگی مئن (۱۹۵۵)
- خونی تخت (۱۹۵۷)
- جلفان جير (۱۹۵۷)
- خَلابر (۱۹۶۱)
- سانجورو (۱۹۶۲)
- سورخ ريش (۱۹۶۵)
- كاگِموشا (۱۹۸۰)
- ران (۱۹۸۵)[۳]