آرش صادقي

آرش صادقي، يته سياسي زيندؤني، دؤنشمجؤنˇ حقۊقˇ فعاليت-گۊدنکس ؤ بشرˇ حقؤقˇ مدافع ؤ ايرانˇ شي ايسه. آرش علامه طباطبايي جي ايخراجأ بؤبۊ ؤ ۱۳۹۵ آبان ما خۊ زنأکˇ محکۊميت ؤ بازداشتˇ ويسين خۊ اعتراضه به شکلˇ اعتصابˇ غذا نۊشؤن بدأ.

دسگيري ؤ زيندؤن

آرش صادقي ۱۳۸۸ تير ما ۱۸ علامه دؤنشگاهˇ جۊلؤ چندته سبزˇ حرکتي دؤنشمجؤنˇ أمرا أولين گرش توسطˇ وزارتˇ اطلاعاتˇ مأمۊرؤن دسگيرأبؤ ؤ به بند ۲۰۹ اوينˇ زيندؤن مۊنتقلأبؤ اۊن به مدتˇ ۹۰ رۊز موقتˇ بازداشتˇ ميئن دبۊ ؤ ايمأ کفالتˇ قيدˇ أمرأ آزادأبؤ. ولي ۸۸ دى ما ۲ هنده بازداشت ؤ به ۲۰۹ بنده مؤنتقلأ بؤ ؤ اسفند ما ۲۳ هۊ سال وثيقه قيدˇ أمرأ آزادأبؤ. اين سياسي فعاليت-گۊدنکس آخري گرش ۱۳۹۳ ارديبهشت ما ۱۵ توسطˇ حفاظتˇ اطلاعاتˇ سپاهˇ پاسدارانˇ مأمۊرؤن بازداشت ؤ ۶ ماه حبسˇ پسي هۊ سال اسفند ما ۶۰۰ ميليۊني وثيقه أمرأ آزادأبؤ. بشرˇ حقۊقˇ فعاليت-گۊدنکسؤنˇ قؤلي صادقي انقلابˇ دادگه ميئن به اتهامˇ اجتماع ؤ تباني عليه أمنيتˇ مللي داخلي، تؤهين به ايرانˇ رهبر، غيرقانۊني جرگه'نˇ تشکيل دأن، تبليغ عليه نظام جۊمۊري ايسلامي ايران پؤنزه سال زيندؤنه محکۊمأبؤ. قاضي پۊرعرب شعبه ۵۴ دادگه رئيس ۴ سال آرشˇ تعليقي حبسه لازم الاجرا بؤده. ايتؤرى آرش به ۱۹ سال حبس محکۊمأبؤ.

اعتصابˇ غذا

صادقي ۱۳۹۵ آبان ما أول اعتصابˇ غذا ميئن ايسأ ؤ به هي دليل چند گرش بيمارستانه مۊنتقلأبؤ. آرش صادقي ويشتر أز ۷۰ رۊز اعتصاب غذا بؤده.

ترندأبؤن تۊئيترˇ ميئن

آرش صادقي، چند ساعتˇ ويسين تۊئيترˇ ميئن جهاني أولي ترنده تبديلأبؤ. تۊئيترˇ جهاني کارگيرؤن خۊشؤن هشتگؤنˇ أمرأ خواستارˇ حفاظت أز آرش صادقي جؤن ببۊن. ۲۰۱۶ دسامبر ما ۳۰ اعلامأبؤ گه۲۴ ساعته منتهي به جۊمعه ظهر به زمتˇ لندن ويشتر جه ۳۷۰ هيزار گرش هشتگ #SaveArash (آرشه نجات بدين) تؤئيتأ بؤ. خألي در يک ساعتˇ منتهي به ظهر اي هشتگ ۸۹ هيزار گرش کأرأيته بۊبؤ.