Wikipedia:دؤجئه وانويس/۲۰۲۱/۰۶
آلفردؤ جیمز پاچينؤ (ايتاليايي: Alfredo James Pacino) آمريکايي کاکي‌گر ؤ فئلم‌چاؤدنکس هيسه. اۊ خۊ پئنج دهه فعاليت ٚ مئن چندين جائزه هیته؛ من جۊمله یته اۊسکار، دۊته تؤني ؤ دۊته اِمي. اي جوایز، اۊن-ه اۊ کمتر بازيگرؤن ٚ جرگه مئن قرار دنه گه بؤتۊنسن اي سۊته جایزه' کسب بؤنن. پاچينؤ هيته'ني جوایزي، «آمريکا ٚ فيلم ٚ بنیاد ٚ یته عۊمر هۊنري دستاورد»، «سیسيل بي دمیل» ؤ «هۊنر ٚ مللي نشؤن» ٚ مۊسؤن-ه ني دريافت بؤده.
.jpg)
پاچينؤ، اچ‌بي استؤديؤ ؤ أکترز استؤديؤ مئن، مِتُد بازيگري-ئه چارلي لاتن ؤ لي استراسبرگ ٚ دس ٚ جير بيأمۊته. اۊ ۲۹ سالگي مئن یته مختصر ٚ نخش ٚ أمرأ ناتالي ؤ مۊ (۱۹۶۹) فئلم ٚ مئن خۊ أوولي بۊلند ٚ فئلم-ه بازي بؤگۊد. پاچينؤ بازي، برمسئن نيدل ٚ پارک ٚ مئن (۱۹۷۲) ٚ فئلم ٚ مئن کي اۊن ٚ أوولي أصلي نخش بؤ، خؤجير بؤر مؤرد ٚ توجه قرار بگيت. اۊ گادفادر (۱۹۷۲) فئلم ٚ مئن، فرانسيس فؤرد کاپؤلا کارگردؤني أمرأ، مایکل کؤرلئؤنه نخش-ه خئلي خۊب بازي بؤگۊد ؤ اۊن ٚ پسي ويشتر شنأته ؤ تحسين بؤبؤ. پاچينؤ اي نخش-ه بازي گۊدن ٚ دؤني أوولي مرته ره اۊسکار ٚ نؤمزد بؤبؤ ؤ گادفادر: دۊوؤمي واوين (۱۹۷۴) ؤ گادفادر:سۊوؤمي واوين (۱۹۹۰) ٚ فئلم ٚ مئن ني بازي بؤگۊد.
زاکي زمات دچينواچين
آلفردؤ جیمز پاچينؤ ۱۹۴۰ آوريل ۲۵ مئن، نيؤیؤرک ٚ خۊرتاوي هارلم ٚ مئن به دۊنیا بامؤ. اۊن ٚ پئر ٚ نام سالواتؤره پاچينؤ بۊ کي ايتاليا سيسيل ٚ سان فراتلؤ شأر ٚ جه بامؤبۊ آمريکا ؤ اۊن ٚ مار رؤز جراردي ني ايتاليا سيسيل ٚ کؤرلئؤنه شين بۊ.آلفردؤ پئر ؤ مار اۊ زمات کي اۊ دۊ سال ويشتر نأشتي جؤدا بۊبؤستد. ؤ آلفردؤ خۊ مار ٚ أمرأ بۊشؤ کي خۊ مار ٚ پئر ؤ مار أمرأ کي اۊشان ٚ نام جیمز ؤ کیت بۊ بزيوه. اۊن ٚ پئر ني بۊشؤ کاليفؤرنيا کؤوينا شأر ٚ مئن ؤ اۊیه بيمه فرۊشنده ؤ بأزين ني رستۊران‌داري کۊدي.
پاچينؤ رفئقان اۊن ٚ نؤجواني دۊرۊن ساني نام ٚ أمرأ اۊن-ه دۊخاديد. پاچينؤ ناجه دشتي کي بيس‌بال ٚ بازيکؤن ببه ولي پاچينؤ رفئقان بازيگر ٚ لقب-أ اۊن-ه بدأبۊد. پاچينؤ هرمن ريدر جۊنيؤر ٚ دبيرستان ٚ مئن درس خاندي ولي ويشتر تنها اينگيليسي کلاسان ٚ مئن حضۊر یافتي. اۊ نيؤیؤرک ٚ نمایشي هؤنران ٚ دبيرستان ٚ مئن تست بدأ ؤ قبۊل-أ بؤسته ؤ بأزين ني تصميم بيگيته کي خۊ تحصيل-أ اۊیه ايدامه بدنه. آلفردؤ مار أ تصميم ٚ أمرأ مۊخالف بۊ ؤ بعد ٚ أنکي آلفردؤ أمرأ هأ مؤضۊع ٚ وأسي دعوا بيگيته، خانه-یه ترک-أ کۊده ؤ دئه وانگردسته. پاچينؤ تصميم بيگيته بازيگري کلاسان ٚ مئن شرکت بۊکۊنه ولي اۊن ٚ هزينه تأمين ٚ مئن مشکل دشتي، هأن ٚ وأسي تصميم بيگيته کي مۊختلف شؤغلان ٚ مئن کار بۊکۊنه؛ جه نامه بؤری، رستۊران ٚ نيظافت کۊدن، پؤست ٚ دفتر ٚ مسئۊل ؤ خانه برپايي. اۊ هأتؤني اي مدت کامنتري مجله دفتر ٚ مئن کار کۊدي...دۊمباله