فهيمه أکبر: نۊسخه'نˇ تؤفير

|ايمضا=

}}

'''فهيمه أکبر''' گه اۊن ٚ قبلي نام '''فهیمه یمین اسفندیاری''' بؤ، (آذر ۱۲۹۶، [[تئران]] – ۱۲ شهریور ۱۳۸۸، [[واشینگتن، دی.سی.|واشینگتن]]) خانشگر، گیلان‌شيناس، نيويشتنکس ؤ اجتماعي فعال بۊ. اۊ اسدالله یمین اسفندیاری لاکۊ بۊ، کي پهلوي سياستمداران أجي بؤ. چؤن اؤن ٚ پئر باکۊ مئن ایران ٚ ٚسرکؤنسۊل بۊ، خۊ زاکي-ه [[باکۊ]]، [[شؤروي]] مئن زندگي بۊکۊده. فهيمه موسیقي استعداد باکۊ مئن کشف بۊبؤست ؤ اۊ ايران ٚ واگرد ٚ پسي، موسيقي-ه ايدامه بدأ ؤ مرتضی خان محجوبی شاگرد بۊبؤست. اۊ اۊرۊپايي شانسؤنان ٚ سبک أجي آواز خاندي ؤ بتانسته چند زوان أجي بؤخؤنه. ۱۳۱۷ شمسی سال ٚ مئن، فهیمه محسن أکبر ٚ أمرأ ايسمار بۊگۊده ؤ خۊ شؤهر ٚ فاميلي-ه خۊ سر بنأ. محسن اکبر ٚ أمرأ ايسمار بؤده پسي، سال ۱۳۱۷ه.ش بمأ [[گیلان]] ؤ [[رشت]] بينیشته. فهیمه [[گيلک]]ان فرهنگ ٚ مئن پژۊهش بؤگؤد ؤ بيس سال گیلان ٚ مۊزیک ؤ داب-ه هامۊته ؤ یته کيتاب ني بينيویشته: طباخی گیلان. اۊ أولي گيلان ٚ آشپزي کيتاب-أ بينيويشته ؤ گيلکي ترانه‌ئن ٚ خانش-أ شرۊع بۊکۊده. هأتؤني فهمیه اجتماعي فعاليتان ٚ مئن پۊر کۊنۊش کۊدي. ايران ٚ انقلاب ٚ پسي، فهيمه خۊ مرد ؤ سۊته زاکان ٚ أمرأ کۊچمال بۊکۊد [[آمريکا ايجؤنأبؤ ايالتؤن|آمريکا]]. فهيمه آمريکا مئن ايته مزقان ٚ آلبؤم چأکۊده. اۊن سۊ ته زأک دأشتي: گیلان، گلي ؤ فتح‌الله.<ref>[http://www.womenofmusic.ir/index.php?user=article_detail&detailid=29 سایت خبری زنان موسیقی ایران]</ref> فهميه أکبر ۱۳۸۸ سال ٚ شهريور ٚ مئن، آمريکا واشينگتن ٚ دۊرۊن بؤمؤرده.