فمنيسم: نۊسخه'نˇ تؤفير
نگار نجاتی (گب | ياوريئن) صفحهای تازه حاوی «'''فمنيسم''' (اينگيليسي: Feminism) محدۊدهاي جه جنبشأن ؤ ايدئۊلؤژيأني ايسه کي اي...» ایجاد کرد |
(بدون تفاوت)
|
نۊسخه ۲۱ اؤکتؤبر ۲۰۱۵، ساعت ۱۶:۰۳
فمنيسم (اينگيليسي: Feminism) محدۊدهاي جه جنبشأن ؤ ايدئۊلؤژيأني ايسه کي ايته مشترکˇ هدفأ همرسأني کۊنه: تعريف، بنا نهأن ؤ فأرسئن به سياسي، اقتصادي، فرهنگي، شخصي ؤ اجتماعي مۊساوي حۊقۊق، زنأنˇ رئه. أن شاملˇ ايته کۊنش برای برقرار کۊدنˇ مۊساوي فۊرصتأن زنأنˇ رئه، آمۊزش ؤ استخدامˇ مئن ايسه. ايته فمنيست جه حۊقۊق ؤ برابريˇ زنأن حماىت کۊنه.
فمنيستي جنبشأن، زنأنˇ حۊقۊقˇ وأسي، مۊبارزه بۊکۊديد ؤ به مۊبارزه ادامه بدأييد؛ کي أن شاملˇ حقˇ رأى دأن، دؤلتي اداره تأسيس کۊدن، کار، مۊنصفانه دسمۊزد، مالکيت، تحصيل، قرارداد دوستن، مۊساوي حۊقۊق دأشتن ازدواجˇ مئن، زايمانˇ مۊرخصصي. فمنيستأن خۊفرماني ؤ جسماني شأنˇ رئه ؤ زنأکأن ؤ لاکۊىأنˇ حفاظتˇ وأسي، جه تجاوز، آزارˇ جنسي ؤ خأنگي خۊشۊنت، کۊنش بۊکۊديد.
فمنيستي مۊبارزهٰن در کل به عۊنوانˇ ايته جه مۊهمترين نيرۊأني کي مۊنجر به تاريخي- اجتماعي عۊمده تغييرأن زنأکأنˇ حۊقۊقˇ رئه، بخۊصۊص غربˇ مئن، کي بطؤرˇ جهاني با فأرسئن به زنأکأنˇ حقˇ رأي، بيطرفيˇ جنسي اينگيليسي زبانˇ مئن، تؤليدˇ مئلˇ حق(شاملˇ به دست بأوردنˇ حقˇ جلؤگيري جه بارداري ؤ سقط)، قرارداد دوستنˇ حق ؤ مالکيت، مۊعتبر بشنأخته بۊبؤسته، به حيساب أيه. اگرچي کي فمنيستي حماىتأن بطؤرˇ عۊمده زنأکأنˇ حۊقۊقˇ رۊ تمرکز بۊکۊده ؤ کۊنه؛ بعضي جه فمنيستأن، بل هۊکزˇ مأنستن، مردأکأنˇ آزاديأ فمنيستي اهدافˇ مئن مطرح کۊنيد، چره کي مردأکأنم سۊنتي جنسي نقشأنˇ أمرأ آسيب دينيدي. فمنيستˇ تئؤري کي جه فمنيستي جنبشأن منشعب بۊبؤسته، نابرابريˇ جنسي ذاتˇ فهمستنأ، با زنأکأنˇ اجتماعي نقشأنˇ آزمۊدنˇ أمرأ ؤ أشأنˇ زيسته تجربهٰن نشانه گيره؛ کي أن تئؤريأنيأ نوعي اۊصۊلˇ مئن، پاسخ به مسألهٰني وأسي، جنسي اجتماعي ساتارˇ مأنستن، توسعه بدأ.
بعضي جه فمنيسمˇ فؤرمأن براي خالي در نظر گيفتنˇ دۊرنماي [زن]ˇ سيفيدپۊست، وسطي طبقه ؤ تحصيل بۊکۊده، نقد بۊبؤستهئيد، کي أن مۊنجر به ايجادˇ فؤرمأنˇ خاصˇ نژادشناسانه ىا چند-فرهنگي بۊبؤست.