آب ٚ کنار

(مسير عوضاؤدن آبکنار أجي)


آب ٚ کنار ایته جه أنزلي شأرستان ٚ رۊستایان، گیلان ٚ دۊرۊن ايسه. آب ٚ کنار [۱] أنزلي سل ٚ ورجأ ؤ چارفريضه دهستان ٚ مئن واقع بۊبۊسته. أ رۊستا سۊ ته محل دأره کي اۊشان ٚ نامان مير محله، مئن محله و مسجد‌ محله ايسد.

آب ٚ کنار
ايته تاتايي آب ٚ کنار ٚ جه
ايته تاتايي آب ٚ کنار ٚ جه
کۊللي ايطلاعات
کشورايران
اۊستانگيلان
شأرستانأنزلي شأرستان
بخشأنزلي شأرستان ٚ مرکزي بخش
دهستانچار فريضه دهستان
مردۊم
جمعيت۱٬۹۵۱ نفر (۱۳۹۵)
زوانگيلکي
مذهبشيعه
طبيعي جۊغرافیا
بۊلندي دریا جه۱۸- متر
رۊستا ايطلاعات
سؤغاتبج، ماهي، هندوانه، کيوي
تيلفۊن ٚ پيش‌شۊماره۰۱۳

وجه تسمیه دچينواچين

أ رۊستا أنزلي سل ورجأ واقع بۊبؤسته ؤ شأ گۊتن آب ٚ دۊرۊن محصۊره ؤ جزيره‌اي فؤرم ايسه هأن ٚ وأسي اۊن ٚ نام-أ آب ٚ کنار بنأده.

 
أنزلي‌ سٚل

آب ٚ کنار ٚ قدمت دچينواچين

أ رۊستا قدمت دقيق مۊشخص نیه ولي طبق آب ٚ کنار مردۊم ٚ گۊفته‌ئن، أ رۊستا ويشتر جه ۴۰۰ سال قدمت دره.

یاسنت لویي رابینو، ولگ ۱۲۲ ولایات دارالمرز دۊرۊن بينویشته دره: «آب ٚ کنار ايته شبه جزيره ايسه کي أنزلي‌ سل ٚ رۊ واقع بۊبؤسته و ايته پيله خۊشک کۊني کارخانه ني دأره. تربه‌بر، خمیران، شیله‌سر و صافخانه کرگان ني أ رۊستا محله‌ئان ٚ جه ايسد.»

فتح‌الله شکۊفه کي ايته آب ٚ کناري محقق ايسه آب ٚ کنار ٚ باره بۊگۊفته دره: آب ٚ کنار پيلئکي ؤ مساحت ٚ نظر ٚ جه دۊ هزار هکتار ايسه. أ رۊستا ۱۳۰۷ شمسي سال ٚ مئن برق‌رساني بۊبؤسته. ايران ٚ أولي دبستان أيه احداث بۊبؤسته کي أولي مدرسه گيلان ٚ دۊرۊن ني ايسه ؤ أیه ۱۵۰۰ ته علم‌آمۊج دأشتي ؤ أطراف ٚ محله‌ئن ٚ جه ني زاکان درس‌خاني ره أيه آمؤدي.[۲]

آب ٚ کنار ٚ محله‌ئان دچينواچين

  • جیر محله

قديم أ محله، سادات محله و مير محله دۊخاديد چؤن ويشتر أ محل ٚ مردۊم سید ايسده. هأتؤني جه أ محل ٚ باخي نامان شأ جير محله-یه اشاره کۊدن ؤ أ نام-أ اۊن ٚ جۊغرافي موقعیت ٚ وأسي بنأن ؤ بيجيرترين محله آب ٚ کنار ٚ محلان ٚ دۊرۊن ايسه.

  • مسجد محله

آب ٚ کنار مردۊم اي دؤره تصميم بيگيتد کي ايته مسجد آب ٚ کنار ٚ محله ورۊدي سر چأکۊند کي هسأ آب ٚ کنار جامع مسجد نام دره، گلف گلف اۊ محل جه آبکنار کي مسجد جامع اۊن ٚ مئن واقع بۊبؤسته مسجد‌ محله نام بيگیته.

  • مئن‌ محله

أ محل بین دۊ ته محل مسجد محله ؤ جير محله واقع بۊبؤسته ؤ هأن ٚ واسي اۊن ٚ نام-أ مئن‌ محله بنأده. آب ٚ کنار ٚ أولي مکتب‌خانه ؤ أولي عۊمۊمي حمام أیه چأکۊده بۊبؤسته. مئن‌ محله قديمي آدمان گده کي آب ٚ کنار ٚ حمام ٚ چأکۊدن ٚ دستۊر-أ ميرزا کۊچي خان بدأ بۊ. متاسفانه أ حمام تخريب بۊبؤسته ؤ اۊن ٚ جه أثري نمانسته.

سربس دچينواچين

  1. http://seeiran.ir/روستای-آبکنار/ |عنوان = روستای آبکنار| ناشر = سی ایران|تاریخ = |تاریخ بازدید = ۵ اکتبر ۲۰۱۷}}
  2. http://www.magiran.com/npview.asp?ID=3538756 |عنوان =چراغ «آبکنار» خاموش می‌شود؟ |اثر = | ناشر = روزنامه ایران|صفحه =۹ |تاریخ =۲۰ فروردین ۱۳۹۶ |بازیابی = ۵ اکتبر ۲۰۱۷}}