Wikipedia:دؤجئه وانويس/۲۰۱۷/۰۶
![فمنيسمˇلؤگؤ](http://upload.wikimedia.org/wikipedia/commons/thumb/4/41/Woman-power_emblem.svg/80px-Woman-power_emblem.svg.png)
فمنيسم (اينگيليسي: Feminism) ايته هنشره اۊ جۊمبشأن ؤ ايدئؤلؤژيأنˇ جا کي ايته مؤشترکˇ هدفأ همرسأني کۊنه: سياسي ؤ اقتصادي ؤ فرهنگي ؤ شخصي ؤ اجتماعي حۊقۊقˇ ميان، زناکانˇ رئه برابريه تعريف کۊدن ؤ بنا نهأن ؤ فأرسئن. أن شاملˇ ايته کۊنش برای برقرار کۊدنˇ مۊساوي فۊرصتأن زنأنˇ رئه، آمۊزش ؤ استخدامˇ مئن ايسه. ايته فمنيست جه حۊقۊق ؤ برابريˇ زنأن حماىت کۊنه.
فمنيستي جۊمبشأن، زنأنˇ حۊقۊقˇ وأسي، مۊبارزه بۊکۊديد ؤ به مۊبارزه ادامه بدأييد؛ کي أن شاملˇ حقˇ رأى دأن،دؤلتي اداره تأسيس کۊدن، کار، مۊنصفانه دسمۊزد، مالکيت، تحصيل، قرارداد دوستن، مۊساوي حۊقۊق دأشتن ازدواجˇ مئن، زايمانˇ مۊرخصصي ايسه. فمنيستأن خۊفرماني ؤ جسماني شأنˇ رئه ؤ زنأکأن ؤ لاکۊىأنˇ حفاظتˇ وأسي، جه تجاوز ؤ آزارˇ جنسي ؤ خأنگي خۊشۊنت، کۊنش بۊکۊديد.